السلام عليكم اخواتي عافاكم الى ممكن نتساعدو بحكم ان الانسان كايسافر لمدن ماكايعرفشهم فيو ط§ظ„ظ…ط؛ط±ط¨ و ممكن تكون اول مرة
ممكن نعملو تجمع كل وحدة في شي مدينة تكتب لينا اسم المدينة الاماكن المشهورة فيها ثمن الكراء و البلايص لكايكريو فيها الناس او اوطيل المناسب يعني نخدمو guide لبعضياتنا و ايضا باش مانتشمتوش الى مشينا ههههههه و نربحو وقت باش قبل ما نسافرو نعرفو راسنا فين غاديين و كل وحدة دير planning و ايضا تحاول تحدد ميزانيتها ههههه و شكرا كانتمنى الفكرة تعجبكم
g;g hkdrhj hglyvf g;l
غانبدا انا الاولى انا من مدينة مراكش
كيكاتعرفو مدنية مراكش مشهورة بالماثر و الاماكن السياحية و ملقبة بالمدينة الحمراء من الاماكن المشهورة فيها كي كاتعرفو ساحة جامع الفنا كانظن الكل كايعرفها هدا الساحة فيها فرق موسيقية للفرجة كاتفرجي فابور ههه باش ماسخاك الله و ايضا كاينين مالين العصير دالليمون كايعمل 4 دراهم الكاس و كانصحكم من الاحسن تقولو ليهم بغيناه سخون حنتاش كايكون sec الى بغيتي بارد كايكون مخلط شوية و عاد ثلح ههه نجيو لسي بربوش كايعمل 10 دراهم زلافة و الحوت على حساب plat من 30 درهم و انتي طالعة و الحريرة 5 درهم و شباكية 5 دراهم و التمر حتى هو طبسيل ب 5 دراهم نجيو لصوصيص كايعمل صوندويتش ب 14 درهم و انت ولي عجبك ياتجلسي تاكليه عندو ياتاخديه عاد صحال brochette راس الخروف مدفون في الرماد على حساب الكيمية لي باغية و راه menu كايكون معلق كبير
حدائق ماجوريل الى سمعتو بها هي حديقة رائعة كايدخلو ليها بالفلوس 30 درهم و يوم الجمعة بحالها بحال الماثر كايكون الدخول gratuit حدها 6العشية
بالنسبة للماثر كاين دار سي سعيد في رياض الزيتون و ايضا قصر الباهية في الباهية قرب رياض الزيتون و قصر البديع في بريمة و قبور السعديين اهم حاجة ان هذا الماثر قراب شوية لبعضهم يعني ممكن تشوفيهم عشية وحدة خاصة يوم الجمعة لي كايكونو بلا خلاص
المنارة كلش كايعرفها حديقة كبيرة فيها شاريج كاتكون عامرة بزاف في الوكاند كايكونو الناس مجموعين و كايكون الشباب كايعزفو و الداراي كايلعبو فعلا منظر رائع لي بغا يبدل الجو و حتى هي عندها وقت محدد 7 العشية
عاد خلينا من المناطق الجبلية لي كاتحيط بالمدينة كا اوريكة لي هي اجزاء ماحدك طالع في طريقها ماحدك كاتمتع بالطبيعة و الشلالات و احسن بلاصة فيها هي الفوق سميتها ستي فاضمة رائعة فيها القهاوي ثمن مناسب طويجنات لحم و دجاج على حساب الموسم فاش مشيتي في صيف مع الغلا كايوصل الطجين 90 درهم ممكن ياكلو فيه 4 دالناس ايضا كاين لحم كفتة ممكن تشريها من عند الجزار و كايطيبوها ليك في القهوى و كادوري معاهم لكن بطبيعة الحال تاخدي من عندهم شي حاجة هههه واخا غا كويس د اتاي المنطقة فيها الكركاع بزاف و فيها الناس كايبعو العسل الحر بانواعه و بالنسبة لي بغا يكري فيها راه كاينين اوطيلات على شكل ديور ابتداء من 50 درهم ليلة
ايضا منطقة اخرى اسمها ايمليل حتى هي باردة بزاف و روعة منطقة جبلية 100/100 و تقريبا نفس الاثمنة لا بالنسبة للاكل و لا الكراء
و مسجد الكتبية كلشي كايعرفو كاين و سط المدينة و حداه حديقة
ايضا اوكايمدن منطقة الناش كايمشو ليها خاصة في فصل الشتاء لانها كاتكون مثلجة بزاف لي كايبغي سكي التزحلق على الجليد كايمشي يتزلق و كايجيو ليها الناس من المغرب كامل و ايضا السياح منطقة كاتعمر في البرد و حتى هي فيها القهاوي ابتداء من 70 درهم و ماتاريال دالسكي راه كاتكريهم كل و حدة و الثمن ديالها
