مدرسة أناقة عربية لتعليم أسرار الطبخ والحلويات :: الجزء الخامس ::

للتذكير حبيباتي

يمنع منعا باتاً الرد في هذا الموضوع وأي رد سوف يتم حذفه دون الرجوع لصاحبته
شكرا على تفهمكم

مدة التطبيق أسبوعين

l]vsm Hkhrm lyvfdm gjugdl Hsvhv hg’fo ,hgpg,dhj :: hg[.x hgohls

ملح

الطريقة : كنسخن الزيت ونسخن فيه العطرية وغير تطلع ريحتها نضيف عليها الروز ونشحرو 2 دقايق تقريبا ونضيف ضعف قياس الروز من الماء

يعني إدا عملت كاس د الروز نعمل زوج كيسان د الماء وطبعا إدا احتاجيت أكثر نضيف شوية بشوية حسب نوعية الروز

نخلي الروز يتشرب مزيان وينشف وندوز عليه بالفروشيط باش نفرق الحبات

مقادير الدجاج : 300 غ من هبرة الدجاج ممكن أقل أو أكثر حسب المتوفر

شوية لوز للتزيين ( إختياري )

الطريقة : نخلط الدجاج مع كل التوابل والزيت ونشحرهم مزيان ونضيف الطماطم والقزبور والصلصة ونخلي الكل يطيب

نخليهم يشربو شوية ونطفي عليهم ونقدمهم

التقديم : زينت بشوية لوز مقلي ومهرمش

هنا عملتها بالكروفيت والكرامال بنفس الطريقة ونفس التوابل

هنا حمرت الشعرية فاالزيت عاد ضفت عليها الروز والدجاج كان مقطع أصغر

السلام عليكم و رحمة الله

اليوم ان شاء الله بغيت نشارككم بهاد الوصفة الرائعة و لي هي عبارة عن تار بالفريز و

اللوز و مسقية بالقهوة

نتمنى من الله انا تعجبكم

على بركة الله سنحتاج ل

200 غ دقيق مغربل
120 غ زبدة
2 اصفر البيض
40 غ سكر
فاني اواي نسمة تفضلوها

2 معالق كبار كوكو
2 معالق كبار لوز مطحون
نتبعو الطرقة لي موجودة فالمشاركة السابقة

كريم پاتسيير فهاد الرابط المشاركة رقم 51

https://www.anaqamaghribia.com/vb/sho…=249688&page=6

كريم اللوز
50 غ زبدة ذايبة
50 غ لوز مطحون بقشرتو
50 سكر ڭلاصي
معلقة صغيرة عامرة مايزينا
بيضة مطربة
فاني
روح اللوز
قهوة معصرة لسقي التارت

نخدمو العجين لحلو بنفس الطريقة فالمشاركة السابقة*نضيفو الكوكو و اللوز

نجمعو لعجينة و نخليوها ترتاح

نمرو لتحضير عجين اللوز
نخلطو جميع العناصر باستثناء البيضة المطربة

نضيفو البيضة و نخلطو مزيان

نسرحو العجينة ديالنا و نعملوها فقالب دائري 18 سم

نعمل الخليط ديالنا و ندخلو لفرن 350 درجة فهرنهايت 180 مئوية مابين 18 و 25*
دقيقة او حتى يتحمرو الجناب
خاصنا ننتبهو لان عجيب السكر كيتكسر بسهووووووووووووووووووووولة

نخرجها من الفرن و نخليها تبرد واحد 20 دقيقة و نسقيها بالقهوة و ندخلها للثلاجة و*

مانزولهاش من المقلة حتى تبرد تماما لانها كتهرس بسهولة فلهدا منين كندخلوها للثلاجة*

لتبرد فيها الزبدة عاد يمكن لينا نزولوها من المقلة

نعمرها بالكريم باتسيير

ندير الفريز

150 غرام الدقيق
80 غرام زبدة بحرارة المطبخ
50 غرام سكر كلاصي
أصفر بيضة
قبصة الملح
قشور وعاصير حامضة

