مساعدة من الحادكات الانيقات

انا ماشي حادك بحالكم ولكن كنحاول نتعلم و المشكلة لي عندي هو التجفاف قههرني عندي الدار فيها الفاينص كنغسل الجفاف مزيان ونجفف ونعاود ونعاود حتى 4 دلمرات حتى كيبان ليا كيشعل.
غير كينشف كيولي الفاينص بحال الى مضبب و غير كتمشاي فيه تيبان الاثر ديال الصنادل و عاد الريحة مكاتكونش زوينة
اووووف تقهرت قلتها لماما قالت لي راكي مكتغسيش الجفاف مزيان و لكن الله الا كنغسلو مزيان بالماء سخون و جافيل و التيد ونعاود نغسلو حتى وليت كنكره شي حاجة سميتها التجفاف.
بالمناسبة انا كنستعمل داك الجفاف لي لاصق في العصا ديالو راه تيكونو خضر بزاف و سنيكروا كنستعمل غوت ا غوت

---

lshu]m lk hgph];hj hghkdrhj

السلام عليك أختي
جربي تستعملي الجفاف الصفر أو البرتقالي ديال ألمانيا، زوين وتايلمع الزليج
دوريه على الكراطة وجففي عادي بحال كيما موالفة
وبالنسبة للضبابة كانظن كاتقوي جافيل وسانيكروا داك الشي باش كاتبقى ليك الشهوبية في الأرض
ديري غي شوية مايرغويش غي الجهد اللي يطلق الريحة وصافي
على الله نكون فدتك ورمضان كريم

بغيتي تديري تجفاف البلجيكيات؟؟
كاتشدي جافيل وشي منظف ديال الارض كايرغوي (تيد ولا امومو ولا اي ماركة ترغوي) ديريه في سطل مع ماء سخون وبعد ماتشطبي الارض رشيها بهذ الخليط وبداي تحكي حتى تحكي كل الارضية وجريه بالكراطة وشللي بماء سخون ورشي بيه وجري بالكراطة وجيبي الشطابة غسليها من الرغوة وجيبي الصابون البلدي وحطي قياس درهم على الارض وباقي دوزيه بالشطابة وشوية ماء بارد حتى تدوزيه على كل الارضية بحال الى كاتد هنيها جيبي الكراطة وكرطي مزياااااان جيبي شي جوج سطولة ديال الماء البارد وبداي خوي على الارض وجري بالكراطة حتى يولي الماء صاافي مافيه الصابون البلدي
جيبي سطل فيه ماء بارد والجفاف يكون نقيي مخصص لتنشاف (هذوك اللي يتباعو في مرجان ولا شدي فوطة قديمة تكون ماتطلقش الخملة)ماشي كاتمسحي بيه حاجة مزيتة ومافيه لا صابون لا والو شليه بالماء وعصرييييييه مزياااان ونشفي وغيليه وعصريه ونشفي وفاش تكملي حطي شي حاجة نااااااشفة في دخلة الدار ماشي الجفاف اللي جففتي بيه لانو فاازg واي واحد وطا عليه غادي يخلي بلاصة رجليه مطبعة وهذ الطريقة ديريها 2 مرات في الاسبوع الى عندك الاطفال والى كنتو كلكم كبار مرة في الاسبوع وفي الايام الاخرى دزي غير جفاف بماء باارد بدون اي صابون ويرجع يشعل لان هذاك الصابون البلدي مايخلي واحد اللمعة لمدة طويلة ولكن الى تبعتي هذ الطريقة اللي قلت لك

السلام عليكم ، يلا بغيتي تجفيفة سريعة ونقية خودي شي فوطة قديمة عندك وصبنيها بالكوت ا كوت وجفي بيها كتخللي الارض كتشعل وريحةالمنضف كتلسق فالارض طبعا تكون الارض مشطبة من الغبرا ن الفوطة هي احسن حاجة للتجفاف جربيها وتشوفي الفرق.

دبا نجربو اختي واخا كيجيني ثقيل كيلصق لي مع الزليج .شكرا ليك بزاف اختي

دبا نجربو اختي واخا كيجيني ثقيل كيلصق لي مع الزليج .شكرا ليك بزاف اختي

ههههه الا درت هادشي كامل منا فخيرههههه
شكون غدي يجمع ليا داك الماء كامل اختي . انا راه ساكنة في شقة ومدايرينش فيها القرقارة .منعرف علاش هاد البالانات ديال المغاربة . دار بلا قرقارة .
انا اختي غير كنجمع الماء الى سيقت تمارة عندي

دبا نجرب الفوطة كيما قلتي ليا غير واش غوت ا غوت ماشي هو لكيدير ديك الضبابة حيتاش مزيت اختي

اختي راه هاذ الفايونس اللي واللى ما كيحملش جافيل
وانتي كتزيدي عليه سانيكروى راه جافيل كيحلل سانيكروى
داكشي باش كيخرج مضبب
فقط شوي اوني او اي معجون الصابون فسطل دالماء
او سانيكروى بدون اضافات اخرى حيت فيه اصلا التيد
رشي الارض بيديك بشوي ثم شطبيه بشيتة عادية حتى توصليه التواليت وجمعيه بجفاف يلا ماكايناش المجرى
من بعد كرطي الدار عاد ديري الجفاف البرتقالي لويه على الكراطة و نشفي غادي يبرق بلهلا يتبتو ليه
هاذي طريقة معتمدة عندي الزليج ديما لامع
بالتوفيق ان شاء الله

انا نقولك طريقتي ساااهلة وديما داري كتلمع في كل لحظة دخلتي تقولي عاد جففت…المهم…بما انه ماعندكش مجرا،،،غادي ديري سطل فيه سويا جافيل وشويا صابون ماتكتريش وديري بزاف الماء..جفي عادي مزيان ،،،خليه الدار تنشف وحتى واحد مايتمشا وانت تجفي ممنوع،،،وجفي وانتي سابقا جفاف باش ميكون حتى طبعة ،،،فهمتي،،،مين تنشف الدار خودي فوطة تكون قديمة وناااااااشفة وأراي للتجفاف وأنت تزيري عله بحال كتمسحي مزيان كل زليجة،،،والله العضيم داري دايما يشكروها ضياف كتلمععععع..ناشفة فوطة…..ومن بعد يومين عاودي جفي الار بفوطة وتكون ناشفة وردي عليا لخبار،، وادعي معايا راني مقهورة …. ورشي معطر غير ف قنات الدار والتواليتات،،،ودايما يكون عندك شيفون ناشف مسحي بيه البنوار ولافابو ،،،،