مشاركتي في مسابقة سلطات لي فزت بيها بالمركز الاول

ثم تثبيت الموضوع بواسطة @ الزهراء @ بتاريخ ………16/12/2019 السلام عليكم ورحمة الله تعالى وبركااته ليوم غادي نقدم ليكم سلطة منوعة لي تنفع تقدم ل ضياااف وعلاش لا نوجدوها لراسنا ولوليداتنا ههه نبداو علا بركة الله ولكن هنا منقدش نحدد المقاديير ولا الكميية المهم غادي نكتب مقاديير كل سلطة بوحدها الصلصة هنا فضلت انني منستعملش المايونييز حيت السلطة متنوعة وغنييية اذب بلاش علينا ايدام تاع المايونيييز هه حتا هو لذلك خديت حك ياغوورت طبيعي ودرتو فصفاية رقييقة حتا قطر منو الماء وزدت ليه نص معيلقة موطارد ومعلقة صغيرة كاتشااب والملح وخلطت الكل وهادي هيا صلصة لي خلطت ط¨ظٹظ‡ط§ المكونات السلطة 1 (بطاطا معمرة بطبقات الخضر) بطاطا/فرماج مثلت/ملح /ابزار/ربيع باربا مصلوقة/بصلة مشلضة/ملح /ابزار/خل زيت العود كرعة خضرا/جزر/طون/كبار(اختياري)/ملح/ابزار/صلصة فلفة خضراء/بصلة/روز مصلوق/ملح/ابزار (او كنور) الطريقة اولا غادي نسلقو بطاطا ولا نفوروها انا هنا فورتهااا وهي سخووونة نزيدو عليها فرماج وتوابل وربييع ونمعكوها مزيان ناخذو ايناء لي غادي نعمرو فييه نغلفوه بورق السيلفيريزي ونغلفووه ببوري تاع بطاطا من بعد غادي نخلطو مكونات البربة ونفرشوها فوق بطاطا لي لبسنا للمول ندوزو للكرعة وخيزو نسلقوهم ونفوروهم منين يبردو نخلطووهم معا باقي المكوناات ونديرو طبقة فوق الباربا لي فرشنا من بعد نشحرو البصلة والفلفلة فشوية زييت حتا ينزرلو ونزيدو رووز ونشحرو الكل ونضيفو هاد الخليط فوق الجزو والكرعة لي حطيناا ونغلفو المول ببابي سولفيريزي وندخلوه لثلاجة يشد راسوو مزيان السلطة 2 (كويرات الحوت ملفوفة بالقرعة الخضراء) كفتة حوت ابيض(هنا استعملت ميرلا)/بيض/دقيق/شابلير/قرعة خضراء//ابزار/بودرة ثوم/ربيع/رشة صوص صوجا الطريقة غادي نوجدو الكفتة ونتبلوها بالملح ابزار بودرة ثوم صوص صوجا وربييع ونديروها كويراات صغااار ندوزهم فدقيق والبيض وشابليير وندخلهم للمجمد يشدو راااسهم عاد نقليوهم غادي ندوزو للقرعة خضراء نقطعوها رقييقة بطووول ونشرملوها بشوية ملح ابزار وزيت العود ونديروها تشوىى السلطة 3 (سلطة البيض معمر) بيض مصلوق /طون/معلقة صوص/ملح ابزار بعدما نصلقو البيض نقسموه علا 2 نخويو الاصفر ديالو ونخلطووه معا طون وصوص وملح وابزار ونعمرو البيض ديالنا السلطة 4(كويرات الجبن) جبن اي نوع (هنا استعملت الريكوطا ولكن خليتو فزيف تصفا اللليل كامل باش يجي شاد راسو)/زنجلان محمر/ربيع مقطع نشدو الجبن ونديروه كويرات صغااار ونمرمدوه فزنجلان وفربييع السلطة 5(الكروفيت) الكروفييت يكون بقشورو نشحروو فشوية زيت وملح وبودرة الثوم ونفس الشيء نديروه لشومبينيوو هنا نسيت مصورتوو وهنا صور المكونات عندنا السلطات ب 5 واجدين وطوماط سوريز عمرتها بخليط البيض لي بقا ليا خس خيار بسباس جزر وحامض وهنا غادي نبداو التقدييم ناخدو طبسيل لي غادي نقدمو فييه نقلبوو فيه سلطة البطاطا ندهنو الوجه ديالها بقليل من الصلصة ونستفو كويرات الجبن لي وجدنا والكروفيت وندوروها بانصاف دوائر الخياار ونبداو نستفو فالخضر وباقي السلطات كيفما بغينااا هادو كويرات الحوت لي لويتهم فالقرعة مشوةت وشديتهم بكيردو وزوقتهم بطوماط سوريز وهنا سلطة تاع الكروفيت حطيت شومبينيوو ودورتو بالكروفيت وهادي سلطة بطاطا لي زوقت بكويرات الجبن وهذا البيض لي عمرت زوقتو بزيتون وهذا الطبق النهائي بعدما ستفنا كاع الخضر وزوقتها بطوماط سوريز معمرين وشرائح الحامض