صباحكم ومسائكم طيب أنيقاتي
بإسمي وإسم مشرفات أقسام ط§ظ„ط·ط¨ط® في مدونة أناقة ظ…ط؛ط±ط¨ظٹط©
نفتتح الموسوم الجديد لمدرسة أناقة ظ…ط؛ط±ط¨ظٹط© لتعليم أسرار ط§ظ„ط·ط¨ط® والحلويات
نأمل من الله عز وجل أن نكون دائما عند حسن ظنكن بنا وأن يعيننا لنتشارك معكن كل ما تعلمناه في مجال ط§ظ„ط·ط¨ط® والحلويات
بسيطا كان أو معقدا معا بحول الله وبالإرادة تصبح كل سيدة ولاأحسن الطهاة في مطبخها
هنا رابط الأسئلة المتعلقة بوصفات المدرسة
خاص بالأسئلة المتعلقة بوصفات مدرسة ممنوع الدردشة
مدرسة : هنا الدردشة
وهنا مواضيع الوصفات
مدرسة لاسرار الطبخ و الحلويات: حلويات و كيك الشاي اليومي الجزء الثالث
مدرسة لاسرار الطبخ و الحلويات : المطبخ اليومي الجزء الثالت
مدرسة خاص بالتطبيقات
تابعونا ولا تنسونا من صالح دعائكم ولكم بالمثل بحول الله
__________________________________________________ __________________________________________________ _
l]vsm hkhrm lyvfdm ghsvhv hg’fo , hgpg,dhj : hgl’fo hgd,ld hg[.x hgehgj hgehge hgjhkd hgsghl read ugd;l
غادي نقدم ليكم هاد الكراتان كيجي لديد بزاف كنت دقتو عند جارتي الايطالية و خديت الوصفة و زدت عليها بعض الاضافات
يمكن ليكم تعملوه فالعشا كطبق رئيسي
غادي نحتاجو ل الدنجال يكون اكثر من الخضر الاخرى لانه غادي نعمل منو طبقتين
و الفلفل و البطاطا و الكرعة خضرا والموزاريلا او الجبن واي صوص مطيشة نتوما معتامدينها انا كنعمل معاها شوية الكفتة
نقطعو الخضر كلها دوائر و نملحوها
من بعد ندوز الدنجال و الكرعة فالدقيق باش ميشربوش الزيت
و نقلي كلشي كل حاجة بحدها حتى نكمل
ناخدو طاوة الفرن و نفرش فيها شوية الصوص
نعمل طبقة الدنجال و نصب شوية الصوص ثم الجبن و نعمل في الطبقة الثانية كمية الكرعة و نصب الصوص و الجبن
ثم ندير طبقة البطاطا ونكرر نفس العملية و نعمل طبقة الفلفل ونصب الصوص و الجبن ثم نختم بالدنجال و الصوص و نغطي بالجبن
و ندخله للفرن حتى يتحمر
تبعو الصور توضح الطريقة
مني يطيب نخليوه يدفى شوية و نقطعوه و قدموه مع سلطة او غير مع الخبز
كيجي لديد بزاف
بالصحة و الراحة
نتمنى تجربوه و يعجبكم
125غرام زبدة
كاس زيت
2 بيضات
كاس شكر
فانيلا
خمارة فئة 7 غرام
3 معالق كبار شعرية الشكلاط
الدقيق حسب الخليط والطريقة معروفة
حياكن الله اخواتي
ليوم جايبة ليكم وصفة من الارشيف طاحت لي في بالي وانا نوض نقلب عليها في واحد الدفتار عندي من الصغر هههههه هادي وصفة قديمة كانت عملاتها ليلى الشواي ملي كانت كتجي في برنامج دنياك عقلتو عليه ؟؟؟ ههههه وكانت كتعجبني بزااااف وكنعملها بكثرة ولكن ملي تزيرات القضية في القراية وبعدت على الكوزينة نسيتها ههههه وعاد تفكرتها ونضت عملتها بالصور لعلى وعسى تعجبكم حتى نتوما هههههه
