لراجلها عند نقص في الحيوانات المنوية وحملات تعاود لينا

سلام انيقات شكون لكان راجلها عند نقص في عدد الحيوان المنوي و تشفى و حملات واش كان كستعمل اعشاب اولا دوا طبيب جزاكم الله خيرا عافكم الا ما طمنو لي قلبي

---

gvh[gih uk] krw td hgpd,hkhj hglk,dm ,plghj juh,] gdkh juhkd

اختي سبقتيني والله العظيم بايته كنقول غدي نحل تجمع يحكيو لعند رجالهم مشكل وتعالجو وحملو،انا راجلي عاد ولى عندو هد المشكل وعام ونص دابا محملتش ،لكن واحد الاخت كانت معانا في التجمع راجلها عندو الحركة شوية ضعيفة وحملات الشهر ليفات الله يكمل عليها،وواحد السيدة وحدا اخرى حتى هيا في التجمع راجلها كان عندو نقص الحيوانات والحركة وداروا الحجامة والخلطة السحرية غداء ملكة النحل ………..’وحملات تبارك الله وولدات وليد الله يحفظوا ليها اوا العقبال عندنا يا ربي يا سامع الدعاء

شكرا ام دعاء انا هادي عام باش تزوجت عايشة في المانيا ياله اكتاشفنا بلي عندو نقص و بزاف تحاليل لولين كان عند 0.38و تانية يله مليون عطاه طبيب دواء سميتو اورتمول فرتيل بلس او كياخد كينات ديال طلع نخيل و رويال جلي وجنسنج و فليل واحد الخلطة معرفتش اش فيها هادشي كلو من عند واحد العشاب في البرنوصي و تا الحجامة دارها داك الاسبوع نتمنى يكون خير و الله اشفي ازواجنا يا رب

أختي الله يشافي زوجك وزوجي ويرزق كل منتظرة ، تا انا مغتربة عايشة في امريكا ،اختي هد الخلطات مزيانين،كاين واحد العشاب سميتو عبد العاطي مشاو عندو شي بنات وربي رزقهم،كديليه تحاليل ديال الزوج ديالك وتيعطيك العشوب،راه ناس بزاف كيشكروه عند الدكتورة في طب الاعشاب،وهد شي كلو غير اسباب،اما اهم حاجة هي الدعاء والصلاة والعبادة وربي كبير الحمد لله،اختي راجلك معندوش الدوالي،مناش هد الضعف ،واش الهرمونات مزيانين،اختي الا شفتي غدي تبقاي ضيعي الوقت ديري الحقن المجهري في المغرب ،تا انا كنقول باذن الله الا مجابش الله نديرها الا بغا الله،والله يسر لينا الامور

اختي راجلي عندو غير نقص بزاف او كان عندو التهابات في المني ولكن حمد الله تشفا اما بالنسبة لتلقيح نصبر نشوف مع هاد لعشوب حيت تهدا لعطاه دواء دكتور اعشاب تبارك الله واحد سيدة تبعات معاه هي وراجلها ولدات 4ههههههههههه مانكونو حنا انشاء الله .

السلام عليكم ورحمة الله وبركاته
أهلا وسهلا بك أختي وبالاخت ام دعاء رانا عندي نفس المشكيل زوجي عندو ضعف الحركة
ومزال كنتسنوا فرج الله هذي 5 سنوات ونصف أسال الله العظيم رب العرش العظيم أن يقر أعيننا جميعا
بنعم الذرية الصالحة مرضية لله ولرسول وللوالدين ياربي

ربي خليك اختي الله اشفي زوجك يا رب ازواجنا معاك .بغيت نسولك واش راجلك كستعمل دواء

والو أختي الطبيبة مؤخرا ملي شافت ماكين والو قالت لينا نديرو التلقيح الصناعي
وراجل مبغاشي قالي تعطيني دوا بعدا عاد تشوف ومن تما ما وليت عندها ؟ الله يسهل علينا ياربي

اختي علاش مايديرش اعشاب بزاف ناس دروهم جابو نتيجة الا كنت في كازا نعطيك تلفون ديال هاد طبيب اعشاب راه كطلب تحليل هو كقولك شحال مدة انا عطى راجلي 6شهور ديال دوا ياله بداه اسبوع هو و الحجامة

ربي يخاليك أختي كنشكرك بزاف على النصح ديالك انا أختي فالرباط وتندير ليه العسل مع الفواكه
الجافة ولكن مرة ياكلو مرة ينساه كنبقى تابعاه راني غير مكنعراف حد هنايا حيث برانية على المدينة
كنعطيها غير لبكى ههه الله يرحم ضعفنا وصافي الناس متترحامشي وزيد وزيد والحمد الله
عطيني أختي نشوف نمشي عندو والله يجزيك كل الخير ويسهل ربي عليك عما قريب