السلام عليكم ورحمة الله تعالى وبركاته
اخواتي الكريمات بغيت ننقل ليكم ط§ظ„طھط¬ط±ط¨ط© ديالي ديال واحد لاكلاص كنت سمعتو هادي شحال ف اللقاء المفتوح كانت دوزاتو الاخت فتيحة من مراكش الله يجازيها الف خير ونتمنى حتى نتوما تجربوه راه ساهل واقتصادي وكيخرج الخير و البركة
المقادير
1/2 لتر حليب بارد
علبة كريم شانتيي (بودرة فيها 100 غ)
حوك حليب مركز محلى الوزن الصافي ديالو تقريبا 395 غ
كاس ياغوت كريمي فاني او نوع اخر من الياغورت مثل بيرلي(فروماج فري)cremy ou fromage frais perly yaourt
النكهة الي بغيتي انااستعملت نكهة الفريز منها ملون ومنها نكهة
معلقة كبيرة ديال قهوة سريعة الذوبان تقريبا هاداك ساشي ديال درهم كافي
2 م ك شكلاط غبرة
المكسرات الي بغيتي يا اما بيستاش او كركاع او لوز مكلي بالملحة مهرمشين
الطريقة
ف اناء نضربو لحليب البارد مع الغبرة دالشانتيي حتى يطلعو مزيان ثم نزيدو نستلي الحليب المركز شيئا فشيئا وحنا كنضربو ثم نزيدو الياغورت ونضربو وغادي نحصلو على خليط كريمي وتبارك الله كيخرج وغادي نقسمو ف لي بواط الي كيتسدو انا قسمت الخليط الى 4 الى بغيتي غير على 3
الخليط الاول : دخلت معاه 2 م ك د الشكلاط غبرة وحركي مزيان حتى يتجاس الى بغيتي زيدي الشكلاط
الخليط 2 : خلط معاه نسكافي مخلطة مع شوي د الماء غير شوي غير باش تدوب
الخليط3 : خلط معاه نكهة الفريز
الخليط الرابع : خلط معاه الكركاع مهرمش ولم اضف الملون
وندخله الى المجمد لمدة 6 ساعات وكبقى لمدة طويلة في المجمد
gh ;ghw hgd [vfj dsjpr hgj[vfm hld
حتى انا كنت كنقلب على شي وصفة ديال لاكلاص ساهلة وتكون كتصدق مزيان
شكرا