مسمن مقلي للمناسبات و الاعياد الى صديقتي اموريا

شخباركم البنات لباس عليكم كنتمنى كلكلهم تكونو بالف خير

و اخيرا وفيت بالوعد ديالي الاخت ط§ظ…ظˆط±ظٹط§ و جميع البنات للي كانو فتجمع ديال( كنا معكزات و صبحنا اميرات ) و كنتعذر على تاخير هدا
مسمسن كيجي رووعة و كيبقى مدة طويلة مقمرش و كاع ناس كيحماقو عليه يالله بلا منطول عليكم
المقادير مكانوش هاكة يعني عينك مزانك لكن انا ضبطهم باش ما يكون حتى مشكل.
1َ بيضة
500 دقيق الفورص
1 فاني
2 مالعق كبار زبدة او 50غ ماشي دايبة
قليل من الملون
ملح
مادء دفيئ
كنعجونها غير شوية متحتاش بزاف و لازم تكون العجينة قاسحة هدا هو سر ديال تقرميشة

نكورورها قد مشماشة و بحال الا كنعاودو نعجونها ملي تنكوروها و بلاد ما ندهب يدينا بزيت باش ما تقطاعش في تسراح

نستفوهم على صينيهة مذهونة بزيت و ندهنوهم من الفوق بزيت مع ضغط عليهم

تسرح بزيت فقط بلا زبدة

نطيبوها نص طيبه على بو صره و ادا ما كانش عندكم ممكن تقلبو المقلة تقيلة ديال وجدة و طيبو على ظهر ديالها و على نار جد جد مهيلة

تلوة

تقطاع معينات


و نقليهم على نار متوسطة باش ما يغلبوش علينا و تزين بالعسل وللوز ظ…ظ‚ظ„ظٹ و مهرمش او زنجلان

بصحة و راحة