الطريقة

نخلطو دقيق سكر كلاصي قبصة الملح قشور الحامض و الزبدة نزيدو أصفر بيضة ونبقاو نزيدة عصير الحامض حتى نحصلو على عجين متماسك وندخلوه الثلاجة نصف ساعة
مني نخرجو العجين من الثلاجة نطلقوه بالمدلك ونقطعوه ونديروه في قالب المافن وندخلوه الفرن

مقادير الكريمة

50 غرام الزبدة
150 غرام السكر كلاصي
2 بيضات وأصفر بيضة
عصير 2 حامضات وقشورهم
معلقة مايزينة

الطريقة

نديرو الزبدة سكر كلاصي عصير وقشور الحامض فوق البوطة نزيدو البيض نبقاو نحركو ونزيدو ميزينا مدوبة في شوية الماء ونبقاو نحركو حتى تعقاد الكريمة

المورانغ

نطربو 2 أبيض البيض مع 2 معالق كبار السكر كلاصي

نبداو نقادو تارتوليت
الكريمة ونديرو فوقها المورانغ وندخلوه الفرن إتحمر شوية ونخليوهم إبردو ونقدموهم

2 بيضات
نصف كاس صغير سنيدة أو حسب الذوق
نصف كاس صغير زبدة دايبة
قشور برتقالة
عصير 3 البرتقالات
الدقيق نفس القياس لي غادي إخرج في العصير يعني إلى خرج كاس كبير عصير نديرو نفس الكاس دقيق

الطريقة

نخلطو البيض سنيدة قشور البرتقال نزيدو زبدة والعصور دقيق نخلطو كلشي مزيان ونبداو نطيبو

السلام عليكم و رحمة الله تعالى و بركاته
اكيد كل وحدة فيكم تتعرف تبارك الله توجد لكريب و الشهيوات ديالو، الوصفة لي غادي نزل ليكم اليوم هي شهيوة من الشهيوات لي تندير بلكريب تتجي غزالة وهي من بين الوصفات المفضلة عندنا فالدار نتمنا حتا نتوما تعجبكم
اول شيء مقادير الكريب

400 غ دقيق
3 بيض
50 غ زبدة دايبة
ملح
م ك سكر
1 ل حليب
‘ درت انصف فقط ‘

تتخلطي كلشي فالخلاط وتخليه يرتاح شوية مني تنبغي نطيبو تنزيد عليه شوية ت الابزار و الكوزة ونطيبو فطيفال

بالنسبة للعمارة تنشحر البصلة فزويتة بلدية و ورقة سيدنا موسة، مني تنزل تنزيد عليه الكفتة القياس لي يكفينا ونفتتها تيطيب كلشي’انا هنا متنديرش لعطرية حيت تنكون مخلطة الكفتة بالعطرية ديالها’

فاناء آخر تندير شي جوج مطيشات محكوكين مع شوية توم محكوك، الزعتر، ملح، ابزار و زيت بلدية ، تنطيب كلشي مع اضافة الماء طبعا ومني تقرب طيب تنزيدلها شوية ت مطيشة ت الحك

تنصاوب صوص بيشاميل كلشي تيعرفلها، منساش نديرلها لكوزة تتعطيها مداق رائع

تنزيد ديك صوص ماطيشة لي صاوبت علا البصلة مع الكفتة و تنزيد عليهم شوية ت البيشاميل وهادي هي العمارة لي تنعمرو بيها لكريب ديالنا

تنعمروهم كاملين ولا لقياس لي بغينا ونستفها فمول تيدخل للفران مدهون بالزبدة، تنخوي عليهم صلصة البيشاميل لي بقات، نرش بالجبن محكوك وندخلو للفران تيتحمر و يطيب

و هاهو واجد ، نتمنى يعجبكم و بالصحة و الراحة