اولا مبارك عواشركم انيقاتي الكريمات وبالصحة والعافية وباش تمنيتوا من خير ان شاء الله ثانيا جيت نساتشر معاكم ونطلب المساعدة ديالكم فما خابت من استشارت في هذا الركن وهو انني درت صالون صغير بلدي ارضي يعني بلا طوابل بغيت نرتاح فيه يعني نديرو بحال سيجور ولكن بغيت نفركسو فيه غير 3 سدادر حادرين عاد جبناهم من عند الخياط ودبا بقات لي في الديكور لي ندير ليه بحيث بغيت بصمة عربية تقليدية وبالنسبة للخدادي واش كاين شي ديكور جديد يعني بان ليا الخدادي كبار وما فيهمش السفيفة بحكم اختكم مغتربة فتتجي للبلاد وتتلقى التغييرات وتنبقى غير نشوف ما فاهمة والو يعني تنحس براسي مغتربة هنا ولهيه هههههه الله يسر لينا ونرجعوا ان شاء الله لبلادنا في غير ضراء مضرة يارب ولهذا حبيباتي في انتظار مشورتكم علي فيما يخص صالون ارضي سدادرو كاينين فيهم 15 سنتيم العلو كما قال لينا الخياط دبا بغيت نعرف ط§ظ„ط·ظ„ط§ظ…ط· الالوان والشكل باش نحصل على صالون مريح وانيق في نفس الوقت وكلشي من عندكم سمن مع عسل والله يخليكم ديما محبات لعطاء ويخلينا على هذا المنوال مساعدتكم تعني لي الكثير . تحياتي لكن ولكل من تقدمت بفائدة جعلها الله في ميزان حسناتها
lshu]m td hojdhv hg’ghl’ ,hgo]dhj ?
السلام عليكم، اختي حتا انا مغتربة ولكن فالمغرب هههههههه (ساكنة بعيدة عل دارنا) عندي تانا واحد لكليسة بحال للي قلتي ديمة كنكلس فيها انا وراجلي كنرتاحو فيه كثر غتختاري لون الطلامط عل حسب لون لحيوط وتيساع البيت يعني يلا كان عندك البيت صغير اختاري الالوان لمفتوحة ويلا كان عندك البيت واسع ديري شي لوين مغلوق بحال البني او زيتي او غوزفوشيا والربية دكرادي ديالهم باش يجي دكشي رويمي بلمسة تقليدية وشوفي شي طبيلة من لمعارض صناعة تقليدية للي كيديرو تما تكون صغيورة ومنقوشة تقليدية ويلا ميمكنش شوفي شي طبيلة علدية صغيرة وضيفي لمسة عربية بحال شي زواقة بالصباغة او منديل مطرز…. بالنسبة للخدادي سيري لشي محل لوازم الخياطة شوفي شي دونتيل مزوق بنفس لون خداديك ودوبليه عل 2 ولصقيه فدارة دلخدادي وخا غي بيديك وتفنني عل دوقك راك تخرجي لعجب شيحاجة واعرة من يديداتك كنتمنى تعجبك شي فكرة من كلامي ،تقبلي مروري في امان الله.
تمنى من الله الأخوات يدخلوا يعاونك ,أنا مابقيتش عارفة شنو واقع في هاد المجال بحكم أني مغتربة موفقة أختي
المشاركة الأصلية كتبت بواسطة Om sami+ 
السلام عليكم، اختي حتا انا مغتربة ولكن فالمغرب هههههههه (ساكنة بعيدة عل دارنا) عندي تانا واحد لكليسة بحال للي قلتي ديمة كنكلس فيها انا وراجلي كنرتاحو فيه كثر غتختاري لون الطلامط عل حسب لون لحيوط وتيساع البيت يعني يلا كان عندك البيت صغير اختاري الالوان لمفتوحة ويلا كان عندك البيت واسع ديري شي لوين مغلوق بحال البني او زيتي او غوزفوشيا والربية دكرادي ديالهم باش يجي دكشي رويمي بلمسة تقليدية وشوفي شي طبيلة من لمعارض صناعة تقليدية للي كيديرو تما تكون صغيورة ومنقوشة تقليدية ويلا ميمكنش شوفي شي طبيلة علدية صغيرة وضيفي لمسة عربية بحال شي زواقة بالصباغة او منديل مطرز…. بالنسبة للخدادي سيري لشي محل لوازم الخياطة شوفي شي دونتيل مزوق بنفس لون خداديك ودوبليه عل 2 ولصقيه فدارة دلخدادي وخا غي بيديك وتفنني عل دوقك راك تخرجي لعجب شيحاجة واعرة من يديداتك كنتمنى تعجبك شي فكرة من كلامي ،تقبلي مروري في امان الله. افكارك على راسي وعيني ومشكورة حبيبتي على مرورك الطيب ومساعدتك ان شاء الله اعمل بها وبالنسبة لمساحة الصالون صغيرة هي بيت فيه الطول اكثر من العرض ولهذا شفتو غادي يبقى