يلاه ملي حكيت ليكم التاريخ ديال الوصفة ندوزو للمقادير ههههه
ملاحظة :انا غادا نقوليكم مقادير المضبوطة خلافا للي في الصور راهم مضوبلين عدا الضامة هههه مع الاضافات اللي كنت كانعمل كل مرة وكتجي نفس النتيجة تقريبا
بسم الله
2 بصلات مقطعين على الطول
1 فلفلة حمرة مقطعة على الطول بقشرتها
1 فلفلة خضرة مقطعة على الطول بقشرتها
1 مطيشة مقطعة على الطول بقشرتها (مرة ماعملتهاش وجات النتيجة رائعة)
شوية القزبر والمعدنوس مقطعين
شوية البزار
ضامة البنة ( مرة ماعملتهاش وعملت في بلاصتها الزعتر وجات النتيجة غزالة)
6 بيضات او على حسب الرغبة
قبصة ملح
زيت الزيتون او العادي حسب المتوفر
الطريقة:
في مقلاة ماكتلصقش نعمل البصل مع زيت الزيتون ونخليهم يتشحرو شوية
بعد ذلك نضيفو الفلافل ونخليهم يتشحرو مزيااان
بعد ذلك نضيفو مطيشة والضامة البنة ونخليهم يتشحرو شي شوية
ثم نزيل الكل من فوق النار ونخليه حتى يدفى شي شوية عاد نضيف عليه الملح والبزار والربيع
عاد نضيفو البيض ونحركو
في هذه الاثناء نكونو رجعنا نفس المقلاة اللي شحرنا فيها بلاما نغسلوها هههه نعملو فيها شوية الزيت انا استعملت العادي ونخليه حتى يسخن عاد نصبو فوقو الخليط
ونخليه حتى يطيب ونسد عليه بالغطاء أوْ ملي طيب من التحت نقلبها للجهة الثانية ( انا سديت عليها حتى طابت وماقلبتهاش)
وهاهي واجدة بالصحة والراحة
نتمنى تعجبكم راها ساهلة ماهلة وصحية هههه
هاد العجين كيجي خفيف ولديد بزاف
المقادير :
200 gr دقيق فورص
100 gr دقيق فينو
بطاطا كبيرة أو 2 بطاطات صغار مصلوقيين ومنقيين وممعوسين
خمارة
معلقة كبيرة خميرة دلخبز
ملح
شوية زعتر
ربع كاس زيت زيتون
شوية سنيدة
الماء الكافي الخلط العجين
نديرو كلشي فالعجانة يتعجن
نخلوها جارية شوية
ونخلوه حتى تخمر
منين تخمر غادي تكون شربات ومتبقش جارية غادي تولي غير كتلسق فاليد
نزل ورق السلفرزي فوق المول ونسرحها
نرشها بزيت الزيتون
نبرك عليها بالاصابع بحال لي فالصورة
رصيت فوقها نصف دواير مطشة والبصلة
رشيت الطون
وزوقت بالزيتون الأسود
حتى زيت الطون رشيتو
دردرت شوية زعتر وبزار
ودخلتها للفرن
منين طابت رشيت عليها شوية فرماج محكوك
صدقوني كتجي بنينة وخفيفة
وبالصحة والراحة
كويرات بالروز و صدر الدجاج رووووعة
حاجنا لروز مصلوق + صدر دجاج + بصلة +
بيضة أو 2التوابل : ملح + إبزار + ورقة سيدنا موسى + شوية د المعدنوس +ثوم
نعمل البصلة تشحر مع صدر الدجاج و و رقة سيدنا موسى
نضيف التوابل و نخليها تشحر مزيان
ها هي تشحرات نخليها تبرد تماما و نطحها فمولينيكس
كاتولي بحال الباطي
و نخلطها مع الروز المصلوق
و نزيد بيضة أو 2 حسب الكمية لي عندنا
