لمكتستغناش على المجمد تدخل تفيدنا الله يستر عليها

السلام عليكم
الله يخليكم لكيفيدها ط§ظ„ظ…ط¬ظ…ط¯ وخليها تربح الوقت خاصة فرمضان طھظپظٹط¯ظ†ط§ شنو كتحط فيه كنقصد الاكل لكيكون طايب اي تخرجو دكوجليه ؤ تسخن وكون واجد
وشكرا ط§ظ„ظ„ظ‡ يسهل عليكم ما صعاب

---

gl;jsjykha ugn hgl[l] j]og jtd]kh hggi dsjv ugdih

أختي المجمد تقدري تحطي فيه شحال من حاجة تقدري تربحي بها الوقت أنا مثلا كاندير فيه ماطشة كنطحنها بقشورها ونديرهافبواطات وكداومثال بالنسبة الفريز والخوخ والشهدية كانطيبهم فكوكوط مع سكر ونطحنهم ونديروهم فالمجمد كل نوع بوحديتو والحمص واللوز كانسلقو ونقشرو والبيروات قنينطات بسطيلات كلهم نعمرهم ونكونجليهم بالنسة اللحوم حتى هي نفس لشيء لكن الأسماك نفضل ناكلها طرية

السلام عليك
شكرا لك
شنو كديري الله يخليك بالفواكه لكطيبي واش ميمكنش نحتافض بيها طرية.

اختي كندير فيه كلشي كيكة حليوات بانواعها مملحات بانواعها ماطيشة و الحمص و تشحيرة متاع الحريرة بعد المرات تنوجدها ونكونجليها غير كنجي ونطلع التشحيرة كيكون فيها البصلة مقطعة و الكرفس و القزبور الخ كنررميها فكوكوط فوقها الحمص لي حتى هو مقاد ومكونجلي لحريرة كيخصها غير دقيق لي نوجد فقط وهاكداك بالنسبة لفطور كلو غير تسخين الملاوي محينشات كيكة بلا تسخين مملاحات عاد كنوجد كدالك اللحم مشرمل دجاج الكفتة وخا ماشي صحية تبقا الخخ المهم تيكون كلشي مشرمل وكل حصة بوحدها والى جاو ضياف نزيد الحصص وها لعشا واجد وبالنسبة لسلطات انا هنا كناخدهم مقطعين الخضاري مجمدين كنجيبهم ونحطهم فالمجمد حتى كنبغيهم ونسلقهم ولا نطيبهم والمعقودة تنديرها كتيرة فالفرماج ونقرصها ونجمدها هي و الكبة و الحمس بطحينة كيعجب زوجي كنطيب الحمص ونديرو فالفريزر باش غير نبغيه نطحنو و ها الحمص بالطحينة واجد الى كتعرفيه حتى هو مفيد المهم كندير كلشي باش يسهال الوقت حتى الجينوازات كندير بزاف ونقطعهم على حساب المول وندخلهم يتجمدو وندير وحدة فوق وحدة وقت لي بغيتهم غير كنطلعهم يتفكو و نعمرهم بلي بغيت ديسير كدالك كنجمدو ومنها حجة وزيارة نهار كنبغيه كندير بيه عصير ولا كولي بارد ومكنطيبش الديسير كنجمدو هاكاك او لا تنشريه مجمد فحال لفريز هنا موجود مجمد بزاف هو والمانجا خبز الدار كنجمدو الى عجنتو وشفتو غيبقى لاني متنكلش الخبز تنجمدو البيتزات كنقادهم ونجمدهم والى طيبتهم تنجمدهم طايبين ولا تنجمد العجينة متاع بيتزا و متاع دونات ومتاع الباف باستري مهمين هادو كيفكوك وقت الشدة غير علمي الميكات انا كانو تغالطو ليا ودرت كيش بعجينة الدونات لكن جا رااااااائع ههههه الى تفكرت شي حاجة نعاود نقولها بتوفيق

بنسبة لي كنكوجلي مطيشة نطحنها و نصفيها و نديرها في ميكات و نحط في الكونجلاتوربالنسبة لفريز و الباباي و الخوخ و غيرهم كنقطعهم طراف صغار و نحطهم في صينية حتى يتكونجلاو عاد نجمعهم في بلاستيك و نحطهم في الكونجلاتور/ كنشحر البصلة و القرعة الخضرا و الخيزو و نديرهم في بلاستيك و نحطهم و ملي نبغي نعمر بطبوط كنلق الكل واجد البطبوط و التعميرة غير جبدي و عمري / انا شخصيا مازال ما جربت العجينة ديال البيتزا و غيرها نحطهم ولكن نجرب و نقول ليك كدالك الحلوى كتبقى غزالة و سلو حتى هو ملي كيبقى من رمضان كنحطو في الكونجلاتور و نزيدك ممكن توضعي حتى الفاكية لي هي التمر و الكركاع و غيرهم مكيخسروش و كبقاو مزيانين القزبر و المعدنوس و الكرافس اتغسلو و يتقطعوا و كود للكونجلاتور اش غنقول ليك كولشي كيتكونجلا تحاجة ما تسلك و تخسر لي خفتي عليها تخسر خشيها في الكونجلاتور

سلام عجبني هاد لموضوع. برية نشر مجمد و ماعرفتش أش ندير فيه دابا كلشي باين allah يجازيكم بالخير
و بغيت إلى كان ممكن نعرف شحال ممكن تبقى كل حاجة في لموجيميد ولا lfrigo ديال تلاجة عادية أو واش نقدر نبدا نساوب دابا داكشي ديال رمضان أ نخبي حيت ماعنديش لوقت من بعد، غادي يكونو عندي ضياف أو بغيت لي قضيتها ليهم نخبي منها لرمضان باش نربح لوقت و شكرا

اختي تانا المجمد تنوضع فيه كلشي تقريبا
الحمص* تنرطبو وتنقشرو وتنجمعو فبلاستيكات والى المجمد
* الفريز* وقت الفريز تنشري متلا 2 صنادق تالفريز تنغسلو ونقيه وتنوضع قياس كل طحنة فبلاستيكة
*الخبز*بحكم اني خدامة تنعجن قياس 3ايام او 4 وتنجمدو فاش تنسخنو تيولي غزاااال
*الفواكه للعصير * تنجمد الخوخ و الافوكا و المانك…….
*الجلبانو والفول نقيهم ووضعيهم فبلاستيكة
* الكيك* دائما عندي كيكة واجدة فالدار وايلا جا شي حد علا غفلة تنلقا منحط
*حريشات ومخمرات والبيتزا والحلوات والمسمن و البغرير* كلشي تنوضعو فيه
*مطيشة تنصلقها ونطحنها ونجمعها فميكات
*عصير الليمون*فاش تيكون الليمون تالعصير موجود تنعصرو ونحتفض به فالمجمد
*البريوات تنعمرهم سواء مالحين او حلوين وتنجمدهم فاش تنبغيهم تنخرج قياسي و نقلي
*البسيطلات صغار كدلك
*القزبر المعدنوس الكرفس…..
* اوا تنتفكر شي حاجة اخرى ونجي نكتبها ههه