ماكينة صغيرة ديال الصابون

الله يجازيكم بخير البنات الي عندها ظ…ط§ظƒظٹظ†ط© ط¯ظٹط§ظ„ ط§ظ„طµط§ط¨ظˆظ† صغيرة -ديال كيلو و نصف- تفيدني واش مزيانة و أشنو هي ميزاتها و أشنو هي عيوبها ؟؟؟
بغيت نشريها حيت بعد المرات كايكون عندي شي حاجة خفت تطلق أو كمية قليلة ط¯ظٹط§ظ„ ط§ظ„طµط§ط¨ظˆظ† ما فيا مايتسنا حتى تجمع خمسة كيلو. شكرا مسبقا على الاجابة.

---

lh;dkm wydvm ]dhg hgwhf,k

الا كان غير شوية ديال الصابون علاش على داك المكنة

انا غادي نفدك انشاء الله

ندرو لحويج في بانيو وندرلهم المسحوق الدي تستعملنه

وضعهم يترقدو ساعة

وبعد دلك

عري على كتافك وأرك لافرك وبراك من لفشوش

والله من النهار لي خرجو هدك المكنات علامون غير لاعكز ولين ديما مراض

شوفي امهاتنا الله يخلي ليهم صحتهم ماكانو عندهم مساكن لا مكنات ولا ولو وكانو صحاحت وسعيدات

وللاسف قرنهم معنا حن لااله الا الله
مشينا فيها
ولهدا الا ما قدتش عليهم ركبهم في التران وصسفطهم ليا نصبنهم ليك ونردهم ليك في برد المغرب ركمندي هههههههههه
وبلا ما تعدبي المركشية المعكزة

الله يجازيك بخير أختي عيرتني بالفن ههههه إوا راه أمهاتنا والله إلى خرجو على ريوسهم بلا وقت من نهارهم و هما مساكن في تمارة و مازال فيها هههه شوفي أختي راه داك ألبانيو طلع ليا في راسي راه داك الشي لي كاندير و نزيدك كاع ما كاندير شي ترقاد الفريك ديريكت.
إوا أنا قلت علاش ما نساراحش راسي و مساكن مالين ديك الشركة حتى هما يربحو معنا الساعة ندمتيني هههههه. زعما أنت دروك ما عندك الماكينة ؟؟؟ ما نتيقكش ههههه
حاشى واش نقدر نعطيك شي صابون أختي حشومة يتقطعو اليدين إلي يديروها.
و زيادة راه قلت ليك أنا شلحة إلى كاع درت بريك راه ثمن جوج تسافيرات باش غادية نشري ديك الماكينة اللي درت ليك بها الفقسة هههههه.
ضحكتيني بدوك التصيورات اللي درتي ههههههه

عن تجربة الله يخليها ليا خديناها ب 500 درهم شي 4 شهور دابا تتصبن مزيان إقتصادية تتوفر الماء و ممكن تصبني بأي مسحوق غير وكان متتبغيش تقليها بزاف يعني الحوايج التقال لا لا و فاش تسالي منها شلليها مزيان و مسحيها يعني حافضي عليها و فاش تتكون تتصبن البيض تنزيد جافيل تيخرجو الحوايج تنشعلو و الله يا ختي حتى رحمة توكلي على الله
و هاهي الحادكة جالسه قبطا بلاصتها تتسنا التصبيين
[IMG][/IMG]

بغيت نشد فيك ساعة واقل تقلقتي المركشية
انا بعد مسمي المكينة ديالي ختي لمولدتهاش امي
وبصحتك المكينة

اختي غير توكلي على الله راه حتى انا كنفكر فيها ومازال ماسهل فيها الله مزيان كيف قلتي الحوايج قلال اولى الي كيطلقوا وحتى سريبتات الكوزينة والتقاشر بصحتك مسبقا والعقبالي

صباح الخير الزين أويلي ما تقلقت والو غير خودي راحتك قشابتي واااااسعة واخا أنا غليضة ههههههههه حتى أنا غير بيت نشد فيك. ما فهمتش أختي أش قصدتي بالجملة الثانية يمكن ما زال ما فقت مزيان ههههه باقي هارب ليا الريزو. نهارك مبروك و مرة أخرى والله ما تقلقت منك حاشا راني عارفة باللي كاتضحكي معايا قولي ليا شكون قالها ليك ههههههه ؟؟

لهلا يخطيك أختي الله يخلي ليك ماكينتك راه نيت تبارك الله باينة بعقلها هههه. أنا هادي لي قلت نشري الغطاء ديالها بالميكا أزرق transparent و صغيورة (ديال كيلو و نصف) بالنسبة لهادي ديالك أما الثمن كاتدير تقريبا 400 درهم. و كيف قلتي كاتديري فيها أي مسحوق واحد الأخت قالت ليا كاتلوح فيها صابونة ديال الكف صحيحة ههههه قالت ليا كاتخرج الحوايج غزالين. صافي غادي نتوكل على الله و ناخذها إن شاء الله راه إقتصادية على ما كايبان.
شكرا أختي بزاف على الاجابة الله يجازيك بخير.

شكرا أختي على الاجابة عندك الحق صافي غادي نتوكل على الله و ناخذها و العقبى ليك في القريب العاجل. راه إلى فتنا حتى شريناها غادي ندموها مسكينة هههههه غادي نبردو فلوسها و نصبنو فيها بزاف ديال الحوايج كيف قلتي التقاشر السريبتات الفوطات حويجات دخلانيين خصوصا أنك ممكن تديري ليهم جافيل.

شكرا اختي على طرح الموضوع، حتى انا باغيا نشري واحدة، و دابا شعتوني، الله يحفظكم