مع او ضد السكاتة!!!!!

السلام عليكم انيقاتي كيفما شفتو من العنوان باين السؤال هههه انا بنتي عندها شهر وولفات ليا الهزان الله المستعان و الى حطيتها كتبكي و دابا حرت واش نعطيها ط§ظ„ط³ظƒط§طھط© و لا لا خفتها متبقاش تبغي ترضع طبيعي بغيت نعرف واش نتوما مع ولا ضد السكاتة
واش عندها اضرار وكيفاش نستعملها

---

lu h, q] hgs;hjm!!!!! hgs;hjm

موضوع زوين تبارك الله عليك حتى أنا غادي نولد فشهور المقبلة أبغيت نستفد معك إن شاء الله ميبخلوش علينا الأنيقات بمعلومات فالموضوع

السلام عليكم ورحمة الله

اختي السكاتة بالنسبة لي مرفوووووووووووووووووووضة

جوج بنيات كبرو الحمد لله بلا سكاتة لكن للاشارة كان خروجي قليل ونهار كنخرج الحمد لله معمر حشموني بالبكا

والى ولدت مزال اكيد مغنعملهاش وخا نكون نخرج يوميا هدا رايي وربي يحفض ليك وليداتك

انا مع اختي الهام فالراي،ولدي عطيتو السكاتة ورفضها وقلت من الخير ومادرت حتى محاولة باش يقبلها،راه فيها المضرة.كيوليو يكبرو وباقي كيمصوها ونهار تقطعيها ليهم يبداو يمصو صباعهم.بناقص منها اختي.وكتضر الحلاقم

الله يكمل عليك اختي بخير و نتمناو من الانيقات يعاونونا

انا راه النهار كلو وانا في الدار مكنخرجش و عمري مخرجت الا للطبيبة و كان خاصني ضروري الرضاعة و حليب اصطناعي و فالليل كتبقى تبكي الى حطيتها فالنموسية ديالها و فكرت فالسكاتة حيت كلشي كينصحني بها و فكرت نسول اخواتي فالمنتدى قبل منقرر

انا اختي درتها لوليداتي بجوج والحمد لله الليل تنتهنا ومنين بداو ينوضو السنان تيلقاو فاش يعضو هههههههه ماشي اللي لقاوه يديروه في الفم اديالهم ومنين تبغي تحيديها ابداي اعطيها ليه غير في الليل وبشوية حيديها ليه ابحال البزولة من بعد غادي ينساها وصافي وكل واحد والراي اديالو ولكن انا عندي ضرورية

ضرورية السكاتة
لانه الا ما عطيتها ليها كدير اديها فمها وتحاول تمص في صباعها

اختي لوكان نعرف فين ساكنة نشريها ونجيبهالك على الزعاف اللي راه فيا اختي انابنتي الاولى درتها لها هي والرضاعة مع العلم انا كل ولادي والحمد لله رضعتهم طبيعي ولكن هاد البنت التالية اختي معدباني مابغاتش تشدها واخا ديتها معايا للسبيطار والو يعيت مانبدل فالسكاتات وندير فيهم العسل والو واختك تبات الليل كاملو وهي ترضع واخا تكون شبعانة تبغي فاش تلاهاهههه

ح
الله يجازيك بخييير حتى انا نفس المشكل بالليل واخا تكون شبعانة كتبغي تلاها بالبزولة عيت و الله مكنعس ملي ولدت