السلام عليكم البنات انا هادي ثلاث شهور باش ولدت بالفتيح ومازال كنخاف على الفتحة ماكنقدر نهز ولا نحط خصوصا اني واحد النهار جريت واحد الشوفي شوية ثقيل و ضراتني الفتحة و الظهر و خاصمات عليا ماما قالتلي راه نقدر ندير الفتق ايلا ماتكايستش !! و دابا داري حالتها حالة خاصها تخميلة و ماكينش اللي يعاوني و كنخمم فوقاش نقدر نرجع كيف الاول ؟؟؟
lh fu] hg,gh]m hgrdwvdm
upp
اختي الولادة بالقيصرية عندها عواقب الي نقدر نقوليك هيا حاولي الثقل بلاش و متجهديش راسك خصوصا يلاه 3اشهر باش والدة جيبي شي امراءة الي تهز الثقل و نتي عاوني غير الحاجة الخفيفة و لا ماشي ممكن خلي حتى يكون راجلك و هوا يهز ليك الثقل و نتي سيقي و حكي الحيوط و هوا يعاود يرجع داكشي الي ثقيل
و حاولي على راسك الفتحة را تتبقى ضر فينما درتي شي مجهود كبير انا راه يلا غير وقفت ساعتين متابعة كانت تتضرني و عاد الظهر تيبقىحساس
و حاولي على راسك الفتحة را تتبقى ضر فينما درتي شي مجهود كبير انا راه يلا غير وقفت ساعتين متابعة كانت تتضرني و عاد الظهر تيبقىحساس
شكرا اختي هاجر . انا بغيت نعرف ايمتا نقدر نرجع كيف الاول نهز و نحط ؟؟
هههههه الحبيبة حاولي على راسك غي بشوية عليك راكي عاد فاتحة عرفتي ماكايجيبها فينا قد النفس شوفي راه ماماك معاها الحق تكايسي و حاجة خرى الثقل نسايه واح العام عل الاقل و الله يشافيك ان قربت نكمل 3سنين مور العملية و الا هزيت التقل كانحس بيها
عمرك ترجعي كيف كنتي سولني انا اللي والدة بالفتيح عام و نص هذا تقريبا ، ملي قربت نكمل عام كان عندي الرحيل و بديت نجمع و خا الخدامة اللي هزو كلشي ولكن نجر هادي لهنا و نحط هادي لهنا و طاحت ليا الوالدة و مشيت مسدتها عند السيدة عاد رجعات كيف كانت لكن فينما نهز شي حاجة ثقيلة غير شوية تطيح ليا خاصني ديما نحزم كرشي الا غادي نخدم ، قبل منولد كنت نهز الدار و نرجعها دابا مكايسة على صحتي حيث اربطة الرحم تقطعو فالولادة عمرهم ارجعو كما كانو ، اما الم الفتحة من بعد 6 اشهر متبقيش تحسي بها
شكرا ليكم بزاف على الردود و اللاه يخلي ليكم صحيحتكم و وليداتكم ، شي مرات كيطيح عليا الضيم تنقول مع راسي كيف كنت و كيف وليت اقل حاجة ولات كتجيني صعيبة ولا درت مجهود ولو بسيط كنحس بالفتحة . الله يجعلها من مكفرات الذنوب
السلام عليكم اخواتي ايه احي احي على الولادة القيصرية ومايجي منها مكيناشي بحال طبيعي كترجع بحال معمرك ولدتي المهم هذشي الي كتب علينا الله واكيد ربي اخترنا الافضل والانسب لينا انا عندي جوج دلعمليات قيصرية الحمد لله على كل حال اكثر شي ظهر كيبقى يحرق وخصوصا اذا مشيتي ونسيت راسك انك فاتحة ديك ساعات كتندم علاش هزيتي وكنحلفوا منهزوا وكنرجعوا بنفس الخطا الله يهدينا وصافي والله اذا متكيسنشي على راسنا غدي نخصروا راسنا وجميع ديال الدار خليها واخة تعرف راسك تعطي لمرا 100 درهم وتجي كل صباح تعسلك لقشوع وتصابن وتجمع دار ايه على صحتك لانو اذا مشيتي خصرتي صحتك اش هيبقالك الرجل والله ميشوف فيك المهم اما احسن دار مجموعة ولا صحتك مرمية في الركنة واخة اهزك نفسك على دار عمل راسك عورة وتكور مع راسك ارتاح طيب ونعاس اه نسيت بغيت نسولكم الاخوات واش كتعرفوا شي وحدة ولدت بالقيصرية جوج دمرات وولدت بالثالت طبيعي عفاكم لما جوبني
اختي بودور انا صاحبتي ولدت الاول قيصرية و الثانية عادي لكم حتا فات 4 سنوات على القيصرية خاص الجرح ابرا مزيان
اللي نفسو حارة وولد قيصري مشكلتو مشكلة حتى اا بحالك اختي تنهز التقل وشي مرات تنحس بالفتحة كتحرقني ئوا الوحدانية واش دير ولكن التخمال وداكشي اللي تقيل تيعاوني مول الدار مني جيت نيت لقيت الدار حالتها حالة والغمولية والوسخ بشوية بشوية حتى قدينا الدنيا
غي حاولي على راسك والله يجيب الشفاء
غي حاولي على راسك والله يجيب الشفاء