محرجة أو ما عندي حد من غيركم

سلام أخواتي الأ نيقات كيف حالكم؟ندخل فالموضوع أنا الدخلة ديالي من دابا شهر،أو بغيت ندير طريقة الحساب،مخسنيش ندير الحبوب في الأول ولا الواقي الذكري،أو معنديش شكون يشرحلي كيفاش طريقة الحساب,راني شوفت في النت أو صراحة مفهمتش،عفاكم ديرو فيا هاد الأجر ,أو شرحولي بالتفصيل،ملاحظة راني كنسجل كل شهر فوكاش جاتني العادة ولكن مفهمتش الدورة ديالي على شحال،عفاكم عاونوني جزاكم الله عني ألف خير.

---

lpv[m H, lh uk]d p] lk ydv;l

اولا مبروك عليك اختي و الله يكمل عليك بالخير ان شاء الله
الحساب اختي احسن ليك فعلا فبداية الزواج
المهم هو تحسبي ايام الدورة واش 26 او 28 او 30
يعني من يوم كتجيك حتى نهار كتجيك تاني
مثلا الدورة عندك 28 يوم
مثلا جاتك نهار 01-01-2019
غادي تجي تاني 28-01-2019
يعني غادي تشدي 28 يوم تقسميها على 3
الجزء الاول امان يعني من نهار 01 حتى 10 امان
الجزء التاني هو لديري فيه حسابك يعني وقت الاباضة لهو من 11 حتى 20
الجزء الثالث هو من 21 حتى 28 امان يعني خدي راحتك
ان شاء الله نكون عرفت نشرح ليك
و الله يرزقك بالدرية الصالحة المعافاة ان شاء الله

شكرا بزاف أختي قلب حنين،الله يعطيك متمنيتي،دابا فهمت أو وضاحتلي الأمور،لكن واحد القضية الدورة ديالي مشي كل شهر كتجيني على30،مرة على 26،واش هدشي ماشي مشكل؟كيفاش نتعامل مع هدشي بالحساب؟أو ندير 10أيام أو صافي?جزاك الله عني خيرا

العفو اختي
واش الدورة عندك ما منتظماش
الى منتظمة راه ساهل تحسبي
غادي تشدي كيما قلت ليك المدة و تقسميها على 3 الجزء الوسطاني هو لتاخدي فيه الحدر
انا غير عطيتك مثال بالتواريخ لكتبت
و انتي ديريها على الله و الى جاب الله راه خير من عندو
الله يكمل عليك بالخير

سلام أختي نعم أنا عندي الدورة ممنتظاش،شنو ندير فهاد الحالة؟شرحلي عفاك،جزاك الله عني خيرا

سلام اختي ..انا قريت الموضوع ديالك و بغيت نعاونك ..ادا كانت الدورة مامنتضماش صعيب تشدي الحساب.و لكن نتي ديما زيدي 10 ايام على نهار الاول ديال الدورة و متجامعيش راجلك لمدة 10 ايام اخرى..وخا غتجيه صعيييبة ف الاول خاصو يصبر..متلا اذا جاتك الدورة نهار 5/1/2019 ماتجامعيش راجلك بين 15/01/2019 و 25/01/2019 و من بعد هاذ المدة امان..و اذا راجلك جاتو صعيبة عليه بالعازل او العزل..نتمنى نكون فدتك..دعي معاي راني قربت نولد ان شاء الله

سيري أختي mouna_rosa الله يوقف معاك نهار الولادة ديالك أو دوزلك ميسرة إنشاءلله أو يغفرلك ربي كولشي أالحبيبة.

ااامين ا ختي.نتمنا تكوني فهمتي الطريقة ديال الحساب.و الله يسر للجميع