انيقاتي عواشركم مبروكة ان شاء الله يكون عيدكم داز بيخير وعلى خير يا رب حبيت نشارككم بنهار ط§ظ„ط¹ظٹط¯ ديالي هاد ط§ظ„ط¹ظٹط¯ عيدت نصفو فالدار و النص الاخر مع ناس من العائلة داكشي علاش مقدرتش نصور جميع المراحل نتمنى تلقى ظ…ط´ط§ط±ظƒطھظٹ اعجابكن وعلى بركات الله 
قبل ط§ظ„ط¹ظٹط¯ بنهار مشيت عند الناس لي غادي نعيدو معاهم عاونت المرا حتى صاوبنا الحلوة سمحو ليا مصورتهاش المهم صوبنا 2 الاشكال وحدة ديال الكوك المعروفة ريشبوند المقادير ديالها كالتالي: 2 كيسان زيت 2 كيسان سنيدة 2خمارات 2 بيضات قشورة 2 ليمونات محكوكين و الدقيق حسب الخليط كتجي رطبة بزاف ومنسمة بالليمون والتانية ديال صفار البيض المسلوق راها معروفة رجعت لداري حتال الغد ليه فالصباح فقت صليت الفجر وحطيت لراجلي حوايجو كنت صلحتهم بالليل وجدت ليه الحسوة والتمر خرج للمصلى انا نضدت طيبت المسمن حيت وصيت المرا متصوبوش جمعت داري و سيقتها دوشت ولبست حوايج وبديت كانعيط للعائلة ديالي ماحد الروينة مازال ما بدات رجع راجلي من المصلى خرجنا مشينا عند الناس دخلت لقيت المرا كتوجد الفطور وجدنا انا وياها بينما الرجال وجدو السطاح للدبيحة فطرنا طلعو الرجال و الدراري الصغار يدبحو جمعنا ماعن دالفطور وجدنا البنيوواات ودرت الماء يطيب على حساب الكروش هبطو الكروش دالحوالة تكفلت انا بالدوارة نغسلها حيت المرا عندا بنيات صغار كتفطرهم و عجنات وانا وحلت فالدوارة هههههه سبحان الله فينما مشيت كانوحل فيها نغسلها هههههه المهم فشيت غدايدي فيها غسلتها مزيااااان وهانتوما شهدو عليها 
ساليت رديت التقلية درت ليها القزبور حبوب الكامون البزار سكينجبير الربيع البصلة مشلضة خرقوم البلدي وشوية د الزيت العود قطيرات و صافي الحامض المصير و مطيشة كنخليها حتال التالي 
ساليت الغدا وجدنا الطبلة داتاي و ماعن دالشوا والفاخر الرجال هما لي تكفلو ببولفاف داكشي علاش مصورتش هاد المرحلة بينما هما كيشويو جمعنا الروينة دالكوزينة طلعنا لالسطاح الحمد لله لقينا الرجال حادكين هههههه نقاو كولشي ههههه مصورتش السطاح خفت المرا تنزعج من كثرة التصوار ههههه هبطنا الريوس شويناهم على البوطر الصغيرة ههههه كل وحد شوات راس الحولي ديالها هههههه هادا حوليا مسيكين من بعد انواع التعديب و الحرق و الجكس هادي النتيجة رجع كيشعل البلاصة البيضا بيضا والبلاصة الكحلة كحلة ههههههههه 
من بعد تغدينا و سرحنا رجلينا الكرداس خليتو حتال الدار عاد صايبتو حيت نسيت مديتش معايا العطرية انا كنعطرو و المرا لي معايا كتدير ليه غير الملحة المهم سالينا خرجنا ندورو بنياتها شوية يلعبو صافي هنا سلا ظ†ظ‡ط§ط± ط§ظ„ط¹ظٹط¯ رجعنا بالليل وجدنا عشا درنا العناق مبخرين خديت العناق دهنتهم ب الملحة ابزار قزبور يابس قطعت بصلة على 2 ودرتها معاهم وسديت الكوكوت وضعلت البوطة على نار مهييييييييييلة بزاف حتى طابو جاو فنين كايحمقو بالبنة و صايبت شويبس دالحامض ههههه حنا مكنشربوش الموناضا خديت 2 حامضات حكيت قشرتهم وعصرتهم زدت عليهم سنيدة و2 كيسان صغار دالماء طحنت كولشي مزيان و