مساعدة من الأخوات

السلام عليكم أخواتي الحادكات
عافاكم بغيتكم تساعدوني عارضة على صحاباتي و بغيت ندير لهم البسطيلة بالدجاج عافاكم عطيوني شي وصفة زوينة و كتصدق و شنو ممكن نرافق معاها
الله يسهل أمركم و حتى بعض الأفكار اللي تعاوني في الشقا حيت عندي تربية

---

lshu]m lk hgHo,hj

الدجاج غسليه من الاحسن قبل بيوم او يومان واحتفظي به في الثلاجة وقبل بيوم او اكثر وجدي اللوز صلقيه وقشريه وخدي الربع خليه اخضر والباقي قليه حتى يرجع ذهبي وطحنيه رقيق شوية والاخر طحنيه جيدا ,وخلطيه مع قليل من القرفة والمسكة الحرة والزبدة وماء الزهروكمية من سكر كلاصي لتحليته, وضعيه في بلاستيك محكم الاغلاق وخليه في الثلاجة غير التحت ,صوبي المعدنوس اكثر من القزبور ويكون كثير شوية ,قطعي كلو بصل مربعات رقيقة ,ضعي الدجاج مقطع في طنجرة والبصل ملح,بزار ابيض اكثر من الاسود ,زنجبيل محكوك ومعلقة غبرة ,خرقوم كعبة مطحون,جوج عواد قرفة ,قليل من عطرية المروزية,وجوج معالق زبدة والزيت وخلي الكل يطبخ حتى تطلق البصلة الماء ديالها زيدي غير وية ماء جهد كاس كبير مثلا وزيدي الربيع مقطع وخليه ويطيب الدجاج زوليه,وخلي المرق ينشف وخذي منو شوية خليه للدجاج والباقي ينشف تماما مع تحريكه المستمر حتى تطلع الدمعة تاع الزيت خدي عشر بيضات وبداي تفقصي وحدة بوحدة في الطنجرة وحركيها من الوسط باش تطيب وتكون النار مهيلة غير يتجمع وطفي وخليه يكمل طيابو غير في السخونة تاع الطنجرة ,فتتي الدجاج وزولي العظام وزيدي عليه المرق لي خليتيه وخلطيه مع ذرة قرفة وذرة مسكة حرة وجوج معالق سكرسنيدة ,وضعي كل الخلطات بجانبك ذوبي الزبدة الرومية طبعا وبداي تدهني الورقة حتى تعملي الفراش حطي خليط البيض هو الاول فوقه خليط الدجاج وفوقه خليط اللوزمع رش قليل من القرفة والمسكة وكلاصي بين كل خلطة وخلطة,ثم طويها تدهن بالزبدة والى الفرن قبل بشي ساعة تقريبا حتى تبقى مقرمشة وسخونة .ممكن ترافقيها ببريوات باللوز صغار من الجوانب ديالها او محينشات صغار كيزينو جوانب الطبق,والوجه زينيه بالعسل واللو ز ايفيلي مقلي او بالطريقة التقليدية رشيها بالكلاصي وزيني بالقرفة واللوز مقلي.هذه طريقتي وهي ناجحة وجد لذيذة ,اتمنى نكون قدرت نساعدك ولو بالقليل.

سيري الله يرحم ليك الوالدين مشكورة أم يوسف على المجهود الله يجعلو في ميزان حسناتك يارب

أتمنى أن توفقي في تحضيرها وتعجبك وضيوفك.الشكر لله عز وجل.