السلام عليكم
كنتمنا من الاخوات ميبخلوش عليا وعلى لبحالي بالنصائح ديالهم
مغديش نطول عليكم العراض لكنحس بيها هي …
1) بومزوي دقات مجهدة فالسرة ديالي
2) شهية منعدمة وفاش كنشوف الماكلة كضرني كرشي
3) الحناش
4) النحافة الشديدة لدرجة ان لكيشوفني كيقولي بقاو فيك غي العضومة
5) الحبوب ووجه شاحب وصفرة
6) لبارح بديت كنشرب الماء دافي على الريق وكنتقيا بيه ولكن معرفتش واش غدي اعتيني مفعول او لا
7) معنديش الجهد واديا و رجلي كيترععدو ليا بزاف والسخفة
8) شعري كيتساقط بزاف
9) العصبية بسباب هاد العراض كاملة
10) قلة النوم والكوابيس
سمحو ليا بزاف ولعندها شي حل لاي مشكلة من هادشي لكنعاني منو تساعدني الله اجازيها بالخير ومعمري نساها فالدعاء ديالي
بيني وبينكم كتاشفت بلي الناس لقرابين ليا عاجباهم حالتي وكيتشفاو فيا 
g;hkj ;juhkd lk hgj,;hg ,hgkphtm ,f,l.,d , juhg[hj lkil j]og ,a;vh l;hkm
اختي الله يشافيك فكرتيني بايامي واش داز عليا الله يشافي الجميع
انا ماغنقولكش اني غلاضيت دابه انما نحمد الله ونشكره
اختي انا اخره حاجه درتها شريت الغاسول الحياك من عند العطار وطبختو بالماء وشربتو 3 ايام في الصباح على الريق ورديت
ومني درتها حمد لله غلاضيك وقدرت ناكل انا باغى نعود نديره دابه
واحد الراجل من العائله كان غدي يموت تشوفيه تقولي البرد يطيرو
دار راس تاع الماعز وطبخو فوق العواد مزيان بقى يطيب مع غاسول الحياك نيت شرب ماء تاعو واكل الراس
انا ماقدرتش عليه
ياربي اختي يشفيك ويشفينا كاملين
اختي عندي نصيحة ليك ديري تحاليل ديال الكبدة غير باش تحيدي الشك لا قدر الله
المشاركة الأصلية كتبت بواسطة الاميرة التائهة 
هو صابون بلدي
أما لبغى يتشفى خله منو ن الله ادى درتي ف بالك تقدر تزيدي تضعفي بهد سبب
غنعود نشربه انشاء الله بالشفاء لجميع المرضى