السلاااااااااام عليكم اخواتي المغتربات
شهر العبادة والإحسان
ننتظره بفارغ الصبر
أرواحنا تشتاق لنفحاته..وقلوبنا تتلهف لقدومه
أيام قليلة ونستقبل الضيف العزيز
وعلينا أن نستغل أوقاته في طلب رضا المنّان
قديكتب لنا عمر لنبلغ رمضان القادم و قد لا يكتب
قال رسول الله صلى الله عليه وسلم في إحدى خطبه لاستقبال
الشهر العظيم :
(أيها الناس، انه قد أقبل اليكم شهرالله بالبركة والرحمة والمغفرة، شهر هو عند الله أفضل الشهور
وأيامه افضل الايام ولياليه أفضل الليالي، وساعاته أفضل الساعات، دعيتم فيه الى ضيافة الله
وجعلتم فيه من أهل الكرامة، أنفاسكم فيه تسبيح، ونومكم فيه عبادة، وعملكم فيه مقبول،
ودعائكم فيه مستجاب، فأسألوا الله ربكم بنيات صادقة وقلوب طاهرةان يوفقكم لصيامه وتلاوة كتابه،
فإن الشقي من حرم غفران الله في هذا الشهرالعظيم …..)
ومن جواهر الشهر الفضيل:
الأولى: خلوف فم الصائم أطيب عند الله من ريح المسك .
الثانية: تستغفر الملائكة للصائمين حتى يفطروا .
الثالثة: تصفّد الشيــاطين في شهررمضان.
الرابعة : تفتّح أبواب الجنّة وتغلق أبواب النار .
الخامسة : فيـــه ليلـــةالقدر وهي خير من ألف شهر من حرم خيرها
حرم الخيركله.
اللهم بلغنا رمضان واعنا على صيامه وقيامه اخواتي المغتربات انا فكرت نفتح هاد التجمع لمغتربات السعودية وقلت علاش منتجمعو كلناااا من كل دول ط§ظ„ط¹ط§ظ„ظ… نتبادلو الخبرات والتجارب نفيدوا ونستفدوا نقدموا معلومات ونصائح ونتمنى متبخلوش علينا بتفاعلكم اخواتي والدعوة موجهة ايضا للانيقات اللي فالمغرب سواء كنتي بنت مزوجة مغربي او اجنبي وتنتظري الالتحاق بزوجك فكل واحد منا عندو افكار الا مافادت الجميع ممكن تفيد البعض وممكن ان اخت محتاجة لنصيحتك تلقاها وتدعيلك فهلموا جميعا
اولا انتي من اي دولة
كيفاش كتوجدو ط¯ظٹظ†ظٹط§ ظˆط¯ظ†ظٹظˆظٹط§
اشنو هي الشهيوات المشهورة بيه كل دولة؟
زوجك يحب الاكل المغربي ولا الاكل تاع بلاده؟
واش هذا اول رمضان ليك …هههه حيث انا اول مرة وجاني صعيب الله المستعان
والا ماكانتش هذي المرة الاولى قولي خبرتك وفيدينا نحن المبتدئات ..
شحال من رمضان دوزتي فالغربة واش احساسك اول مرة نفسه فالسنوات الاخرى اوانك تأقلمتي مع الوضع ورضيتي بالامر الواقع والبعد عن الاهل والام بالذات .
عندك وليدات الله يخليهم لك بحالاش كتنظمي وقتك معاهم معاش كتفيقي ومععاش كتقادي شغلك….واللي ماعندها الله يرزقها الذرية الصالحة…
خبرينا عن تجربتك فتنظيم الوقت فوقاش كتقراي الورد اليومي من القران الكريم يعني اي وقت تشوفيه مناسب بعد الفجر او بعد صلاة التراويح ..او او او …..
هل تقومين الليل يوميا هذا لا يعني تصلي ربعين ركعة (لايكلف الله نفسا الا وسعها)يعني جوج اربع ستة كل واحد وجهده
واش كتحسي بتكاسل عن القيام
الخمول اللي تحسي بيه الايام الاولى بحالاش كتخلصي منه
كتقضاي هههه اكيد ولكن بحالاش كتقضاي
شحال كتخسري فتقضية د رمضان تقريبا ومن وجهة نظرك واش رمضان هو شهر كتخسري فيه ميزانية كبيرة ولا بحاله بحال غيره او انك تحسي رغم الخسائر ربي سبحانه يبارك فالرزق
كتزوري صحباتك ويزوروك فكرتي الزيارة يكون موضوعها احيانا ديني ومجلس ذكر تحفه الملائكة
زوجك من محبي وجبة العشاء ولا يكتفي بالفطو والسحور
انتي من الناس اللي يحبو تجميد الاكل او كطيبي كل حاجة بنهارها
اتمنى مانكون طولت عليكم ثرثارة مع راسي ههههه ياريت نلقى تفاعل منكم حبيباتي وياريت لو تجاوبو على اكبر عدد ممكن من الاسئلة واولهم انتي من اي دولة خلونا نشوفو شكون اكثر دولة عامرة بالمغربيات ظ…ط؛طھط±ط¨ط§طھ السعودية متحشمونيش بانو وديرو هجوم هههههه
وعندي رجاء وطلب منكم ان التفاعل يستمر طيلة ايام الشهر الفضيل يعني وقت ماكنتي مساليه دخلي قولينا اش درتي شحال قريتي من القران اش وجدتي كم ركعة صليتي لعل اخبارك اختي يوقظ في نفس مغتربة اخرى شرارة الحماس وتكونين بذلك كسبتي اجر
واخيرا وليس اخرا اللي بان لها انه كاين شي سؤال ناقص او مهم وانا نسيتو تحطو ونجاوبو عليه
الله يجعل تجمعنا هذا خالصا لوجه الله والله يجازيكم بكل خير مقدما على افاداتكم نصائحكم تجاربكم اللي غتقدمو ان شاء الله