نخلط كولشي مزيان و نبا نشكل منها كويرات و نمرمرهم في طحين الزرع
ملي نكمل كولشي نقليهم في زيت سخون
كاتجي غزالة و لذيذة
الله يسهل عليكم دعيو معايا ربي يفرجها عليا
السلام عليكم و رحمة الله
غادي نقدم ليكم طريقتي فتحضير هاد الطاجين
على بركة الله غادي ناخدو اللحم و نرقدوه فالملح و الابزار و الخرقومو التحميرة و سكنجبير
من بعد نعملوه فالطاجين مع زيت الزيتون
مني يتقلى شوية نعملو عليه بصلة كبيرة مشلضة و ضرس ثوم مدقوق
و نحركو كلشي و نخليو البصلة تنزل
من بعد نضيف حبة مطيشة مقشرة و مقطعة رقيقة
و نعمل عليها الربيع مقطع و شوية الابزار و الخرقوم و سكنجبير و نخليهم يتشحرو مزياااان
مني تبان لينا البصلة و المطيشة تشحرو مزيان
نضيفو الجزر مقطع طويل
و نستف البطاطا
و الجلبانة ثم الطماطم من الفوق
و نرش شوية القزبر مقطع و الزيتون
و نعمل شوية الملح و الابزار من الفوق على حسب الخضر و ربع كاس ماء
و نعمل ورق الفرن و عاد نسد الطاجين و نخليه على عافية مهيلة حتى يطيب و يتشرب
و نقدموه بالصحة و الراحة
في امان الله و حفضه
لا تنسوني من دعواتكم الطيبة و لكم بالمثل ان شاء الله
هاد الطورطية كتجي لديدة و ساهلة و تصلاح للعشا
كنحتاجو ل الدنجال و البطاطا و الفلفلة و البصلة سامحوني مصورتهاش
و البيض و الربيع و العطرية
كنقطعو الخضر مربعات صغيرة
و كنملحوهم و نقليوهم فزيت سخونة
و ناخد البصيلة مشلضة و نشحرها فشوية زيت الزيتون و الملح
كنشفوهم من الزيت و نخلطهم مع البيض و القزبر و معدنوس مقطعين
و الابزار و الكمون و التحميرة و شوية الملح غير على حسب البيض لان الخضر كلها ملحناها
ناخد المول و ندهنو بالزبدة و نرشو بالسميد و نصب فيه الخليط و ندخله للفرن حتى يطيب
و نقدموه ساخن بالصحة و الراحة
في امان الله حبيباتي
هاد الطنجية من نهار جربتها ولات معتمدة عندي الله يجازي مولاتها خيرات الدارين
لحم غنمي يكون كتير شوية
زعفران حر
حامض مرقد
قزبر حبوب مطحون
كمون مطحون
ملح
توما مدقوقة
قزبر ومعدنوس
خرقوم
زيت الزيتون
الماء
نديرو كلشي فالكوكوط ونزيدو ألما
نسدها حتى يطيب اللحم
منين يطيب نخلو المرقة دغمر
وههيا منين وجدات
وبالصحة والراحة
المقادير
كيلو جنيحات دجاج ممكن ديرو دجاجة كاملة
30 مل صويا صوص
50 مل صويا صوص حلوة
100 مل عسل
2 م ك مستردة
1 م ص فلفلة غبرة حارة
1 م ك هريسة
1 م ص الثوم غبرة
2 الثوم محكوك
يبزار + شوية ملح ماشي بزاف
زنجلان
الطريقة
نغسلو جنيحات مزيان بالملح و الليمون نخلطو الجميع و خاليتا تبات ليلة كاملة
دخلتو الفرن و ملي قرب يطيب خرجتو و رشيت شوية زنجلان و حليتو شي 5 دقايق في الفرن
قدمتو مع الروز لي بالبصل و صويا حلوة و الروز بالخرقوم و ضمة البنة
بالصحة و الراحة