السلام عليكم كيف دايرين هاد ط§ظ„ظ‚طµط±ظٹط© تنسموها حنا مدهوسة بصراحة لي دقها تتعجبو بزاف ديما صحباتي تيقولو لي ديريها لينا ندخلو المقادير.
تنحتاجو لدجاج القدر لي بغيتي نوضعوه في الكوكوط تنزيدو عليه البصلة مشلظة او طماطم محكوكة او واحد القبطة قزبر او معدنوس واحد الضرس ديال ثومة محكوك ولي تيحب ثومة يرمي راس صحيح العطرية ملح ابزار سكنجبير خرقوم رأس الحانوت او شوية الحلبة زيت بلدية او رومية تيتقلى شوية فوق البوطة او نزيدو الماء الكافي اونسد الكوكوط ملي يطيب الدجاج نحيدوه او نشوفو واش المرقة كافية ممكن تزيد الماء على حساب الحرشة لي مستعملة.
مقادير الحرشة انا تنستعمل واحد السميدة بيضاء او رقيقة بصراحة هي لي تطلع المدهوسة زوينة راها تتعمل غير 4دارهم او لي ملقاتهاش ممكن تعوضها بالسميدة الصفرا رقيقة تزيدي عليها شوية الفورص او تخلط غير بالماء او الملح طيب عادي او تفرتت رقيقة مني تبغي توجديها تكون المرقة فوق البوطة او تزيدي عليها هديك الحرشة او تحركي غير شي 3 دقائق او هاهي وجدا دجاج من فوق او بصحة او راحة .
lvpfh fd;l uk]d ih] hgrwvdm yvfh,dm
كنت سافرت مع خالتي عند صاحبتها وصايباتها لينا
تسلم الايادي
والله يعطيك الصحة
مم جزاكي الله خيرا