مغتربات البحرين

سلام وعليكم
عواشر مبروكة
انا جديدة ف المنتدى كاين شي ترحيب
وكاين شي اجواء د رمضان؟

انا قريب جاية للبحرين ان شاء الله
كيف دايرة الحياة تما كاين شي قنط

---

lyjvfhj hgfpvdk

مرحبا بيك في البحرين* جيبي معاك شي فرشات تلبسيهم فالدار راك جاية فالموت تاع الصهد الله يلطف بينا هي بلاد الهنود

عن طريق : samsung – GT-S5282

ترحب بيك الجنة اختي ديالي اتشرفت بمعرفتك
ان شاء الله قالهالي راجلي قالي الصهد بزااااف اوى الحمد الله على كل حال

واش موجدة شي* بروكرام تدوزي بيه الوقت ولا غتكلسي بحالي فالدار وتسنايه يرجع من الخدمة اش من بلاصة لاش* غتجي

عن طريق : samsung – GT-S5282

عليكم السلام مرحبا بيك اختي ايوا وجدي راسك للصهودات هههه والرطوبة ايوا الحمد لله . ان شاء الله تولفي دغيا هنا والله يجيبك على خير

عن طريق : samsung – SM-T310

بنات بلادي والو غير الدار قحالك وصافي غي شنو كنقول ادا رزقني غادي نعمل ولادي نتونس معاهم وراجلي ف المنامة

لين الورد ربي يخليك اختي وترحب بيك الجنة ان شاء الله ياربي الواحد عندو ما يولف والغرفة غي شنو كدجي صعيبة فالاول الله يصبر الجميع

ايوا مزيان انا راه دوزت لحين سنة وعاد حملت فشهر يناير الحمدلله ايوا غير ملي تجي ماتديريش فبالك الحمل باش ما توثري دوزي وقتك مع راجلك وفرحي ونساي الهم الغربة واخا صعيبة لكن غادي تعودي انا الحمدلله ولفت من نهار الاول ههه دابا قدر الله نتي تجي وانا نهبط لمغرب نذوز رمضان ومن بعد نطلعو نستقرو فالسعودية شوفي جيبي شي طويجين معاك راه يخصك

عن طريق : samsung – GT-S5282

ديكشي لي كاين اختي نمشي ونولف شوية ونتوكل على الله ونتمنى من الله عز وجل يرزقني بالذرية الصالحة ان شاء الله هادي 3 سنين فاش تزوجت وكنت كنأجل الحبالة حتى نستقر مع راجلي ان شاء الله
وانتي الله يكمل عليك بالخير ويعطيك وقفة ساهلة ويجيبك للمغرب على خير
حتى انا راجلي كان فالسعودية

السلام عليكم ورحمة الله وبركاته اختي الكريمة الله يوفقك وتلحقي بزوجك الله يسر ليك ورزقك ذرية صالحة دعي معي اختي انا زوجي في سعودية بقي ماتيسر نلحق به وبقي معندش ولاد الله يوفقنا واياكم للخير