السلام عليكم ورحمة الله عيدكم مبارك سعيد ان شاء الله تعيدو وتعاود ها كيفاش داز عندي نهار ط§ظ„ط¹ظٹط¯ اول حاجة فقت صباح ديال ط§ظ„ط¹ظٹط¯ توضيت صليت وكدالك الزوج ديالي وعاونتو حتى لبس حوايجو وعطاني هاد الهدية البسيطة الله يجازيه بالخير 
اوى مشيت معاه حتى لباب وقبلت راسو وخرج مشى الجامع انا فيقت بناتي دخلهتوم يدوشو ودوشت لولدي وفطرتهم وعجنت البطبوط خليتو يخمر لبست لبناتي حوايجهم طلعت الفوق سيقتو وفرشت فيه وعمرت السطولة والبانيوات بالماء وطلعت كلا ماغيخصني من لوازم الدبيحة وكدالك الطياب 
وهاهو فاش فرشتو 
ونزلت بزربة طيبت البطبوط هاهو 
وانا كنطيب ولدي حتى هو معاوني مسكين ههههه
وجدت الفطور للبنات خليتهم كيفطرو مشيت لبست قفطاني بزربة وسرحت شعري ودرت مكياج خفيف ولبست طونكاتي وبراسلي وخاتم د الخطوبة دخل راجلي ستقبلناه انا وبناتي بتقبيل يده ههههه اوى عطيتو حوايج دبيحة ومشى هو والبنات عند الاخ ديالو يعونو فاش مشاو جمعت شعري جمعت البيوت وشطبتهم اما الصالونات كنت قديتهم قبل ط§ظ„ط¹ظٹط¯ طلقت شوية ديال البخور لتعطير البيت لبست خماري و دخل راجلي هو الاخ ديالو وابناء الاخ ديالو طلعو لسطح وانا ماطلعتش ماحضرتش لدبيحة فقط سرقت غير هاد تصويرة مع وجود اخ الزوج وابناؤ مقدرتش نطلع عندهم 
فاش دبحو هبط ليا الكرشة وغسلتها لتحت اول عام نغسلها ماعمرني درت فيها يدي هههههه اناقة دارت فينا النفس ديال كلشي هههههه وهاهي فاش قربت نغسلها 
غسلت الكرشة مزيان خرجو الرجالة بقى غير راجلي طلعت عندو وفيدي الكرشة وشدينا الكبدة والقلب كنصاوبهم باش نفطرو بيهم حيث اصلا صايمين باش نفطرو بيها وهاهي 
وهاو راجلي كيقطع فيها خليت ليه هاد المهمة ومشيت وجدت الطبلة وعمرت اتاي هادشي كلشي درناه الفوق وخليت دار نقية باش متوسخش 
وها هي الكبدة فاش كتشوى ميااااااام مياااااااام ياسلام 
وهاهما بنياتي وراجلي كيتسناو انتى غير نصور باش يدير الاطاك ويعطيوها لسريط ولمريط وشي مايشيط هههههههههه
ولكن عبرت عليهم كلستهم عضس موالفين فوق السدار كلا وكيفاش معوج ولكن حتى هكى بحلاوتو بنادم يبدل شوية من بعد مافطرنا صايبنا الكرداس هو الاول وقطعت الرية والكرشة وجمعتها فبانيو ودرت ليها العطرية وفرقتها فميكات 
غسلت المصارن مزيان وصاوبتهم على هاد الشكل 
وهاهي التقلية فاش درت ليها العطرية ودخلتها للبلاستيكات 
درت تقلية باش طيب للغداء وشعلت ليها تمى نيت حيث طلعت معايا البوطة الصغيرة وسمحو ليا ماصورتش كلشي حيث ولدي مبرزطني وكيخصني نغسل ونمسح ونصور يعني فتصاور راه كاينة الخدمة وكنت كنصور من تليفون راجلي وكنت خايفة عليه لانخسرو ليه كبفما خرجت على لاباراي ديالي هههههه وقبل الغداء شوطنا الراس باش نتهناو فيه 
وهاهو فاش كيتفصل 
فاش تفصل درتو حتى هو فبلاستيكيات وهاهو هو وتقلية 
ودزنا لمرحلة تفصال ديال الحولي 
