مع اقتراب الشهر الفضيل

السلام عليكم و كنشكر كل اخت كتاخد من وقتها باش تفيد الاخوات الله يجعلو فميزان حسناتهم يا رب
عندي طلب مع ط§ظ‚طھط±ط§ط¨ ط§ظ„ط´ظ‡ط± ط§ظ„ظپط¶ظٹظ„ كل اخت تقترح علينا الافكار ديالها للتحضير قبل رمضان باش يبقا لينا وقت للعبادة
و شكرا كنتمنى الاخوات يتفاعلو معانا
انا ملي كان المندرين موجود خديتو و نقيتو و درتو فالفريكو ملي نبغي نوجد العصير ما عليا غي نطيبو و نطحنو مع اضافة السكر و نصفيه 2 كيلو كتخرجلي تقريبا 3 لتر
و نلقاو باش نتبردو في رمضان ممكن اضافة اي نوع من الفاكهة
و حتى الفريز جمدتو ولي لقا الديسير رخيص ياخد منو سواء موز او تفاح يتنقى و يحتفض بيه مع شوية عصير الحامض

---

lu hrjvhf hgaiv hgtqdg

والو مازال ماجاب الله حتى مشاركة ولكن انا مازال كنعاين فالاخوات

السلام عليكم اختي انا دخلت باش نستافد ههه حيت معارفة مندير وشكرا بزاف على هاد الموضوع

مرحبا اختي حتى انا طرحت هاد الموضوع باش الكل يفيد و يستفيد

حتى انا جيت ننقل ..ههههههه…كلنا في انتظار الحادكات….انا يالاه خديت شوية فريز خاصني نزيد منو وخديت الجلبااااااانة ولكن التوجاد مازال ما كاين والو

انا تنا معا هد الفكرة وخا مزاااال بعيد ولكن مفيها باس غير نوجدو ونديرو وريقا نكتبو فيها اشنو نوجدو قبل الشهر الكريم باش كيف قلتي تفرغو للعبادة

انا عندي اقتراحات بالحق باقي الحال غير نكتب فوريقا باش منساوش وملي يقرب الشهر الكريم بعشرين يوم بحال هكاك نبداو نوجدو

اول حاجة المسمن والملوي ورزة القاضي هدو اي نوع عادي بلا عمارة بلا والو
كلشي كيعرف الطريقة وانا كنقتارح ملي نبدا نطيبهم نطيبهم نص طيبة غير يتصهدو ونخليهم تبردو فوق المنديل وملي نبغي نجمعهم فالبلاستيكا اللي غنديرو فالفريكو كل حصة اللي غتستهلك فاليوم متلا اربع مسمنات او تلاتة نديرهم فبلاستيكا كل نهار وكمية ديالو ونكتب التاريخ تاع النهار واسم المسمن باش نعرفوه ونحتافضو بيه

هدا بالنسبة للمسمن

بالنيبة للقطاني اللي كنستهلكو بزاااف هيا الفول والحمص والعدس
كاين اللي كيدير الحريرة حتا بالفول
انا طريقتي كنرطب الحمص ليلة كاملة وكنقيه ونرطب الحمص تاهوا لمدة اربع ساعات باش يطرا وحتا اللون ديالو الاسود ميطلقوش وحتا ملي كيطيب مكتفرقش ليه الجلدة

وكنددا نعبر كل كاس تاع الحمص فبلاستيكا وكنزيد معاه نص كاس عدس كلشي مرطب قبل والحمص مفسخ وحتا اللي كيحب الفول يرطبو تاهوا ويزيد معاه شي حبات فالبلاستيكا يعني كل حق تاع الحريرة كنديرو فبلاستيكا على ود انا كندير كل نهار الحريرة كل نهار فرمضان

هدا بالنسبة للقطاني

بالنسبة للربيع كلشي كيطلع ليه الدم من التقطان والوقت ضيق كنقتارح الكرافص نقيه ونغسلو مزيان ونشفو مزيان ونقطعو ونديرو فمكعبات التلج ونكب عليه قطيرات تاع الماء غير باش يشد الشكل تاع المربعات ونفس الطريقة بالنسبة للربيع
وبالتالي ملي نبغي نوجد الحريرة غير كنجبد المربعات ونلوحهم

اه وكنوجد شباكية لسان الطير تاهيا ونديرها فبواطات ونديرهم فالفريكو
وكندير نهار كامل كنوجد فيه كمية مهمة الورق تاع البسطيلا فالدار ندير كمية مهمة

ونوجد بيها بريوات باللوز والجلجلان و ونقليهم ونطفيهم فالعسل ونسقطرهم ونديرهم فالفريكو مكيخسرو موالو كيسبرو الشهر كلو

ونطاوب بسطيلات صغار ندير هكاك حيت غير انا وراجلي كندير شي عشرين حتا لتلاتين حبة غير صغار

هيا مشي كل نهار بسطيلة ولكن كتبغي تفطري شي دري هكاك فسبيل الله اولا يجيك شي ضيف على غفلة

هدا بالنسبة للمورقات

شكرا على الاقتراح و المشاركة ديالك و كيف ماقلتي حتى انا غندير وريقة و نقيد باش انشاءالله نسهلو علينا

مرحبا اختي واجي نقلو جميع ههههه ها الاخت امة الله كتعطي نصائح مهمة الله يسهل امورها