مشكلتي فراني ألي حرمني من شهيواتكم يا الحادكات

بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين خواتاتي الحدكات وصفاتكم مبهرة وكتعمر العين لهلا إيخطيكم علينا ولكن الزهر معنديش ليجربتها تخسر لي حتى ركبني العصاب من واحد الفران عندي الله إخليه بالخلى ديال الضو بالفرفارة كيشعل من الفوق ومن التحت ومفيهش من التحت وحدو يعني ليطيبتها من كْرص ولا كرواصة كتبقى خضرة من الوسط وطايبة من الفوق وخى كندير لاطة حابسة الفوق كتوصل الحرارة ليهم ويبقو خضرين من الوسط الله غالب معرفت مندير ليه وانا ديت على فران الغاز في دارنا والله راني محرومة من الشهيوات

---

la;gjd tvhkd Hgd pvlkd lk aid,hj;l dh hgph];hj lg[ hgph];hm

السلام عليكم اختي ماتفقسيش راسك الفران متجهديهش بزاف باش طيب ليك الحاجة مزيانة ديري عافية ناقصة شوية حتى انا عندي ولاكن كنقص عليه

الله يكون فعونك عارفة إحساسك منين تتوجدي وضربي تمارة وفالأخير ماتخرج زوينة
ممكن أختي تغطي الحاجة اليي غطيبي بورق ألمنيوم حتى تحسي بها طابت وعاد حيدي الورق وخليها تتحمر وكيف قالت ليك الأخت bati fati نقسي العافية وديري حرارة أقل من المعتاد
الله يصوب أختي ولكن متعصبيش صحتك أهم

—ينقل لقسمه—

أختي الفران ألي عندك صعيب تفهمي تيابو من الأحسن لو خلته غي لطياب أتحمار أشرتي شي واحد صغير للحلويات إلى كنت فبرا راح كينين أرخص ولا كنت فلمغرب راه غي 400 ذرهم كينين أغزالٍينن

okhti bati fati chokran 3la lmocharaka wakha ya khti kan9as 3lih makitaybch lia mazyan

chokran okhti amalochka ih raki 3arfa lfa9sa khososan mali dalki lhaja hta takhroj lik hdaba fi dahrak hawo iji si lfaran ikhasarha wola lma9adir kadi3 ghir hakak yakhti wara9 aliminyom nghati bih hta karwasa labghit ntayibha wo lkika wola ghir lmakla

okhti moona 100 machkora 3la lmocharaka okhti ana bara maymkanchlia nchri dial lgaz hant 3andi kolchi dow wilaknti womakinch dial lgaz kitba3 fi lkharij hant lbotat makibi3ohmch hadi hia lmochkila machi bhal bladna

اختي حتى انا عندي بالفرفارة والى بغيت نخدمو من لفوق او لتحت ولا بجوج لكن انا اغلب الاحيان كنخدمو من لتحت والفوق فمرة والحمد الله كيطيب مزيان خاصك غير تسخني الفران مزيان وفاش دخلي الماكلة نقصي فيه ديريه غير على درجة باش طيب على خاطرها

ديري درجة الحرارة ف 170/ 180 و ان شاء الله غادي اطيب لك مزيان