تبث في : 23/06/2019
من طرف : Romaysati
مقادير العجين
نصف كلج فورص+م ك زبدة لينة +ملح +م ص خل +الماء دافئ غير شوية
للتواق الزيت فقط
للدهن
البيض
للزينة
فرماج ورقائق اللوز
تدلك مزيان مزيان حتى ترجع تطرطق وتعمل كويرات وتدهن بالزيت ونخليوها ترتاح
حتى نوجدو الحشوة
الحشوة
بصلة مشلدة رقيقة +قليل زيت +ملح +ابزار+خرقوم بلدي +كمون +تحميرة +معدنوس+
شعرية صينية مرطبة في ماء طايب ومصفية +
كفتة متبلة
الطريقة
تنشحرو البصلة مع الزيت حتى تنزل مزيان ونزيدو الفلفلة حارة مقطعة رقيقة ليتحب الحار
وتنزيدو الكفتة وشحرو حتى تحل ونزيدو التوابل
ونقسمو الحشوة على 2
وحدة نخليوها عادية
والثانية نضيفو ليها الشعرية
تنطلقو العجين رقيقة حتى تبان الرخامة
وعمرو بحشوة الكفتة ورشو عليها الجبن
ولفوها
ونشكلوها محنشة
والشكل الاخربالشعرية والكفتة
نعملو قليل حشوة في جانب العجين
ولفو بنفس الطريقة
ومنين نكملو نعملوهم في لاطة الفرن
وندهنوهم بالبيض وقطرات خل باش تزول الريحة دالبيض
وليعملنا ليهم في الحشوة الفرماج نرشوهم كدلك بالفرماج من الفوق
ودياول الشعرية نزينوهم برقائق اللوز
وندخلوهم للفرن يطيبو على نار مهيلة باش يجيو مورقين مزيان
وها الشكل النهائي
lpkahj lhgpdk ,hgw,vm fhgjtwdg lhahx hggi lhuk]d lf]um hggi hggi du’d; hgwpm hgwp hojd fhgjtwd du’d; ugd; y.hgdk waw ;hguh]m ;jplr ;daid, ;dt
محنشات غزالين كيشهيو وكيحمقو الله يعطيك الصحة
وغدي ناخد واحدة حيت انا لردت لولا هههههههه
احلى 5***** من عندي
راني جربت رغايف داللوزهدي دبا شي 4 المرات ولي ذاقهم كيطلب مقاديرهم الله اعطيك الخير
او جربت مسمن مورق تاع الفران او كرواصةالشيف هادو مع الاسف مصدقوش لي
اختي ريم دخلي هنا او جاوبني بخصوص الكرواصة الله اعطيك الستر راه شحال وانا كنتسنا ردك
https://www.anaqamaghribia.com/vb/sho…CE%E1%ED/page2
شكرا الحبيبة على الكلمة الطيبة وعلى التقييم والنجيمات
الله ينور ايامك
تفضلي بالصحة
الحبيبة السلام
اولا انا اسفة علاش مصدقوشي ليك 2 الوصفات
للاشارة فقط متنزل شي وصفة حتى تنكون متاكدة منها ومن نجاحها وتنعملها اكثر من مرة وتتنال الاستحسان
بالنسبة للكرواصة اختي غير شوفي الخلل فين كاين
وتنضن لتبعتي الوصفة كيف ماهي راه الزبدة باردة ماشي مرهم
وراني نبهت عليه في الطريقة خاصها متخرجشي من العجين لخرجات ماغاديشي تصدق تماما
ويمكن الماء كان قليل في العجين
حيت العجينة خاصها تكون مطاطية ومتقطعش والصورة راها موضحة كلشي
والاخوات جربوها وصدقات ليهم
وخيرها في غيرها متاخديشي في بالك
انا بعض المرات تنجرب وصفات من المنتدى ومتيصدقوشي في المرة الاولى ولكن مع المحاولات تيصدقو وتنعرف راه الخلل مني انا
بخلاصة الكرواصة حساسة شوية حاصها الصبر وطول البال
مع تحياتي