محتاجه ليكم في موضوع كفالة طفل

السلام عليكم
انا سبقلي وسولت على الكفالة ,ودبا الحمد لله عولت نمشي المغرب نبدا اجراءات الكفاله ولد او بنت وانا ساكنه فامريكا انا وراجلي عندنا غير شهر ونص ديال العطلة ,لكن سمعت ادا درت محامي الاجراءات عادي تكون ساهله وعادي يبقالينا غير الاوراق ديال التبني فامريكا اللي هما home study باش نقدرو نجيبوه ان شاء الله ,انا ظ…ط­طھط§ط¬ظ‡ نسولكم واش كتعرفو شي محامي خاص بهاد الشيء راني فحيره فامري والحمد لله عولت نجيب ولد مع اني مزاله صغيره انا وراجلي لكن هدا الحلم ديالي من قبل منتزوج ,حيت مكاينش شي متعه اكتر من انك تعطي الحنان ديالك لانسان محروم ومحتاجلك , المهم انا كنتسنى معلومات ديالكم وشكرا بزااااااااف

---

lpjh[i gd;l td l,q,u ;thgm ‘tg

الحمد لله و انا كنشجعك مزيان واخا الامور كتاخد وقت لاكن كنصحك تبناي شي طفل يتيم الاب اوالام باش تاخدي الاجر الكبير و تكوني بجنب الرسول عليه الصلاة و السلام في الجنة و ديري كفالة ماشي تبني يعني متكتبيش الطفل في الاسم ديال و انا كنظن انك هادشي في راسك غير بغيت ندكرك لان الدكرى تنفع المسلمين اما بخصوص السؤال ديالك فاي محامي غادي ياخد من عندك القضية ديالك مكينش شي محامي متخصص في هد الشيء و كنتمنى تردي علينا الخبار فين وصلتو في امان الله

سلام عليكم .ختي مزيان فرحتك أنا ماعنديش شي فكرة على هادشي لكن لبغة نقلك هو أنا دري أختي ضروري إلى خذيته صغير تقولي ليه أنا را ماشي لولدتاك . تجنبا لمشاكل من بعض ولله يدير ليك لفيها لخير. صراحة ساعدتك غدي تكفل بيتيم لله يرزقك كل خير

شكرا ام احمد امين على التشجيع ديالك , ياربي احبيبه يخليهملك ويفرحك بيهم

شكرا احبيبتي عل الرد ديالك وياربي يسهل فالاوراق ونجيبو فاقرب وقت

الله يسهل لك اختي
ماعندي اي فكرة غير دخلت ندعي معاك

بوركتي غاليتي على هاد القرار وطوبى لك مرافقة النبي عليه افضل الصلاة والتسليم في اعالي الجنان
اللي كنعرف حبيبتي هوان الاوراق دالكفالة يمكن ليك تقومي بيها كاملة خلال هاد الشهر لكن التاخير غادي يكون في استخراج الفيزا على ما اضن لذلك حبيبتي خاصك تعرفي فين غادي تخلي هاد الطفل على ما خرجات ليك الفيزا
حبيبتي بغيت ننوهك على مسالة ضرورية وكثير من الناس كيتغاضاو عليها اللي هي جنس المتكفل به لانك اختي انتي نويتي الخير فخليك حبيبتي في طريق يرضىي الله عزوجل يعني حبيبتي فكري قبل ان هاد الولد او البنت غادي يكبر ان شاء الله وغادي يبلغ وبالتالي ماغديش يكون من المحارم ديالك بالنسبة للولد والبنت كذلك ليست من محارم زوجك وبالتالي غاتوقعو في حرج كبير
لذا حبيبتي شوفي شي وحدة من اخواتك او زوجات اخواتك ترضعو حتى تحرمي عليه وياريت حتى من جهة الزوج
راه بزاف تاع الناس وقعو في هاد المشكل لكن مع الاسف لقاو راسهم وحلو وما كاين حل
واخيرا اختي تقبلي مروري والله ييسر ليك ويعطيك ماتمنيتي

بالتوفيق اختي
والله يجازيك كل خير علئ هذه المبادرة
بالنسبة للمسطرة هي سهلة لكنها تتطلب وقتا خاصة عند قيام الشرطة والمختصين بالبحث
بامكان اي محامي محترف مباشرة المسطرة
عليك من اجل اختصار الوقت توفير جميع الوثائق المطلوبة للمحامي حتئ لا يتم تاخير الملف لجلسات عدة

الله الموفق

شكرا على الرد والله يجازيك بخييير ,انا مشكله مزال مدرت home study حيت كتطلب شهور وخصني نغير المنزل ديالي حيت مفيهش بيت البيبي يعني خصني نبداها حتى نغير المنزل,اما بخصوص الاوراق وكولشي انا لقيت واحد الموقع ديال التبني فيه المعلومات كامله وكولشي ساهل الحمد لله لكن انا عندي بعض الاسئلة انا مزالي شهر ونص نمشي المغرب واش نقدر نشوف وليد ونبدى الاجراءات وموراها عاد نرجع امريكا ندفع home study والطلب باش نجيبو لامريكا’وفداك المده نخليه مع ماما على مايخرجلي التصريح اني نجيبو امريكا؟ وحاجه اخرى اختى واش نقدر انا اللي نتكلف بكل الاجراءات, وراجلي يجي غير فجلسة القاضي حيت هو بحكم العمل ديالو مستحيل يجلس اكتر من شهر اما انا عادي نقدر نبقى حتى 4 شهور ولا 6, شكرا بزاااف ا حبيبه على مساعدات ديالك ولهلا يخطيك

الله يسهل أمورك الخير لي غادية تعملي يرجع ليك انشاء الله