ما هي أفضل أنواع الأكل في فترة النفاس بالنسبة للنفيسة ؟؟؟؟؟؟؟

lh id Htqg Hk,hu hgH;g td tjvm hgkths fhgksfm ggktdsm ???????

لا عليك أختي، فعلا الولادة فالغربة صعبة شوية، ولكن ربي كيسر كلشي، غير الصبر والاحتساب وشوية دالخاطر إيلا كان عندك هههههه وكلشي إن شاء الله غيدوز على أحسن ما يرام

بالنسبة للاستطلاع أنا جاوبت الرفيسة، غير حيت عزيزة علي، خلاص إيلا كانو فيها المساخن فوقت النفاس والحال بارد ههههه

أما أشنو ممكن تاكلي، فأكيد دائما الأكل المتوازن كيبقى هو الجواب الأسلم على ما أظن، ضروري تاخذي الخضر والفواكه واللحوم الحمراء والبيضاء والسمك والبيض والحليب ومشتقاته والقطاني، وأهم شيء أختي هو شرب الماء بكثرة خصوصا إن شاء الله مع الرضاعة راه جسمك غادي يحتاج بزاف دالماء

السردين كيقولو أنه مدر للحليب، ديري ليه غير مليحة وشويه فالفرن وها هو جاهز

كنصحك ما حدك ما زال ما ولدتي ديري ليك حساء الخضر وقسميه وحتافظي بيه فالمجمد، راكي غتحتاجيه إن شاء الله بعد الولادة فالفطور أو العشاء

ما تكرهيش السفوف أو سلو، حتى هو زوين ومغذي

إيلا قدرتي ديري المسمن أو شوفي إيلا تقدر تصاوبو ليك شي صاحبتك وخليه فالمجمد حتى هو فطري بيه إن شاء الله

على ما حال، لي لقيتيها كوليها هههههه بعدي غير من المشروبات الغازية والقهوة والشاي والمنبهات بصفة عامة… من غيرهم غير لي جا قدامك وبغاتو خاطرك ما تقوليش لا هههههههه

أهم حاجة أختي هي الراحة: ارتاحي كل ما سنحت لك الفرصة بذلك… واهتمي بنظافة جسمك وطفلك وفرحي واستغلي مشاعر الأمومة في أيامها الأولى

ربي يفرحك بلي فنيتك ويفرحنا بخبر ولادتك وقيامك بالسلامة

أمانة عليك طمنينا عليك ودعي معانا إيلا تفكرتينا، دعي معانا بلي بغيتي وقت الولادة، غير تفكرينا وصافي

مبروك عليك ولدك ولا بنتك، الله يكبرهم ليك فطاعة الله والرسول والوالدين

ابتسمي حبيبتي ولا تحزني… وهذه الورود لك