كيف حالكم اخواتي و كيف داز عيدكم مبروك العواشر لكل واحد فيكم تعيدوا و تعاودوا للأسف مصورتش بزاف ديال تصاور و الأغلبية فيهم العائلة و انا ما فيهمش يعني شغلي ما غديش يبان :p كنا ثلاثة عائلات لي غادي نعايدو عائلتي و خالتي و بنتها تجمعنا كاملين في دار خالتي حنت مولفين كنعيدو مجموعين 
البداية كانت بإحضار الأضحية كيف كنعرفوا كاملين ان دراري الصغار و كتى البنات الكبار منهم كيخافوا من الحولي انا و بنت خالتي كنا كنشكلوا استثناء عادي عندنا انه نتقاتلوا مع الحولي او نشدوا فيه 
في هاد اليوم جبنا واحد البنيتة صغيرة في عائلة ما كاملاش عندها عام و نص جبناها باش تشوف الحولي و تشوف الجو اوا هزيتها مسكينة شفتوا بقات كتشوف عجبها
غير كال باع و هي تبكي
بدات تعيط على ماماها كنت انا و بنت خالتي ربطنا الحولا لا يهربوا جا بابا قالينا لا طلقوهم لا يمشيو يديروا كيف هاذا حذفت الرسوم والصور الكاريكاتورية لمحاذير شرعية هاد ظ†ظ‡ط§ط± طلبتني بنت خالتي نبات معاهم بقيت معاهم في الدار واحد شوية سمعنا 
هبطت كنجري كنلقى الحوالا نقزوا من بلاصتهم بان لي هادوا باغيين يهربوا عيطت لبنت خالتي تعاوني فيهم راه3 بزاف علي هههه المهم ربطناهم لا يصدقوا دايرين شي مصيبة و مرارة كنت كنهبط نطل عليهم البنيتة الصغيرة ليلة كاملة و هي كتقوولي هزيني ديني باع باع ولاو عاجبينها ههه جاوها مستفين بثلاثة تاما عجبوها اوا بدات كتوكل فيهم حذفت صور الأضحية وهي على قيد الحياة لمحاذير شرعية الصراحة خفت لا تفيق و تصدم تلقاهم ماتوا و هي ما فاهمة والو 
يوم ط§ظ„ط¹ظٹط¯ بسم الله تعايدو و تعاودوا أول حاجة ساينا ماما و بابا يجي باش نتجمعوا البنت الصغيرة خبيناها خليناها مع جداها مسكينة صباح كامل و هي كتقولينا ديني باع انا مشيت هبطت مع بابا و بابات البنيتة و بنت خالتي نطلعوا الحوالا طلعناه من الكراج للسطح من أجل انا في الحولي الأول شديت الكاميرا بورتابل كنفيلمي صحفية زعما راكم عارفين الجيل ديال التيكنولوجيا و الله أكبر 
الله يرحموا مسكيين كان الله يعمرها دار
الله يتقبل الأضحية من كل مسلم طلعات روح الحولي عند مولاها و بدات الخدمة شديت الكراطة انا و بنت خالتي مقاسمين الخدمة 
كرطنا البلاصة من الدم و شطبناها مزيان من بعد نفختوا شوية و لكن بالبومبة خخخخخ دابا جا وقت السليخ هادي هي الوقيتة المفضلة عندياذ كيعجبني نشد الموس و نبدا نسلخ في الحولي مع بابا بدون رحمة و شفقة نطير ليه الهيدورة خخخخ 
شقيناه و هزيت بانيو درت فيها الكرش و باقي الأعضاء الكرش داتها بنت خالتي غسلتها باقي الأعضاء حطينهم تا نجمعو كلشي و نبداو نشويو من بعد كنعودوا التكراط و نزولو الأثار ديال الحولي كنخبعوه في شي بلاصة في السطح هبطت انا و بنت خالتي و هاد المرة غير بوحدنا باش نطلعوا الحولي طلع لينا حولي راسوا قاصح ما بغا يطلع غا بسيف و نفس الحكاية لي طرات مع الأول طرات في الثاني و الثالث اذ انه ريتم كنمشيو عليه كل عام حتى ولينا حنا البنات بروفيشيونال في السلخ خخخخخخخ جا وقت الشواء للأسف الصور بقاو في بورتابل بنت خالتي
كلينا الحمد الله و شكر لله على هاد النهار العشية دازت في الشواء الريوس الحولي كنفضلوا نشويوهم في الدار على برة غالبا ما كيرجعوش لينا حولينا خخخخ من بعد جا وقت 
جمعنا السطح و تخلصنا من نفايات و دوشنا و بدلنا حويجنا و خرجنا دربنا دويرة الأمهات تكلفوا بتوجاد تقلية انا الصراحة معنديش معها ماشي بحال البنيتة الصغيرة قالت ليهم والو عطيوني ناكل باع باع ههه عقلت عليه حي & ميت 
اليوم الثاني فقت شوية معطلة تال 10 بعد الفطور وجدت انا و بابا 
من سكاكين و منشار و مقدة بدينا بالراس فرتكناه و زولنا المخ درتوا في طاسة من بعد بدينا في تفصيل اللحم مارة كنشدمع بابا و هو يقطع مرة هو يشد و انا نقطع اولا نشر بالمنشار ما كاين غير 
