لكل خياطة او للي عندها ماكينة الخياطة

البنات الله يخليكم انا عضوة جديدة هنا وملي قريت وتابعت هاد الركن حمقاتني الاشغال والمشاركات ديال الاخوات وقررت نشري ما كينة ديال الضو دلخياطة ونبدا نطبق ونظرا لاني ما عندي حتى فكرة عليهم لقيت واحد السيد عندو وحدة قالي 500 درهم وفيها 16 بروكرام وجاني التمن مغري صراحة ولكن معرفتش علاياش نسولو وشنو نقلب فيها صراحة انا سطلة فهاد المجال وخفت غير نرمي لفلوس وانا راه شفت وحدين فالنت فيهم بروكرام ديال اشكال من الطريزاات عاااااااااافاكم الله يتبت اجركم ويخلي ليكم الي عزيز عليكم الى ما نوروني وفيدوني

---

g;g odh’m h, ggd uk]ih lh;dkm hgodh’m lg[ g;l

حشومة عليكم زعما راه رغبتكم اللله ينول كل وحدة الي فبالها

بسم الله الرحمن الرحيم
السلام عليكم ورحمة الله تعالى وبركاته
اختي اناقة طفلة مرحبا بيك معانا في المنتدى ان شاء الله دابا يفيدك الاخوات لي على دراية
انا بحالك مين شوفت الاخوات كيخيطوا اشياء جميلة جدا بغيت حتى انا نشري ماكينة دالخياطة وحتىانا ماكنعرف فيهم والو وحيت شوفت مقالك بغيت حتى انا نستفد معاك و نتمنى تجوبنا شي اخت من الاخوات الله يجازيهم بالخير

ربي يخليك يا اختي ويسعدك دنيا واخرة يااااااااربي يفيدنا شي حد قبل ما السيد يبيع الماكينة

والله اختي معرفت منقول ليك تقدري تشوفي شي خياط ولا خياطة اشوفوها معاك اكون احسن ليك الله اكمل ليك بالخير اختي

اول حاجة اختي في المكينة تكون ديال لحديد امتكونش الكروة لي لداخل ديال لبلاستيك

ربي يخليك يا اختي

شوفي اختي انا خياطة وعندي مكينة لي نقولك هو انك تقلبيها يكون كلشي حديد من داخل الى الخارج يكون فيها الى كان فيها زوج صبابط او كثر صباط هو لي كتحطي فوقو ثوب حيث كاين ديال سنسلة ديال خياطة عادية انا عندي هاد لخراني ما شي موشكيل في الكروى بلاستيك انا عندي نفس الكروى لي شريتها بها دابا شي 6 سنين تكون كتخيط او كدير زكزاك ضروري اتحتاجيه للحاشية ديال ثوب والى كنفيها مثلا كدير شي طريزات راها مزيانا نصحك كذلك الى كنت تعرفي شي خياطة ديها معاك تشوفها تعطيك رايها او صلي صلاة الاستخارة باش متندميش من بعد الى شريتها والله يوفقك اوتكون مكينة مزيانة سمية ديال مكينة لمشهورة بالجودة سانجير

سلام عليك يا اختي انا خياطة وعندي مكينة مهم ملي تبغي تشري مكينة قلبيها مزيان من الداخل تكون حديدها باين ممصبوغش وتجربيها قدام اللي بغا يبيعها ليك المكينة اللي كلتي ب500در او فيها شحال من بروكرام جتني عجب مهم جربيها عاد شريها والله المعين

السلام عليكم ورحمة الله وبركاته
أختي العزيزة كما سبقت الأخوات قلبيها من الداخل
رفعي الآلة الى الفوق فوق شي طبلة ثم قلبيها من التحت
يكون الفار والنزق من الحديد هذان هما المهمان بالخصوص خليها شاعلة تقريبا 1/2 ساعة حتى لا تسخن
والله يسخر