خاوي قلت اجي ندير فيه جلسة ارضية مريحة كما قلتي، فما كاينش بحال الجلوس في الارض تتعودي المفاصل والجسم على التمدد ماشي التجباد هههههههه ولكن تحسي فيه بالراحة وبالسبة للطابلة قلت ندير ديال النحاس عرفتيهم لي تيكون عندهم الرجلين منفصلين على الصينية او كما قلتي طبلة منقوشة بلدية تكن محدورة ….. المهم هي افكار خاصني نجمعها بمشورتكم ومساعدتكم نوصل ان شاء الله والله يجعل بيوتنا تكون منورة بذكر الله وسعيدة ان شاء الله، وفعلا الغربة خلاتنا ما تنعرفوا والو لا في الخياطة ولا في الموضة الي كاينة لكن لي يسول يولي منهم هههههه الحمد لله المغرب زوين ودائما فيه الجديد والتطور والله يرجعنا لبلادنا سالمين غانمين في اقرب وقت يارب تحياتي لك حبيبتي وشكرا لمساعدتك القيمة جعلها الله في ميزان حسناتك
المشاركة الأصلية كتبت بواسطة malaak2019 تمنى من الله الأخوات يدخلوا يعاونك ,أنا مابقيتش عارفة شنو واقع في هاد المجال بحكم أني مغتربة موفقة أختي اللهم يسر حبيبتي كلشي بحال هكاك ما بقينا عارفين والو تقلبت علينا ملي تنجيوا للبلاد ولكن الحمد لله كلشي مزيان شكرا لمرورك الطيب اخية
أختي ذاكرة منورانا وبصحتك لكليسة مسبقا بخصوص الطلامط نتي بغيتيهم بلى سداري شوفي الطلامط العالين ولي واقفين يعني ميهبطوش فلكلسة والألوان ختاري الولان مبهجة لي تريح النفس وتقوي رغبتك باش تجلسي ديما فيها بحال لغوز درجة طاكنة شوية مع لبنفسجي درجة مفتوحة ولخديات ختاريهم سااااامبل يعطو لمسة للسدادر والزربية ختري فيها اللون لي يكون غالب عندك نتمنا من الأخوات يزيدو يعطيو من أفكارهم والله يسر أمورك حبيبتي
شكر الله لك حبيبتي ومشرفتي الكريمة ماما شرف اللهم اامين وشكرا لمداخلتك الطيبة بالنسبة للون الحايط هو مائل للسومو والسدادر جبناهم من عند الخياط ماشي عاليين لي باقي لي هو الطلامط يعني الغلايف والخدادي الزربية عندي ليه جوج وحدة كرونة ووحدة زرقا بلومارين من عند الوالد هداهم لي والله يسر الامور حبيبتي مشكورة على مرورك الطيب ان شاء الله نتوصل للون الطلامط وشكل الخدادي لي باقي ما توصلت للفكرة تكون متماشية مع الوقت ومبارك عواشرك وشكرا لك والله يخليك ويحفظك يارب ويعينك على قسمك فيه ما يدار هههههه
الجميلة داكرة مشرفة الجمال واالله يلا ضحكت من قلبي جاتني هيستيريا الضحك على افكاري اله يجعل ايامو ضاحكة وجميلة قولي امين
المشاركة الأصلية كتبت بواسطة ذاكرة شكر الله لك حبيبتي ومشرفتي الكريمة ماما شرف اللهم اامين وشكرا لمداخلتك الطيبة بالنسبة للون الحايط هو مائل للسومو والسدادر جبناهم من عند الخياط ماشي عاليين لي باقي لي هو الطلامط يعني الغلايف والخدادي الزربية عندي ليه جوج وحدة كرونة ووحدة زرقا بلومارين من عند الوالد هداهم لي والله يسر الامور حبيبتي مشكورة على مرورك الطيب ان شاء الله نتوصل للون الطلامط وشكل الخدادي لي باقي ما توصلت للفكرة تكون متماشية مع الوقت ومبارك عواشرك وشكرا لك والله يخليك ويحفظك يارب ويعينك على قسمك فيه ما يدار هههههه بما أنك عندك زربية كرونة ديري الطلامط في الكري مع رشات في الأسود بالنسبة للخدادي ديري الكبار بزاف كل سداري فيه واحد مع الخدادي الصغار
يعني السداري الكبير فيه 2 متر و40 سنتم والاخر فيه 2متر والثالث فيه 1.50 يعني الكبير فيه جوج خدادي كبار ديال 90 والاخرين فيهم واحد واحد مع خدادي صغار واللون اختاريت الباج زواقة الزليجة ولكن الثمن كيف عامل لي عارفة اثمنة الطلامط تفيدني الله يفرحها ويتقبل منها الصيام والقيام ويتقبل منها صالح الاعمال الخياط قال لينا 65 درهم