بسم الله الرحمان الرحيم
والسلام عليكم ورحمة الله وبركااته
اخوااتي عونوني اله اعاونكم
ولدي دخل الشهر الثاني و تيبكيلي بزاااف وبلا قياااس زعما شي مرات ولكن هده الايام بزااف
الجووع مفيه حيت تنرضعو مزيااان
و مخصرش حيت تنبدلو ومكاين تا مشكيل واظن كرشو والغازات وانتم عارفين ا لي جربو
الله ارحم واليديكم قولولي اش كديرو لوليدااتكم لي ف الشهر الثاني وجزااكم الله خيرا
راني جربتلو اللويزا و شي عشووبة لي فيها **كمون الصوفي و القروية و الازيير* ولكن والو
الى درتو شي حااجة وصدق ليكم عتقوني الله ارحم والديكم
راه قلبي تيتقطع وربي شاهد عيا
ارجو الرد
lshu]m la;g hgyh.hj g]n hgvqdu l]p
انا الحبيبة يالله ولدت الاسبوع الفائت ومزال كاع مدوزنا السبوع الله ييسر الامور يا رب العالمين
المهم بالنسبة للوجع الي كيجي للرضع انا فراسي "حبة حلاوة" زويينة
الطريقة: كنغسلو حبة حلاوة بالماء البارد ثم كنصبو عليها الماء الطايب حتى كتطلق وكتبرد اولا كتكون دافئة وكنعطيوها له فالرضاعة او بالملعقة جربيها وردي عليا الاخبار وان شاء الله يكون خير
الله يشافي الحبيبة
اولا واش كترضعيه حليبك و لا مختلط ؟ اذا كان غي حليبك فقط خاصك تنتبهي واش نتي دايرة ريجيم ضد الغازات او لا لانه اللي شربتيها او كليتيها كانه كلاها هو
يعني تبعدي من اللبن المونادا الليمون اي حاجة فيها الغازات راها غادي تنفخ لو كرشو
الاحتمال الثاني اذا كنتي كتعطيه الرضاعة ضرووووري منين تخشي لو الراس ففمو يكون عامر يعني ماشي تخشيلو الراس و فيه الهوا و لا الرضاعة خاوية
من بعد ما تاكدي من الاحتياطات د الرضاعة و الريجيم ديالك , غادي تشريلو تقاطر ديال الغازات طبيعيين مئة بالمئة و سيرو ضد الالم ديال البطن باش ينعس مزيان انا غادي نكتب ليك سميتهم لتحت
FITOBIMBI GAZ عطيه 5 النقيطات يوميا فالصباح
trimedat sirop خلطيه بالما و عطيه نصف ملعقة 3 مرات يوميا
ثالث اهم حاجة بقاي تنعسيه على كرشو ديري مخدة قدام رجليك وحطيه على كريشتو و دوري لو وجهو للجهة الاخرى غادي يرتاح و ينقصو الغزات
بقات رابع حاجة لتخفيف الالم ديري لو ماساج بزيت اللوز الحلو او اي زيت طبيعية عندك فاتجاه عقارب الساعة يعني حطي يدك على البوط ديالو و نزلي لليمين باش تسهلي عملية الخروج و تساعديه يتخلص من الغازات
ختك طبيبة اطفال و المعلومات اللي قلتها ليك مضمونة و الله يجيب الشفا
المشاركة الأصلية كتبت بواسطة أم كمال و لمياء 
انا الحبيبة يالله ولدت الاسبوع الفائت ومزال كاع مدوزنا السبوع الله ييسر الامور يا رب العالمين
المهم بالنسبة للوجع الي كيجي للرضع انا فراسي "حبة حلاوة" زويينة
الطريقة: كنغسلو حبة حلاوة بالماء البارد ثم كنصبو عليها الماء الطايب حتى كتطلق وكتبرد اولا كتكون دافئة وكنعطيوها له فالرضاعة او بالملعقة جربيها وردي عليا الاخبار وان شاء الله يكون خير
الله يشافي الحبيبة
الله ابارك فيكم اختي وشكرات لك على الاهتمام
وحتى انت الف مبرووك والحمد لله ملي تفاكيتي على خير
طيب غنجربها ان شاء الله وغدا نيت نشريها راني عييت والله تيبكي تا تيبكيني تا انا
الله اخليلك مولوودك ويحفظو و راعييه يا ربي
تنشرك الغالية
hta khdit wahd swa smitou "infacol" kan3tih lih avans chaque repas olah ila kayakl okayn3ssssss hamdoulilah ga3 les gazs kaykhrjhom hachak
