لي مصاب باضطرابات الهلع يفيدني

السلام عليكم انا مصابة بمرض اضطراب ط§ظ„ظ‡ظ„ط¹ وكاتجيني النوبة مرة ف 15 يوم. كنتعالج عند طبيب نفساني وكناخد الدوا. كيفاش كتعاملو مع هاد الحالة؟ فيدوني الله يجازيكم بالخير

---

gd lwhf fhq’vhfhj hgigu dtd]kd

شنو الاعراض اللي تيجيوك وسميت الدواء اللي تتشربي

الله يشافيك اختي شفاء لا يغادر سقما
معنديش فكرة اختي فقط بغيت نقوليك داومي حتى على قراءة القران و قبل متنعسي رقي نفسك

شكرا على الرد الاعراض بداتلي فالوحم ديال بنتي هادي عام. كنحس بالضو كيضربني جيهت القلب بحال الخلعة. من بعد كنبدا نتخنق والنفس كتضياق عليا وكرشي كتنقبض. من بعد كيبقاو رجلي ويدي يترعدو وكتطلع معايا الصهدة. هادو الاعراض الجسدية. اما الاعراض النفسية كنبقا نخمم بزاف فعائلتي كنخاف نمرض ونخليهم او يمرضو لدرجة اني كنخاف من الموت. ولله الحمد والشكر نتمنى من الله يخفف ما نزل على كل مريض.

شكرا على الرد . شكون لي مصبرني من غير قراءة القران والاستغفار. انا املي فالله كبير وبجهد الله غادي نتشافا. واحد الاية كتخفف علياادعوا لي استجب لكم. ونعم بالله. الله يشافي كل مريض.

السلام عليكم اختي حتى انا تنعاي من نفس المرض وتناخد الدواء لكن الدواء بوحدو ماكافيش خصكي تفهمي المرض ديالك باش تقدري تسيطري على الحالة منين تجيك وتعرفي بلي دوك الافكار ما هي الا توهمات بسبب افراز الادرينالين في الجسم حاولي تشغلي وقتك القران الرياضة الاستغفار وفاس تحسي بالحالة بغات تشدك تجاهليها وقولي هادوو غير توهمات هادشي اللي تندير والحمد لله على الابتلاء الله يشافيك دخلي وقراي على المرض ديالك وشوفي شهادات ديال الناس اللي تيعانيو

فيدونا يا اخوات الله يجازيكوم راه حياتي تقلبات راسا على عقب وما عرفت مندير ما بقيت نحس لا بولادي ولا بداري ولا نتمتع بنعم الحياة اللي عطاني الله اللهم لك الحمد اللهم لك الحمد اللهم لك الحمد ياربي انت الشافي اشفنا بشفائك اللذ لايغادر سقما ياريت لو تدخل شي اخت مرات من التجربة وتشافات تفيدنا

اختي راه مريت بنفس التجربة وكثر هادي عام ودبا الحمد لله بديت نقطع الدوا كنت خير نقرب من الحمام قلبي كبدا يضرب كلشي كتعود دبا كنمشلو وانا عادي

جزاك الله بالف خير اختي ام اية وهيثم عفاك الى مزيدي وضحيلي شنو الاعراض اللي كنتي كتعاني منها وشنو الخطوات اللي تبعتي واش كان الشفاء 100/100 انا هد الحالة كنعيشها هدي اكثر من عام ونصف كنحس بتنمل فيدي ورجلي وتسارع ضربات قلبي وكنبقا نقول واقيلا غنموت وكنبقا نشهد وكيجيني خوف كبير والحاجة اللي هالكاني هي كنحس براس كنتخنق بحال الى شي واحد خانقني وصدري بحال الي شي ثقل فوق منو كيضيق عليا التنفس بصعوبة باش كنتنفس وكنحس بحال الى شى كرة فحلقي حابسا النفس خلاص درت تحاليل ومشيت عند طبيب القلب الحنجرة الغدد كلشي عندي مزيان وكلشي كالي مشكل نفسي ياريت اختي تنورني بتفاصيل تجربتك الله يجازيك بخير والله يشافي الجميع ياريت متعطليش عليا بالرد

اختي الاعراض الجسدية تسارع دقات القلب وطانسيو ديما طالع مشيت 3الاطباء ديال القلب كنت كنمشي المستعجلات بالليل السخفة والدوخة
التنمال ديال الرجلين اليدين برودة الاطراف ضيق التنفس اللصدر بحال شي حاجة تقيلة على صدر ديالي وكتخنق بزاف دوزت عند الطبيبة ديال الحساسية 4شهور والوووو
مشيت لعند الطبيب الكواط درت جميع التحاليل
الرجلين ديالي مهرسين منقدرش نوقف عليهم يديا دما تقال منقدرش نهز حتى مشطة
الفم المعدة ديما كتقلص ليا بحال تقول الدود فكرشي التقيا رعشة الاطراف كنكون غادية فزنقة كنقول غادي نطيح
الاعراض النفسية كان عندي خوف شديد نخرج بحدي ولا نمشي اللحمام تنقول الا مشيت اللحمام غنتخنق ونموت الزنقة الا خرجت تنقول هنا نطيح هنا نطيح وكانت عندي دوخة شدردة وتصفار الوذنين مشيت عند طبيب الودنين وغسلتها والوووووووووووووو هملت ولادي مساكن مكانتش عندي الرغبة حتا ديال حاجة زكدالك الرغبة الجنسية كنت كنقول صافي انا مبقيت صالحة الوالوووووو والدي الصغير اللي تزاد مهزتو حتى ولات عندو 8شهور كنت منحما نهضر مع حد كون جبرت منخرج من واحد البيت ودبا الحمد لله من بعد ممشيت لعند طبيب الاعصاب ماشي نفساني شربت الدوا ودبا رجعت احسن بكثير منالحالة الصابق مشو الاعراض الجسدرة 100 في 100 رجعت اللنشاط ديالي
كنتمنى اختي نكون فدتك وراني حاسة بك
لدى كنصحك بلا متشاوري مع حد ولا تفكري سيري زوري طبيب الاعصاب او نفسي بحال بحال كنتمنا لك الشفاء العاجل متنسايش تجوبني