السلام عليكم ورحمة الله وبركاته اولا عيدكم اضحى مبارك وكل عام وانتم بخير انيقات اصبحنا واصبح الملك لله والحمد لله رب العالمين اول ما فقت نوضت الوليدات من بعد مجا باهم من لمصلى وخى ممشيتش هاد المرة للمصلى وبقى فيا الحال بزاف ولكن الحمد لله على كل شئ المهيم عجنت بطيبيطات وخليتهم يخمروا عى خاطرهم او جمعت البانيوات والماس وكل ماغيخصني في الدبيحة وطلعنا لسطح باش ندبحو اوا انا كنتسنى في راجلي يعيط على شي حد يعاونو يشد معاه الحولي وهو يدبح المهيم بقيت نتسنى قلت واقيلة دير مع شي حد ضروري وشوية عيط عليه جارنا قاليه واش بغيتي لعوين قال راجلي لا شكرا وانا نقول هدا كيتسنى في شي حد 
: او شوية وهو يقلب الحولي وهويقولي اجي شدي معايا ندبحو 
المهيم مكنتش هتنا من العكزين شمرت وطحت على الحولي بحال البطانة ههه
من بعد م حزم 3رجلين للحولي وركة على الرجلين شي برجليا شي شاداه بيد وعاد ختكم مجبدة معاه العنق لحولي وشادة مزيان وهو 
يدبح اوا وهزينا الحولي من رجليه وعلقناه مسكين وبدى يسلخ في لبطانة وعاد سيقت الدم ورجعت سلخت معاه الحولي حتى كملنا وشديت بانيو وخوينا فيه الكريشة والمصارن وفي صينية عملنا الكبدة وماجاورها الراجل مسكين جاه الجوع بدى كيشعل في الفاخر قلت انا مزيان هو يشوط الراس وانا نقي الكرشة والمصارن ومشيت حشاكم بديت نضف في الكرشة هي الاولى وغسلتها مزيان وشديت المصارن حليتهم بالموس من بعد ماخويتهم وغسلتهم مزيان وملحت حتى حاجة كالعادة وعاد رجعت غسلتهم عاود باش يتنقاو مزيان وحطيتهم في البانيو بما ساليت ونصلقهم نصف صلقة ونقطعهم.المهيم من بعد ماساليت منهم غسلت مزيان ايديا وهبطت للدار نطيب البطبوط وانا كنطيب فيه رديت الماء طيبت اتاي وقاديتو في السينيا وقطعت البصيلة حتى هيا وشحرتها شوية مع مليحة باش يحيد منها الجهد ودرتها في جبانة وقاديت كلشي وطلعتو للسطح قليت راجلي كيشوي هو والوليدات كلست فطرت بالكبيدة مع كويس اتاي والبصيلة المشحرة والكمونة مممممم مصورتهمش حيت حشمت قدام الراجل يقولي تصطيتي كتصوري في القتبان هههه فطرنا الحمد لله بفضل من الله وقلت راه الراجل غيشوط الراس والرجلين ضروري راه شافني معافرة مع المصارن والكرشة حشاكم وانا كنتسنى تعطل عليا مشيت نشوف مالو لقيتو
وشدتني الفقصة ومكينش حتى العواد باش نشعل وانا نقلب بان لي فوق السطح شي عواد اوا ختك راها دارت كرسي فوق الميدة وتجبدت حتى جبدت شي عواد وهبطت بديت نشعل في المجمر حتى شعل وطلع قالي الى بغيتي لعواد راهم فوق السطح ساعى جوبو ولدي قاليه راها طلعت جابتهم ماما وسكت وهبط .المهيم قطعت الراس الشعكاكة بالموس رازييت ليه ودرت ليه تشويكةههه
وشوطت الراس والرجلين مزيان من بعد خشيتهم في الماء وحكيتهم بالحكاكة والجيكس والتيد مزيان انا ووليداتي كل واحد فيهم شاد رجل ويحك فيها ههه عاونوني وونسوني في السطح حيت بوحدي الله يخليهم ليا اوا غسلناهم مزيان وحطيناهم على جنب ونضت جمعت السطح من روينة التشواط والكرشة وسيقة بمساعدة وليداتي هما يكبو ليا في الماء وانا نحك ونسيق وغسلنا الكويسات وجمعت الميدة ونضفنا السطح وجمعت كل حاجة بوحدها وهبط راجلي البطانة للدراري لي كيدورو في الزنقة . وهبطت للدار دوشة انا والوليدات وضربناها بنعسة وصراحة ختكم طاحت كاوو.gif "Bakk (19)")
وملي نضنا قطعت كتف الحولي ليمن ودرت قتيب الكبيدة في الصاك ومشينا لدارنا وتعشينا من بعد ما خوتاتي جاو وجابو الكتوفا وطيبناهم وتعشينا وضحكنا ولعبنا حتى لينا وقت . والغد في داري صبحت على الكرشة والمصارن وحتى الرية صلقتهم نصف صلقة وقطعتهم صغار وخلطتهم وعملتهم في ميكات ودخلتهم الكونجيلاتور وعاد طلعنا انا والميسيو وقطعنا الحولي تقاطع وعملتهم في ميكات وشديت اللحيمة اللي حدى السلسول زولتها وقطعتها كباب هي والكتف حتى عمرت سوبيرة وهرسنا الراس وعملتهم في ميكات والىىىىىى التلاجة وهكدا كانت نهاية الحولي في التلاجة هه 
جاوني الصور كبار وخليتهم حتال الاخير عاد حطيتهم 
مركز تحميل الصور 
مركز تحميل الصور 
مركز تحميل الصور 
مركز تحميل الصور
lahv;jd td lshfrm hgph];m kihv hgud]
الله اعطيك الصحةةةةةةةةةةةةةة
تبارك الله ماشاءالله الله يعطيك الصحة شكرا لانك شاركتينا بيومك
لهلا يخطيكم وشكرا لمشاركتكم يوم عيدي
ختي بغيت نسولك هذيك البصلة شنو كاتديري فيها؟؟
تبارك الله ماشاءالله الله يعطيك الصحة
تبارك الله عليك اختي ماشاءالله والله يعطيك الصحة شكرا على الموضوع
المشاركة الأصلية كتبت بواسطة ilham34 
ختي بغيت نسولك هذيك البصلة شنو كاتديري فيها؟؟ ملي نقطع البصيلة نديرها تشحرشوية مع مليحة وشوية زيت العود ونزيد شوية الخرقوم البلدي للون وملي طيح نرش عليها الكامون وهاهي واجدة
المشاركة الأصلية كتبت بواسطة safio ملي نقطع البصيلة نديرها تشحرشوية مع مليحة وشوية زيت العود ونزيد شوية الخرقوم البلدي للون وملي طيح نرش عليها الكامون وهاهي واجدة ربي يحفظك من كل شر ويعطيك ماتتمناي شكراا تعبتك معي
المشاركة الأصلية كتبت بواسطة ilham34 ربي يحفظك من كل شر ويعطيك ماتتمناي شكراا تعبتك معي اخجلني تواضعك عزيزتي الهام وتعبك راحة وشكرا على الدعوات الطيبة ولك بالمتل حبيبتي