السلام عليكم ورحمة الله تعالى
خواتاتي الله يجازيكم بخير بغيت ندير الماسك ديال ط§ظ„ط£ظپظˆظƒط§ والمايونيز ظ„ظ„ط´ط¹ط± ديال بنتي عمرها 6 سنوات شعرها واقف ومشعكك بزاف وطويل وغلبني في المشيط من تنكون تنمشطلها حتى الجيران اللي في راس الدرب تيسمعونا حتى كرهت اللحظة اللي تنبغي نمشطلها شعرها وحتى هي مسكينة تتبقى ترغبني تتقولي ما تمشطليش شعري وكنت شفت هذ الماسك هنا في المنتدى والأخت اللي حطاتو كانت قالت بأن النتيجة ممتازة ومنين عاودت قلبت عليه ما لقيتوش ، الله يجازيكم بخير اللي تتعرفو تحطولي ولا تقولي أي حل
جزاكن الله كل خير
lhs; hgHt,;h ggauv
كتآخذي أفوكا ومن الاحسن تكون طايبة ماشي قاصحة باش تجيك ساهلة في الطحين
2 معالق كبار مايونيز
2 معالق كبار زيت الزيتون
ملعقة كبيرة عسل
كتشدي هادشي كامل وكطحنيه حتى يولي كريم
هاد الماسك تعمليه على شعر نقي يعني تكوني دوشتي ليها البارح والنهار الآخر ديريه ليها في الصباح وعملي فوقو البوني ديال الشعر او بلاستيك وخليه من 30 دقيقة حتى لساعه وغسليه ليها
ومن الاحسن قطعي ليها شعرها شوي ماتخليهش ليها طويل لانه غادي يعذبك انت وياها وهاكا باش يسهال عليك تحكمي فيه مزيان
شكرا لك أختي قانتة الله على ردك الدي شرفني غادي نديرلها الماسك ديالك حتى هو إن شاء الله
المشاركة الأصلية كتبت بواسطة may06 
انا كنستعمل لي لقيت قدامي سواء ديال الدار او الآخر ولكن بلي هادي بنيته صغيرة خليك في الطبيعي باش تبقاي هانية
صاوبي مايونيز طبيعي في الدار بالبيض وزيت الزيتون او الزيت الرومية وخلطيه مع باقي المقادير
وستعملي ليها حتى شي شامبوا وديملور وماسك للشعر الجاف من نفس الماركة