ماقدرتش نصور المرحلة كاملة حيث كنت كنعاون راجلي فاش كان كيفصل وهاهو مفصول 
وبدينا كنفصلو فيه وكنت كندير يدي مع راجلي وحطيت بانيو وكنفرق فيه العنق بوحدو والرجل بوحدو والضلعة بوحدها باش يسهل عليا الامر ملي نبغي نحطها فالميكات 
من بعد كفصلناها صاويت القديد ودرتولوالملحة و العطرية ديالو ونشرتو فسطح 
من بعد جمعت اللحم ديالي فميكات وقطعت اللحم ديال القطبان لوحدها ودرتها فبانيو صغير ودرت ليها العطرية وشوية دالخل ودرتها فبواطة وعمرت القطبان ودرتهم فميكة وحطيتهم باش الى جا شي حد بسهل عليا الامر غير نجبد ونشوي والباقي خليتو فالبواطة 
ومن بعد هبطت وستفت كلشي فالثلاجة ودوزت جافيل وتيد وسانيكروى الفوق فاش كنا كنخدمو وجمعت كلشي راجلي دخل دوش وبدل حوايجو وانا كدالك ولبست حوايجي وخرجنا انا وياه وولدي وبنتي والبنات خليتهم فالدار مشيت باركت ط§ظ„ط¹ظٹط¯ لمرات لوسي وفاش رجعنا مشينا حركنا رجلينا شوية دخلنا وعمرت براد اتاي وصلينا وطلعنا الفوق نكملو فيه ظ†ظ‡ط§ط± ط§ظ„ط¹ظٹط¯ اللي كان اكثر من رائع حتى من سكنى بدلنها ههههه اوى جلسنا كنهضرو شوية ووليداتنا كينقزو حدانا وكيلعبو وفرحانين بهاد ظ†ظ‡ط§ط± وبهداك الجو اللي مموالفينوش حطيت ليهم العشاءفهاد المنظر الغزاااااال هههههههه 
وتعشينا اللهم ادمها نعمة واحفظها من الزوال وجمعنا وشطبت وصلينا العشاء وتمى فين بقينا وحطيت ليهم دانون شربوه والبنات كيلعيو والولد نعستو وحطيتو حدى باباه وانا هبطت لكوزينة غسلت موعناتي وعاود طلعت وتكيت فاحضان زوجي وكنتفرجو فاليوتوب فالاحداث حتى جانا نعاس وهبطنا نعسنا اوى كيف جاكم ظ†ظ‡ط§ط± عيدي نتمنى تكونو استمتعتو معانا هههههه ونسيت ماقلتش ليكم انه كلا عيد اضحى فالليل كندير واحد البرمة ديال اللحم وكنخليها تطيب وانا كنجمع فروين وملي تطيب كنشدو طريق عند دار ناسي كنخرجو مع 3 ليل كنوصلو مع 9 دصباح وكندي ليهم يدوقو منو وكندوزو تمى واحد 3 ايام ونمشيو عند دارنا كنباتو عندهم ونرجعو فحالنا الا هاد العام لضيق الوقت والعطلة قصيرة حتى العام جاي ان شاء الله
lahv;jd td lshfrm hgph];m kihv hgud]
تبارك الله و الصلاة على النبي على للا نجمة أحلى تقييم *****
تبارك الله عليك اختي نجمة ركي حادكة تبارك الله محيت علا مبان ليا مخلتيش روينة تجمع عليك والعيد داز عندك زين الله يخليلك مولا دارك وليداتك وتكون ايامكم كلها افراح واحلى تقييم 
تبارك الله عليك حادكة من الطراز الرفيع هههههههه الله يحفضلك وليداتك ويخليك ليهوم
مبروووووك نجمة ودمت متألقة
تبارك الله أختي نجمة تقرير رائع
تبارك الله عليك نجمة والله الى حادكة مع راسك الله احفضك وخليلك صحيحتك بوسي ليا دلك الكتكوت ماح عليه
تبارك الله عليك حادكة ماشاء الله
تبارك الله على الحادكة والف الف مبروك على الفوز والمرتبة الاولى تستاهلي كل خير الله يحفظ لك صحتك
سلاااام