ila knti f l europe rah i3tiwh lik f la pharmacie
si nn jerbi naf3 hta howa mziane
المشاركة الأصلية كتبت بواسطة أم البتول اولا واش كترضعيه حليبك و لا مختلط ؟ اذا كان غي حليبك فقط خاصك تنتبهي واش نتي دايرة ريجيم ضد الغازات او لا لانه اللي شربتيها او كليتيها كانه كلاها هو
يعني تبعدي من اللبن المونادا الليمون اي حاجة فيها الغازات راها غادي تنفخ لو كرشو
الاحتمال الثاني اذا كنتي كتعطيه الرضاعة ضرووووري منين تخشي لو الراس ففمو يكون عامر يعني ماشي تخشيلو الراس و فيه الهوا و لا الرضاعة خاوية
من بعد ما تاكدي من الاحتياطات د الرضاعة و الريجيم ديالك , غادي تشريلو تقاطر ديال الغازات طبيعيين مئة بالمئة و سيرو ضد الالم ديال البطن باش ينعس مزيان انا غادي نكتب ليك سميتهم لتحت
FITOBIMBI GAZ عطيه 5 النقيطات يوميا فالصباح
trimedat sirop خلطيه بالما و عطيه نصف ملعقة 3 مرات يوميا
ثالث اهم حاجة بقاي تنعسيه على كرشو ديري مخدة قدام رجليك وحطيه على كريشتو و دوري لو وجهو للجهة الاخرى غادي يرتاح و ينقصو الغزات
بقات رابع حاجة لتخفيف الالم ديري لو ماساج بزيت اللوز الحلو او اي زيت طبيعية عندك فاتجاه عقارب الساعة يعني حطي يدك على البوط ديالو و نزلي لليمين باش تسهلي عملية الخروج و تساعديه يتخلص من الغازات
ختك طبيبة اطفال و المعلومات اللي قلتها ليك مضمونة و الله يجيب الشفا
جزاكم الله خيرا اختي و بارك الله فيكم والله اخليلك ما عز عليك ويسهل اموورك يا ربي
لا انا معندي تا رجييييييم ومتندير تا رجيييم وتنرضع طبيعي ولله الحمد متنتعاون بالبيبرون حاليا ف الاول كنت تنتعاون بالرضاعة حيت بزازلي طابو ومتنقد نرضع اما الان تنرضع غير بالبزوولة والحمد لله غير نادرا فاش تندير الرضاعة اي فاش تندوش اولا خرجت / ومدام جبدنا الموضوع تاع الرضاعة ممكن تقولي لي الله اجازيك بالخير نوع الحلييب لي هم متناسب لرضيعي او نوع الحليب لي مزيان 100/100 وجزاكم الله خيرا/
وي تنحاول نبعد عليهم وماشي تنحاول ولكن تنبعد عليهم نيت غير خاص نعرف الخضر لي فيها غازات
مثلا تناكل دابا الطاجين تاع اللحم / البطاطا / خيزو/ لحم احمر و الدجاج / السمك / الطماطم / فلفل حلو / حليب / كيوي / فريز / افوكا/ بصل / بيض / اتاي/ قرع اخضر/ خبز / الحسوة تاع السميدة/ ارز/ والحرييرة/ ياغورت تاع البييع / شكلاط.. هاتشي لي تناكل حاليا واش من بين هاتشي فيه واش فيه شي حااجة لي فيها غازات
طيب غدا ان شاء الله غنشريلو هاتشي لي قلتي و جزاكم الله خيرا داك السيرو واش ملعقة كبيرة او صغيرة؟؟
كل خطوااتك غنتبعها ان شاء الله وجزاكم الله خيرا والله يسر و يسهل اموورك اختي
شكرا ليك اختي جميل جدا نتواصل نيت مع طبييبة الاطفال باش تاكد نييت وناخد كلشي مضمون
الله يجازيك بالخير و الله ارحم والديك والله اعاونك ويشد ليك يدك اختي
المشاركة الأصلية كتبت بواسطة madame louka hta khdit wahd swa smitou "infacol" kan3tih lih avans chaque repas olah ila kayakl okayn3ssssss hamdoulilah ga3 les gazs kaykhrjhom hachak
ila knti f l europe rah i3tiwh lik f la pharmacie
si nn jerbi naf3 hta howa mziane
وي مسكين كيتعدب و حنا كنتقطعو معاه الله الله مساكن تيبقاو فينا بالبكا والوجع مساكن
لا اختي انا ف المغرب طيب جزاكم الله خيرا الغالية والله اخليلك ولدك ويحفظو ويسترو ويصلحو يا ربي
شكرا ليك