ماعرفت مال الكيكة ديالي؟؟؟

عفعاكم ا انيقاتي عاونوني كل مرة كندير شي كيكة ماتكنفخش بزاف بحال كاع الكيكات وبعد المرات كنشوف شي كيكات هنا فالمنتدى وكيعجبوني وكنشوفهم منفخين ولكن مللي كندير التطبيق والو ماكيصدقوش عفاكم للي عندها شي سر او طريقة تعتقني بيه حيت ماغيبقى لي والو ونتعقد مع الكيك وشكرا

---

lhuvtj lhg hg;d;m ]dhgd???

أختي ياك ماكتفتحي الفران وهي كاطيب … خاصك ماتفتحيهش حتى تمر على الأقل عشرين دقيقة لأنها كاطيح وما تطلعش .

سلام آله يشفيك معني باش نفيدك نتمنا الانيقات يدخلو يفيدوكسلام كيكة منين تكون طيب متفكوش عليها الفران منين تكون لفوق حتا تحسي بيها تنفخات ومطيبيهاش مع الخبز مع داك الفكان وسدان مكطلعش واختقوي الخمارات
جربي مرة ثانية وورينا

راه فعلا داكشي للي قالو ليك عليه الاخوات لبخصوص الفران صحيح وانا غادي نزيدك ملاحظة اخرى ملي تبغي ديري دقيق غربليه هو والخمارات مزيان انا كاندير ديما هاد الطريقة جربيها على ضمانتي

طربي البيض مع السكر مزيان حتى يضاعف الحجم من بعد ضفي السوائل الطحين الخميرة هي الاخيرة نصيحة اخرى الطاوة متكونش كبيرة بزاف على الكمية لي عندك

واش الكيكة أنا تعقدت منها شحال هادي ههههه

أختي مثل ما قالو البنات لا تفتحي الفرن إلا بعد عشرين دقيقة على الأقل و خصك دغيا تسدو و ملاحضة أخرى انتبهي لحرارة الفرن ماتفوتشي 180 درجة و من تبدا تخدم كيك شعلي الفرن متشعليهشي من قبل باش ميسخونشي بزاف و كدلك الخميرة إدا كان قياس زايد و لا ناقص كيخسر كيك

السلام اخواتي كنشكركم كاملين على النصائح ولكن راه مللي تندخلها الفران ماكنحل عليها حتى دوز 30 دقيقة ومللي كندخلها الفران كيكون غير سخون شوية وكنقص العافية بزاف ومع ذلك والو ولله اماعارفة اشنو غندير

تبعي النصائح ديال الاخوات انا السر ديالي هو تنطرب البيض + السكر بالطراب الكهربائي حتى يتضاعف الحجم و في الاخير تنضيف ملعقة كبيرة ديال الخل

هادي ماعرفت ليها غنطبقها انشاء الله وياربي تجيب نتيجة