مساعدة من الأنيقات الحكيمات

السلام عليكم عفاكم أنا شفت بزاف دالمواضيع عجبني وصراحة كتعجبني طريقة كيفاش كتعاونو الأخوات لي محتالين النصيحة هادا كلو كي دل على أنانا مسلمين ومكندزوش بعضياتنا كنتمنى متبخلوش عليا حتى أنا لأني محتاجة ليكم والله لا يضيع اجر االمحسنين .
بالنسبة لموضوعي أنا إنشاء الله بنيت كوزينة ديالي من بعد ما كنت مشاركة الأكل معا ناسي مهم أنا مزال مكملتهاشي كلها ولكن هاد الشهر إنشاء الله غدي نبدأ نطيب فيها وبلغيتكم تقولولي شنو تقدية الأولى لي خاصين نتقداها حيت معندي والو يعني شنو الحجات الأساسية لي ضروري تكون للعلم فقط أنا مكنعجنش غير نشري لخبز وبلغيتكم تقولولي واش 700 درهم تقدني كاينة غير أنا وزوجي مزال معندناش لوليدات أنا مزيرة بالكريدي داكشي علاش خاصين نعدي بهاد المبلغ. حتى نترخف شوية عفاكم عون وني رآه أنا دايخة ومكنفهمش بزاف فالتسير الله ينولكم لي فبالكم

---

lshu]m lk hgHkdrhj hgp;dlhj

كنتمنى متبخلوش على أختكم بالنصيحة الله يجازيكم بالخير حسبوني ختكم وطالبة لمساعدة

عليكم السلام ورحمة الله
اولا مبروك عليك لكوزينة الله يعاونك وتكمليها وتطيبي فيها بصحة وسلامة ان شاء الله وشي رزق زوين
انا باقي ممزوجاش ولكن مفيها باس نعطيك رأيي في انتظار دخول الاخوات اللي عندهم تجربة فتسيير المصروف
لمهم فنظري شري اهم المهم يعني اولا البوطة الى مزال معندك شريها وزيت المائدة شري غير صغيرة زيت زيتون نفس الشئ والتوابل والخضرة شوية شوية من لحاجة ربيع قرعة مربى صغيرة باكية اتاي باكية لقهوة دجاجة و لحم فرقيهم فميكات وديريهم فلفريكو فورص باش ديري شهيوات البيض وسكر جفاف ومواد تنظيف وشبيكة للماعن وفوطة صغيرة وسربيتات للكيسان مين تشري هادو الباقي من الفلوس خليه كمصروف باش تشري الاحتياجات اليويمة بحال الخبز نعناع الخ , وبنسبة ل 700 درهم معرفتش واش تقدك كنظن كافية بما انك غير نتي وزوجك , من الافضل ديري واحد ليستا ديال كلشي لي خصك وبداي بالاشياء الضرورية بزااااااف باش تشيطي شوية ديال المصروف ونصحك ديري واحد العلبة وخا تبقاي تلوحي فيها غي درهم لنهار ولا عشرة ريال راها غتنفعك من بعد والله يرزقك ويرزقنا جميعا رزق حلال طيب وكنتمنى يدخلو الاخوات يفيدوك اكثر

أختي بالنسبة للمصروف ديال الدار راجلي هو اللي كايصرف والكين حوايج ديال الدار انا اللي كانشريهم و شي مرات كانجمع فلووس وكنمشي نشري بلا منقولو المهم حويج ديال الكزينة الاول بداي أخت بالبوطة اللي تايبي عليها التلاجة اما باكنسبة لماشينة ديال التصبين بما انك غي نتي وزوجك تقدري ديپاني تصبني عي بيدك انا عندي والكين كانصبن بيها ري حوايج ديال ولادي حيت انا مكنوسخش بزاف اما حويج الصغار كنصحك ختي بلا متكتري عليك لاقشوع بزاف شري مقراش براد كيسان معالق صينية………وهكدا بشوية عليك نهار يكون فلوس نشله تبدلي محسن

اختي الله يبارك ليك

سبقي الكيسان وكاسرونات وكوكوط طاجين بوطة فوطة بالنيبة للسرابت ممكن بيجامة مابغيتيهاش

تقطعيها سرابت وتخيطيها من جناب قضي بيهم

العطرية ماتاخديش منها بزاااف القياس والربيع شوي الخضرة شوي الحم او دجاج شوي حوت

راه بشوي حتى تلقاي راسك مجهزة كوزينتك بلا ماتحسي ومزال ربي يسهل ليك

وتيسر ليك امورك

الله يسرليك أختي وغي بشوية بشوية بوحدك غتعرفي شنو لي خاصك كاشياء أولية

أول حاجة كيف ماشاروليها جميع الأخوات هيا لبوطة شري غي ديال 4 حطيها فوق لبوطاجي
شري غلاي+ صينية + براد وكيسان + طبسيل فاش تاكلو + معالق وفراشط+ماس غي لقياس لي تبغي فلأول +زلايف للسوائل+
سرابت كيفماشارت ليك الأخت بيجامة او تريكو مبغيتيهش قطعيه
شري زيت ولعطولر وشري قواطا فاش ديريهوم شري دقيق على حسابك باش ديري شي مسيمنات وشري قصرية
شري مواد إسل الأواني ولخيش
لموهيم فلمرة الأولي غديباني من بعد غتبداي تشري كل مرة حاجة حتا تولي كوزينتك عامرة إن شاء الله
راه كولشي بدينا ب0 الله يسهل

كنشرك بزاف حيت فدتني الله يعطيك شي ولد الناس لي يفرحك غدي نعمل بهدشي لي قلتي ونتمنى نتوفق ومندوخش ونعرف نسير اموري الله يجازيك بخير

شكرًا بزاف حيت هتميتي لموضوعي أنا غدي ندير بنصاىح ديالك أما ماكنة صابون راه عندي كانت جاتني كادو بغيت غير نعرف شي مسحوق مزيان واقتصادي فنفس الوقت لي نبدأ نصبن بيه حيت قهرنا اريال غالي عليا كنعاود نشكرك احبيبة

اللهم أمين راه حيت اول مرة كنلقا راسي غدي نكون مسولة وخاصني نتبت باني قادة ومنخيبش ضن راجلي فيا هههه بغيت نبين راسي مرة ونصف كنشرك حيت هتميتي لموضوعي الله يعطيك مناويا فخاطرك

متصوريش قادش فرحت منين لقيتك رادة على موضوعي حيت عزيزا عليا بزاف والله لي عالم واخة معمري حصلي شراف نتكلم معاك غير من خلال مواضيعك كتعجبني ههههه محبة لله شكرًا حيت جاوبتيني غير مكرهتش نعرف اكتر كيفاش نصرف هاد المبلغ ويقدني أنا مطمع أش نشيط ا مصاب غير يقدني ههههه الله ينولك لي فبالك