مساعدة بخصوص الحليب

الله يخليكم انا عندي بنيتة عندها عام وخمسة اشهر باش كانت صغيرة كنت نعطيها نان من بعد درت ليها بيكو ومنين دارت عام عطيتها نيدو 1 لحد الان
المشكل لكان عندي هو ان المقياس عمرها ماشربات القياس لي هو دايرينو فالحك دائما 150 هو اعلى تقدير حتى كبرات كاع ولات تاخد 180 ونفس الشيء بقات عليه منين دارت عام وليت نهطيها نيدو لكن دائما الرضاعة مخليا فيها نص كيف الصباح كيف الليل وبعد المرات ماتشربهاش كاع
دابا كثرات هاد الحالة تصورو ولات تشرب فقط 60 او 90 ولبارح بليل باتت بلا حليب مابغاتش تشد كاع والصباح نفس الشيء عييت نخوي فالرضاعة عامرة حليب
الله يخليكم ماسعدوني شنو ندير واش نبذل لحليب زلاشنو ندير راها ضايعة بزاااف فالحليب اما دانون تاكل حتى 2 فنهار ماشي مشكل بلعكس كيعجبها

---

lshu]m fow,w hgpgdf

يمكن ماعجبهاش طعم ديالو داك الشي فاش ماكتقدش تكملو

ختي بدلي ليها الحليب يمكن معجبهاش نيدو جربي ليها سنطرال uht او croissance راه تيبغيوه لوليدات حنت فيه الفاني و حلو .

عاااادي جدا احبيبة انها ما تبقاش ترضع القياس للي كانت كتاخد من قبل
حيت فاش كانت صغيرة كانت كتاخد غير الرضاعة و لكن دابا فاش دخلتي ليها الاكل ولات كتشبع على الحليب
للي غادي ديري وزعي ليها الكمية للي بغيتي على فترات
انا بنتي صغر من بنتك عندها عام و شهر كنعطيها كاس فاش كتفيق الصباح مع شي حاجة باش غتفطر و مع العشرة عندها رضاعة مع 12 كتغدا و مع 2 كنرضعها باش تنعس لاسييست فاش كتفيق كنعطيها فروي ولا دانون و مع الستة كتاخد الكوطي فيه كاس د الحليب و شي حاجة اخرى و مع التمنية سميدة او روز او خرطال بالحليب او شي صوبة و فاش كتبغي تنعس كتاخد رضاعة تاني و الحمد لله
نتمنى نكون فدتك

أختي أنا ولدي ف عمر بنتك ربي يخليها لك ..لكن مكيبغعيش يفطر ..كيشرب غير لحليب ..بغيت نسولك شنو كتعطي لبنتك مع لفطور وف لعشية ..وشمن حليب كتشرب ..الله يجزيك بخير

حتى نتي كنعطيه نيدو

[QUOTE=aryam7;9554648]يمكن ماعجبهاش طعم ديالو داك الشي فاش ماكتقدش تكملو[/QUOTE
باش بديتو ليها كانت كتشرب 180 وغادة وتنقص

سمحيلي حبيبة جاوبتك معطلة كنت باغا نصور ليك الموني د بنتي خودي منو للي بغيتي
الا مكانتش الصورة واضحة ليك نكتبو ليك فجدول هنا

أختي حتى أنا بنتي فاش كانديرولها مكتبغهش ولكن وليت كندرلها واحد لحل فاش كندرلها رضاعة كنزيدلها فيها ٣ معالق سيريلاك أ كاتشربه محيت كيجيها زوين مذاقه .ديري طريقتي وغادي تشربه

شكراً أختي على لمعلومات ..ستفدت من لجدول بزاف ..ربي يخليلك البنوتة