مرحبا بالجميع مشرفات و عضوات

انحتاجو انشاء الله ل
لا باط اشو
كريم باتسيير
جيب الحلواني
راس مدور و مسنن بحال اللي كنزوقو به لحلوى
راس مدور فتحة ديالو صغيرة بحال اللي كنكتبو به فالحلوى
على بركة الله نبداو ب لا باط اشو
2 بيضات
كا دالما
كاس ديال الطحين
م ص زبدة
م ص سكر
كنديرو الما يغلي و نضيفو ليه السكر الزبدة و منين يغلي مزيان نضيفو الطحين و نبداو نحركو بسرعة بالمعلقة الخشبية حتى تجمع لينا العجينة من بعد كنضيو البية الاولى و نخلطو حتى تجمع ثم نيفو البيضة الثانية

من بعد كنخدو شوية ديال العجين نخليوه على جنب


و كناخدو الجيب ديال الحلواني نديرو فيه الراس الكبير اللي كنزوقو به الحلوى و
نعمروه بالعجينة المتبقية و فالمقلة نبداو نخرجو لا باط على هاد الشكل

تم كناخدو جيب اخر ديال الحلواني و كنديرو فيه الراس اللي كنكتبو به الحلوى و نعمروه بالعجين المتبقي و كنحاولو نكتبو الرقم 2 في مقلة اخرى ديال الفران بحال هكدا
ثم كندخلو المقالي للفرن اللي خاو يكون سخون

كنحرو لا كريم باتسيير ديالنا بحال اللي هو معروف انا هنا زدت عليها شوية ديال العقدة ديال اللوز و الشكلاط منين يلاه بدات كتجمع

هكدا كيرجع لينا منين كيعقد

هاهي لا باط منين خرجناها

كناخدو لا باط كنقسموها على 2 بحال هكا

و كناخدو الطرف الفوقاني كنعاودو نقسموه على 2 بحال هكا

ثم كناخدو الجيب ديال الحلواني كنعمروه بالا كريم باتسيير و نبداو نعمرو الطرف التحتاني اللي بقى ديال لا باط بحال هكا

و كناخدو 2 طراف اللي قسمنا فالول و كنركبوهم بحال جوانح و ناخدو الرقم 2 و نركبوه فالمقدمة بحال المنقار و نرشوها بسكر كلاصي وتفلو بالصحة و الراحة

و هدا هو الشكل النهائي نتمنى من الله انو يعجبكم
في امان الله