اللهم بلغنا رمضان واعنا على صيامه وقيامه سبحانك اللهم وبحمدك اشهد ان لا اله الا انت استغفرك واتوب اليك
g;g lyjvfhj hguhgl >>>;dt jj[i.dk gvlqhk ]dkdh ,]kd,dh g;l d],dh ;dt
موضوع مميز مشكورة على طرحه اتمنى ان يلقى تفاعل من العضوات و لو يكونوا غير مغتربات
اللهم بلغنا رمضان واعنا على صيامه وقيامه
المشاركة الأصلية كتبت بواسطة ihssane_01 
موضوع مميز مشكورة على طرحه اتمنى ان يلقى تفاعل من العضوات و لو يكونوا غير مغتربات
اللهم بلغنا رمضان واعنا على صيامه وقيامه
وعليكم السلام العفو حبيبتي وجزاك الله خيرا على التذكير وراني كتبت الفوق حتى اللي فالمغرب باش تكون الافادة عامة ومرحبا بلالا احسان انتي اول وحدة ادخلي قهيوة ولا اتاي ههههه
اهلا أم مراد فكرة زوينة لعلها تلقى اقبال من عند كل الاخوات المسلمات المغربيات المغتربات لأن كيف ما قلتي وحدة تحمس الاخرى وتكون الغبطة بين الاخوات ويارب يكون عملنا خالص لوجه الله الكريم بدون سمعة ولا رياء
أبدأ ببسم الله : مغتربة في السعودية اول عامين ليا دوزت رمضان في المغرب والحمد لله كان كيدوز زوين في العبادة في صلة الارحام وبالنسبة للاكل كان ماما الله يعطيها الصحة وأختي هما اللي كيقومو بالواجب انا غير ضايفة ههههههههه ولكن العام اللي فات دوزتو هنا في السعودية وكنت كنرضع جاني صعيب بزاف ماكنتش نقدر ندير شي حاجة بالنهار غير بزز الصهد والسخفة وكنت كنوجد تقريبا بالليل وفي النهار ندير غير كيكة او مسمن او بطبوط صافي وكيف كنت قلت ليك راجلي كيبغي الشربة والعصير التمر اهم شي وعاد انا كنزيد شي حاجة من عندي بحال اللي سبق ذكر او بريوات وفي العشاء عاد كنطيب العشاء وفي السحور زبادي ولا العصير ولا التمر صافي والحمد لله داز بالنسبة للعبادة حتى هي ما كنتش نقدر بالنهار نقرى القرآن بزاف شوية صافي حتى الليل عاد كنت نصلي التراويح ونجلس نقرى القرآن شوية الحمد لله اما بالنسبة للزيارات هنا ماكانت زيارات كثيرة الكل كان مسافر تقريبا يعني في المغرب افضل بكثير من هنا والحمد لله على كل حال، والله يجعل هاذ السنة افضل من السنة اللي فاتت يارب في كل ما يرضي الله علينا ويدخلو علينا بالصحة والسلامة واصلاح الاحوال والله يعطي كل مسلم ومسلمة ما يتمناو في خاطرهم يارب.
المشاركة الأصلية كتبت بواسطة islamiyate اهلا أم مراد فكرة زوينة لعلها تلقى اقبال من عند كل الاخوات المسلمات المغربيات المغتربات لأن كيف ما قلتي وحدة تحمس الاخرى وتكون الغبطة بين الاخوات ويارب يكون عملنا خالص لوجه الله الكريم بدون سمعة ولا رياء
أبدأ ببسم الله : مغتربة في السعودية اول عامين ليا دوزت رمضان في المغرب والحمد لله كان كيدوز زوين في العبادة في صلة الارحام وبالنسبة للاكل كان ماما الله يعطيها الصحة وأختي هما اللي كيقومو بالواجب انا غير ضايفة ههههههههه ولكن العام اللي فات دوزتو هنا في السعودية وكنت كنرضع جاني صعيب بزاف ماكنتش نقدر ندير شي حاجة بالنهار غير بزز الصهد والسخفة وكنت كنوجد تقريبا بالليل وفي النهار ندير غير كيكة او مسمن او بطبوط صافي وكيف كنت قلت ليك راجلي كيبغي الشربة والعصير التمر اهم شي وعاد انا كنزيد شي حاجة من عندي بحال اللي سبق ذكر او بريوات وفي العشاء عاد كنطيب العشاء وفي السحور زبادي ولا العصير ولا التمر صافي والحمد لله داز بالنسبة للعبادة حتى هي ما كنتش نقدر بالنهار نقرى القرآن بزاف شوية صافي حتى الليل عاد كنت نصلي التراويح ونجلس نقرى القرآن شوية الحمد لله اما بالنسبة للزيارات هنا ماكانت زيارات كثيرة الكل كان مسافر تقريبا يعني في المغرب افضل بكثير من هنا والحمد لله على كل حال، والله يجعل هاذ السنة افضل من السنة اللي فاتت يارب في كل ما يرضي الله علينا ويدخلو علينا بالصحة والسلامة واصلاح الاحوال والله يعطي كل مسلم ومسلمة ما يتمناو في خاطرهم يارب.
اهلا وسهلا بالغالية اسلاميات جزاك الله خير عل المشاركة وفعلا صعب الوحدة ترضع وتصوم والصهد الله المستعان ..وكيف ماقلتي رمضان فالمغرب احسن وسط اللمة والاهل والاحبااب اهنا كلها ساد عليه بابو الله يرزقني ويرزق كل وحدة فيكم الصحبة الطيبة اميييين