مساعدة عاااجلة من بنات بني ملال ونواحي اوزود

السلام عليكم ورحمة الله وبركاته
بارك الله فيكم يا الاخوات بغيت نمشي لشلالات ط§ظˆط²ظˆط¯ ومنطقة بين الويدان ولكن معرفتش واش كاينين لوطيلات ولا لكرا موجود بتمن مناسب وشحال من كيلو متر باش كيبعدو على بني ملال
جزاكم الله كل خير اللي عندها شي معلومة تفيدني ومتبخلش عليا بيها
وشكرا مسبقا

---

lshu]m uhhh[gm lk fkhj fkd lghg ,k,hpd h,.,]

معقول ولا رد !!!

السلام عليكم اختي
مشيت لشلالات اوزود وكانت رحلة رائعة
بالنسبة للكراء راه موجود انا تنهضر على تجريبتي في شهر مارس
كينين منازل للكراء كل حاجة وتمانها وننصحك تكري قريب حدا المقاهي ومنين تتبداي الطريق للشلالات قرب الساحة وماتكريش بعيد فالدوار وخا زايد شوية التمن
موجود كلشي في المقاهي والاكل لديد ونقي وزوين
كنت كريت 200درهم دار بيت وصالون وكوزينة ودوش
الشلالات تتنزلي لهم بالدروج كتار شوية صعيبة القضية على الاشخاص لي كبار في السن اكتر من مولاي يعقوب ههههه
انا مشيت من مراكش

اختي بالنسبة للبعد فشلالات ازود كتبعد على بني ملال بشي100كلم للفوق الى كنتي غدخلي من بني ملال اما بين الويدان راها قريبة شوية هيالسد اللي فيها صافي و مزموت الحال فيه الحرارة مرتفعة ماشي بحال الشلالات الاثمنة على حسب الديور واش مجهزين ولا عاديين وكنصحك الى جيتي كري قريبة من كلشي من الاكل والشلالات وكفما قالت ليك الاخت الدروج صعاااااااب فيه ملي تهبطي ماشي مشكل ولكن ملي طلعي ههههههههههههه

حبيبة بغيت نسولك واش المنطقة امنة بالنسبة ال بغات تمشي لتما امراة مع وليداتها بلا راجل تقضي اسبوع مثلا؟

مكاين حتى مشكل اختي ملي غتكوني مع الوليدات فمعندك مناش تخافي غير خصك تكري حدا الشلالات ماشي تبعدي منها كتكرفصي مع الدراري وحتى انتي كتعياي لان الدروج صعاب

الله يجازيك بخير احبيبة على الرد
شحال كيكون الكرا حدا الشلالات؟