مشاركتي في مسابقة الحادكة نهار العيد 
اخواتي العزيزات عزيزاتي الانيقات انيقاتي المغربيات و المغاربيات عيدكم مبارك سعيد و كل عام و أنتن بألف خير ظ†ظ‡ط§ط± جيت لبلاد المهجر قلت لزوجي كيف كيدوز نهار العيد هنا جاوبني وقالي فحال اليوم ههه جوابو ضحكني لكن حسيتو فعلا نهار اللي كان العيد رغم دلك بغيت نشارك معاكم نهاري و تشوفو المغتربات كيف يدوزو عيدهم 
في صباح العيد راجلي كان مريض بالزكام بزاف مقدرش يمشي للمسجد خصوصا بعيد بزاف وجدت لفطور وجدت فيه الحلوى المغربية من يديا*المسمن*اتاي*طورطة باللوز مشرية*و حلوى بالميي مشرية* 
و جمعت الصالون باش منين تجي عجوزتي او لوستي يلقاو الدنيا مرتبة 
تا حد مجا كلشي خدام بقينا انا و راجلي و ولدنا فالدار غادي تسولوني فين كبش العيد غادي نقوليكم راه كيوصل حتى نهار ثاني عيد مكيبغيوش يدبحو قدام الطبيب الاجنبي فنهار العيد حيت كيفرض عليهم يضربوه بالضو عاد يدبحوه و كاين اللي كيدبح نهار لعيد فلعشية جلسنا انا و راجلي فلبلكون شربنا شوي لعصير مع الحلوى 
و صونات علينا عجوزتي خرجات من الخدمة و عارضاتنا لدارها لقيناها دايرة بولفاف الراس و للحم مفور هي جابت الحاولي ظ†ظ‡ط§ط± ط§ظ„ط¹ظٹط¯ حيت راجلها مشا عند واحد صاحبو عندو فيرما دبح تما و جاب الحاولي كامل مكمول حيت الفيرما بنادم مخزون ما شافو حد هه في صباح الغد كان العيد في المغرب اتصلنا و باركنا للاحباب و الاصحاب في 6 مساء عاد وصل كبش العيد هـــــــــــــــا هـــــــــــو 
شوفو سردي كيحمق شوفو عويناتو شحال زونين شوفو القرون هههه مشفتو والو ياك حتى حنا مشفنا والو كيوصلنا مكرض هير اللحم صافي الباقي ممنوع هير الشحمة كنطلب الجزار المغربي بشهر قبل لعيد يجيبها ليا و كنخزنها فلفريكو هاهي معلقاها هه 
الجزار المغربي الله يجازيه بالخير فرح الناس خلالينا الكبدة و الكرشة و درت اللحم فلفريكو و بديت نشوي واخا فالكونترا ممنوع الشوا بالمنزل درت الشواية مباشرة تحت الماصة الهوائية باش منتفضحش و الكرشة درناها فالغدا ديال اليوم الموالي حيت وصلنا الكبش فالليل 
الحاصول من هادشي كلو المراحل و التقاليد اللي كيديرو الناس نهار العيد بالمغرب حنا هنايا كندوزوها ف 3 ايام بالنسبة للعراضة الخاصة بعيد الاضحى بين العائلات و الاحباب حنا لقينا صعوبة باش نتجمعو حيت كل واحد خدام بأوقات مختلفة مورة 3 ايام عاد تجمعنا لمهم كنبغيو نبقاو على تقاليدنا و اصولنا رغم العوائق و الظروف اللي ممسعداناش في المهجر فالعراضة ديالي لعجوزتي و لوستي درت اتاي و الحلوة اللي وجدت للعيد سلطة الخس و الخيار و مطشة و سلطة البطاطا و الجلبانة و الجزر الخبز مبغيتش دلمخبزة درتو فالدار اللحم بلمشماش شعرية السفة باللوز و الزبيب والديسير مكيبغيوهش هناوني ههه كيبغيو اتاي مورا لماكلة دييييما هكا هه 
سمحوليا طولت عليكم 
lahv;jd td lshfrm hgph];m kihv hgud]
تبارك الله عليك كلشي متول الله اعطيك الصحة احلى تقيم
هذه انتي ههههه كنت شاكة تبارك الله عليك كل سي رائع الله يحفظكم
تبارك الله عليك الحادكة معرفت علاش تيجيني طيابك بنييييييين وخا مدقتوش هههههه ممكن تعطيني طريقتك في تحضير السفة الله يطول في عمرك
تبارك الله عليك كلشي متول
تبارك الله عليك كلشي متول
ماشاء الله عليك
اهلاااااا ببنوتتي هاني جيت عاوتاني ياغالية يا بنت الغالية رائعة دائما والخروف فالشانطة اخطر المجرمين هههههههههههه بوسي ليا سن سن وقولي ليه طاتي كاتقولك اااااه راه يعرفتي هههههه سلام
تبارك الله عليك كلشي متول
اتبارك الله اعليك