كاينة العوينة حتى هي بحال اوريكة نفس الاثمنة تقريا و ايضا مولاي ابراهيم جاع هدا المناطق جبلية و فيها الاثمنة متشابهة لا الكراء لا الطعام
كيكاتعرفو مدنية مراكش مشهورة بالماثر و الاماكن السياحية و ملقبة بالمدينة الحمراء من الاماكن المشهورة فيها كي كاتعرفو ساحة جامع الفنا كانظن الكل كايعرفها هدا الساحة فيها فرق موسيقية للفرجة كاتفرجي فابور ههه باش ماسخاك الله و ايضا كاينين مالين العصير دالليمون كايعمل 4 دراهم الكاس و كانصحكم من الاحسن تقولو ليهم بغيناه سخون حنتاش كايكون sec الى بغيتي بارد كايكون مخلط شوية و عاد ثلح ههه نجيو لسي بربوش كايعمل 10 دراهم زلافة و الحوت على حساب plat من 30 درهم و انتي طالعة و الحريرة 5 درهم و شباكية 5 دراهم و التمر حتى هو طبسيل ب 5 دراهم نجيو لصوصيص كايعمل صوندويتش ب 14 درهم و انت ولي عجبك ياتجلسي تاكليه عندو ياتاخديه عاد صحال brochette راس الخروف مدفون في الرماد على حساب الكيمية لي باغية و راه menu كايكون معلق كبير
حدائق ماجوريل الى سمعتو بها هي حديقة رائعة كايدخلو ليها بالفلوس 30 درهم و يوم الجمعة بحالها بحال الماثر كايكون الدخول gratuit حدها 6العشية
بالنسبة للماثر كاين دار سي سعيد في رياض الزيتون و ايضا قصر الباهية في الباهية قرب رياض الزيتون و قصر البديع في بريمة و قبور السعديين اهم حاجة ان هذا الماثر قراب شوية لبعضهم يعني ممكن تشوفيهم عشية وحدة خاصة يوم الجمعة لي كايكونو بلا خلاص
المنارة كلش كايعرفها حديقة كبيرة فيها شاريج كاتكون عامرة بزاف في الوكاند كايكونو الناس مجموعين و كايكون الشباب كايعزفو و الداراي كايلعبو فعلا منظر رائع لي بغا يبدل الجو و حتى هي عندها وقت محدد 7 العشية
عاد خلينا من المناطق الجبلية لي كاتحيط بالمدينة كا اوريكة لي هي اجزاء ماحدك طالع في طريقها ماحدك كاتمتع بالطبيعة و الشلالات و احسن بلاصة فيها هي الفوق سميتها ستي فاضمة رائعة فيها القهاوي ثمن مناسب طويجنات لحم و دجاج على حساب الموسم فاش مشيتي في صيف مع الغلا كايوصل الطجين 90 درهم ممكن ياكلو فيه 4 دالناس ايضا كاين لحم كفتة ممكن تشريها من عند الجزار و كايطيبوها ليك في القهوى و كادوري معاهم لكن بطبيعة الحال تاخدي من عندهم شي حاجة هههه واخا غا كويس د اتاي المنطقة فيها الكركاع بزاف و فيها الناس كايبعو العسل الحر بانواعه و بالنسبة لي بغا يكري فيها راه كاينين اوطيلات على شكل ديور ابتداء من 50 درهم ليلة
ايضا منطقة اخرى اسمها ايمليل حتى هي باردة بزاف و روعة منطقة جبلية 100/100 و تقريبا نفس الاثمنة لا بالنسبة للاكل و لا الكراء
و مسجد الكتبية كلشي كايعرفو كاين و سط المدينة و حداه حديقة
ايضا اوكايمدن منطقة الناش كايمشو ليها خاصة في فصل الشتاء لانها كاتكون مثلجة بزاف لي كايبغي سكي التزحلق على الجليد كايمشي يتزلق و كايجيو ليها الناس من المغرب كامل و ايضا السياح منطقة كاتعمر في البرد و حتى هي فيها القهاوي ابتداء من 70 درهم و ماتاريال دالسكي راه كاتكريهم كل و حدة و الثمن ديالها
كاينة العوينة حتى هي بحال اوريكة نفس الاثمنة تقريا و ايضا مولاي ابراهيم جاع هدا المناطق جبلية و فيها الاثمنة متشابهة لا الكراء لا الطعام
السلام عليكم أختي موضوع رائع و مهم و تستهلي عليه تقييم
و تبارك الله عليك على الفكرة و جعلها الله في ميزان حسناتك
و تبارك الله عليك على الفكرة و جعلها الله في ميزان حسناتك
فكرة رائعة و شكرا بزاف على الافادات بخصوص مدينة مراكش ما كرهت تعطينا حتى اسماء لوطيلات لي قالتي ابتداءا من 50 درهم عناوينهم و لا ديور للكرا و شكرا