خويت العصير فالكيسان وخويت عليه والماس وهكدا وجدت شويبس سيطرون فالدار مشيت لدار وجدت الكرداس خليتو فالتلاجة حتال الغد ليه عاد نشرتو بالنسبة للكرداس كاندير فيه زعتر مطحون قزبور حبوب ملحة حية كمون ابزار ابيض ابزار اسود خرقوم بلدي سكنجبيير صافي ولي شاط ليا منو ضفرتو ودخلتو للفريكو نقوليكم واحد السر ديالي دالقديد انا ساكنة فمدينة ساحلية بالنهار كننشرو فالشمس و بالليل كنشعل الفران يسخن شوية وندخلو هكدا كينشفلي بالزربة وندخلو للفريكو لغد ليه عاد قطعنا الحوالا قاديت الشحمة عطرتها و قاديت القديد و صدقنا لي صدقنا ودوقنا الجيران ولي بقا من اللحم درتو فالفريكو منتمنى منكونش طولت عليكم 
[URL=https://www.anaqamaghribia.com/pic/][/URL]
lahv;jd td lshfrm hgph];m kihv hgud]
تبارك الله عليك
تبارك الله تبعت معك جميع المراحل كانني معك
تبارك الله على مشيشتنا الحادقة والله يعطيك الصحة راني نقلت منك شويبس سيتغون وجربتها شحال من مرة جات فننننننننننة
ههههههه شكرا على مروركن حبيباتي و شكرا على التقييم الجميل وخا راني واقيلا جيت فالمرتبة ماقبل الاخيرة الى مكانتش الاخيييرة ههههه المهم هو المشاركة خلاوها المغاربة اختي ام حمزة مسرورة حيت عجبك الاختراع ديالي واقيلا غير نحل شركة ديال وبس حتى انا
المشاركة الأصلية كتبت بواسطة مروى المشيشة 
ههههههه شكرا على مروركن حبيباتي و شكرا على التقييم الجميل وخا راني واقيلا جيت فالمرتبة ماقبل الاخيرة الى مكانتش الاخيييرة ههههه المهم هو المشاركة خلاوها المغاربة اختي ام حمزة مسرورة حيت عجبك الاختراع ديالي واقيلا غير نحل شركة ديال وبس حتى انا هههههههههههههههه لالا بالعكس كلكم جيتو في المرتبة الاولى يكفي انك تتقاتلي باش تصوري فدار الناس هههههه هدا بحد داتو انجاز هههه شويبس فننننننننننننننننننة والله العظيم وبدون مجاملة درتها اكتر من 8 المرات كل نهار نديريها تيحماقو عليها ولادي وراجلي مع انه تاهو مكيحملش المونادا ودرتها ليه واحد المرة داها للخدمة تغاداو معاه شي صحابو حمقاتهم تاهما هههههه خصك براءة الاختراع وغير توكلي على الله راه مشروع مربح سميها "مشيش سيطرون " ههههههههه
ماشاء الله عليك مشيشتي الله يعطيك الصحة
تبارك الله عليك
المشاركة الأصلية كتبت بواسطة ام حمزة 2024 هههههههههههههههه لالا بالعكس كلكم جيتو في المرتبة الاولى يكفي انك تتقاتلي باش تصوري فدار الناس هههههه هدا بحد داتو انجاز هههه شويبس فننننننننننننننننننة والله العظيم وبدون مجاملة درتها اكتر من 8 المرات كل نهار نديريها تيحماقو عليها ولادي وراجلي مع انه تاهو مكيحملش المونادا ودرتها ليه واحد المرة داها للخدمة تغاداو معاه شي صحابو حمقاتهم تاهما هههههه خصك براءة الاختراع وغير توكلي على الله راه مشروع مربح سميها "مشيش سيطرون " ههههههههه هههههه ميش سيطرون الى سميتو هكدا حتى واحد ماغادي يشربها مازال هههههههه بصحتكم وراحتكم
المشاركة الأصلية كتبت بواسطة حنيني لذكرياتي ماشاء الله عليك مشيشتي الله يعطيك الصحة بارك الله فيك حنينتي فرحتيني بردك