oum hedayah
ثبت بتاريخه
اليوم غادي نحط ليكم مقادير
نتاع هده الحلوى حيت بزاف من البنات طلبو مني المقادير،وهي مقادير بسيطة وساهلة وكتجي رائعة
في المداق
الجينواز:
6 بيض
150g سكر
150g دقيق
كاكاو
1 لفاني
3 م ك ماء ساخن
الحشو:
سيرو
كريم شانتيي حلوة
للتزيين:
شكلاط
فواكه معلبة
بريزيليان
(او لوز مقلي ومهرمش)
كنخفقو البيض مع السكر،لفاني والماء حتى يتضاعف الحجم ديالو
من بعد كنضيفولهم الدقيق مع الكاكاو مغربلين ونخلطو بسباتول او بملعقة خشبية من الاسفل نحو الاعلى
من بعد كنفرغو الخليط في لاطة تكون شوي كبيرة(او 2 صغار) وملبسة بورق الطبخ
وندخلوها الفرن حتى تطيب تقريبا 15د
كنخليوها تبرد
دبا ندوزو باش نقطعوها وهده هي طريقتي في التقطاع
كنوضعو المول ديالنا وكنقطعو المرة الاولى
ونعاودو نفس الشيء بالنسبة للقطعتين الثانية والثالثة وغادي يكونو عندنا مرقعين هههه
كناخدو المول او الاطار وكنوضعو الطبقة الاولى من الجينواز(وكيفما كتشوفو مرقعة)كنسقيوها
بالسيرو+كريم شانتيي
نديرو الطبقة الثانية من الجينواز(وحتى هي مرقعة)+سيرو+كريم شانتيي
والطبقة الاخيرة كتكون كاملة+سيرو+كريم شانتيي
كندخلوها الثلاجة على الاقل واحد 3 ساعات
من بعد كنزولو المول ونقطعوها مربعات
كنزينوها بالشكلاط والكريم شانتيي والفواكه
(انا كناخد الشكلاط ونقطعو بهدا السكين ليكنقشرو بيه البطاطا)
او ببريزيليان او لوز
نتمنى يكون الشرح واضح،والى مفهمتوش شي حاجة انا رهن الاشارة
في امان الله
lvfuhj fhg[dk,h. ,hg;vdlh fhgw,v hgllgm iiii
ان شاء الله غادي نجربها
الله يعطيك الصحة شكرا شكرا شكرا
الله يعطيك الخير