حتى اصبح الخروف عبارة عن قطع صغيرة قطعت طريفات اللحم المخصص للشواء و جمعت كل طرف في ميكات كوطليط مروزية طاجين …. و درناه في الثلاجة و عطيت لماما الكديد عزلتوا ليها باش تدير ليه العطرية مورا هادشي مباشرة جا وقت تخمال الدار و مخلفات الخروف و دمايات و ما جاورهما باللغة العربية جا وقت النظافة 
من بعد جا وقت الغداء الله يعطي الصحة لماما بخرت لينا الراس ولا فاعل تارك كليناه و كلينا صبيعاتنا موراه الله لك الحمد و الشكر 
كنا دايرين عراضة اليوم إذن جمعت الدار الصباح و عاونت ماما صايبنة شلاظة بخضر مسلوقة و طيبنا اللحم بالبرقوق و المشمش و اللوز المقلي جا بنين الحمد الله إلى الآن انتهينا أتمنى ان يكون راقت لكن رحلتي لم تكن متعبة بل ممتعة نظرا للعمل الجماعي الذي نقوم به فتقاسم الأعمال و او ان نقوم بعمل بمساعدة شخص أخر يكون ممتعا أكثر فالجميع يعرف دوره و الجميع يعرف ماذا يجب ان يفعل و حتى الصغار نقوم بدمجهم معنا حتى و ان كنا بنات هذا لا يمنع ان لا نتعلم السلخ و تفصيل اللحم فهذا ليس عمل لأولاد فقط و البنات يجب عليهن ان يتكلفن بالمطبخ و النظافة و رؤية البنات للدماء و و تلطيخ ملابسهن بالدماء لا ينقص من أنوثتهن شيءا لأني أتفاجأ كثيرا ببنات لا يستطعن حتى لمس الخروف و هو حي و لا يستطعن مسك أعضاءه بعد ذبحه صراحى كيجيوني مفشين بطريقة خايبة:p معلينا مبروك ط§ظ„ط¹ظٹط¯ للجميع
lahv;jd td lshfrm hgph];m kihv hgud]
من أحسن ما قريت فالتقارير كون عندي أكثر من التقييم كون عطيتو ليك فكرتيني فالعلاقة المميزة لي كانت عندي مع الوالد لما كنت مازالة عندو ونهار العيد نشد معاه فالذبح والسلخ والتقطاع وتلقايني حداه لما يصبغ ولما يدير تنجارت وساعات يخلي لي شي روبيني كيقطر يقولي صاوبيه على ما نرجع، ولا صبغي هاد الباب على ما ندير القيلولة ههههههههه الله يخلي ليك والديك وتبارك الله عليك تقريرك رآآآآآآائع
تبارك الله عليك حادكة وفحلة ما شاء الله عليك واحسن ما في العيد هو الجماعة مع العائلة والحباب تستاهلي احسن تقييم
المشاركة الأصلية كتبت بواسطة أم عمر وسلمى 
من أحسن ما قريت فالتقارير كون عندي أكثر من التقييم كون عطيتو ليك فكرتيني فالعلاقة المميزة لي كانت عندي مع الوالد لما كنت مازالة عندو ونهار العيد نشد معاه فالذبح والسلخ والتقطاع وتلقايني حداه لما يصبغ ولما يدير تنجارت وساعات يخلي لي شي روبيني كيقطر يقولي صاوبيه على ما نرجع، ولا صبغي هاد الباب على ما ندير القيلولة ههههههههه الله يخلي ليك والديك وتبارك الله عليك تقريرك رآآآآآآائع ربي يخليك و ربي يخلي ليك الواليدد هاكا نبغي العيالات حادكات و قادات على كل شي ههههه صراحة راه هوما نسا ديال زمان
المشاركة الأصلية كتبت بواسطة safio تبارك الله عليك حادكة وفحلة ما شاء الله عليك واحسن ما في العيد هو الجماعة مع العائلة والحباب تستاهلي احسن تقييم ربي يخليك راه العيد هو جماعة الى كنا ماغاديش نجمعوا و و نتعاونو نمشي نشريو اللحم مذبوح من عند الجزار حسن هههه
تبارك الله عليك واخا جات متاخرة لاني عاد لقيت موضوعك
المشاركة الأصلية كتبت بواسطة ilham34 تبارك الله عليك واخا جات متاخرة لاني عاد لقيت موضوعك الله يبارك فيك ما كاين لا متأخرة لا والو المهم انكي عطيتي من وقتك باش تقراي التقرير ديالي
تباركلاه عليك صراحة فكرتيني فايام زمان ملي كنا تنتجمعو ثلاثة العئلات كان العيد عندو طابع خاص اما دابة كل وفين تجلا
المشاركة الأصلية كتبت بواسطة omo hamodi تباركلاه عليك صراحة فكرتيني فايام زمان ملي كنا تنتجمعو ثلاثة العئلات كان العيد عندو طابع خاص اما دابة كل وفين تجلا ههه وييه غير كيكبروا الدراري الصغار كل واحد كيدير دارو صافي كتشتت الدنيا :/ الله يرجع ليكم ديك الأيام