15/09/2019
السلام عليكم ورحمة الله
جبت ليكم 2 كيكات كتجيو زوينين بزاف وحدة ديال البنيتات ووحدة ط§ط®ط±ظ‰ ممكن نقولو ديال وليدات ههههه
كنت عملتهم لاولاد اختي مين جاو من الخارج
بالنسبة لكيك الاميرة
ديري اي وحده تتصدق ليك وهذه لي كندير انا
6 بيضات
زلافة سنيدة
زلافة معمراش زيت
زلافة ماء طايب خليه يبرد شويه
باكية كاوبيل
4 خمارات
الطحين حسب الخليط انا كندير 2 زلايف ولكن كاين الطحين لي كيشرب كاين لي لا
تطربي ابيض البيض مع قبصة ملح حتى يرجع كيف الثلج وتحطيه فالثلاجة
تاخدي اصفر البيض وتضيفي عليه سنيدة مع التطراب
وتزيدي كاوبيل وخلطي مزيان عاد زيدي الزيت وخلطيه حتى ينسجم
من بعد ضيفي الطحين + الخميرة وخلطي
وخلي الما اخر شي باش ميتكورش ليك الطحين
ضيفي ابيض البيض بشوية وخلطيه بملعقة خشبية باش ميتكسرش ويكون في نفس الاتجاه
دهني لاطة مدورة بالزبدة ورشي كاوبيل او الطحين
من الاحسن تكون عالية على هذه شوية انا غير قضيت بلي كاين والخليط مدرتوش كله باش متفيضش
وراه كاينا لاطه خاصة بالاميرة كتكون مدورة وعالية وممتقوباش
تدخليها للفرن ساخن ويكون مهيل وتخليها تطيب 45 د
هاهي من بعدما طابت
من بعد كتقسميها فالوسط وتطليها بكريم شانتيي او اي كريم كيصدقليك
ثم حاولي تغطيها كاملة بكريم شانتيي من برة
خدي دمية وغلفيها بورق الالومنيوم
وهاهي الاميرة ديالنا واجدة
بالنسبة للفستان زينيه انتي وابداعك انا فضلت نعمل خطوط عشوائية و اخترت اللون الوردي والابيض
بالصحة والراحة
ممكن ترسمي الفستان من فوق لتحت باستخدام الكريم غير انا لقيت الالوان متناسقة وقلت نخليه
كيكة ميكي ماوس
بالنسبة للعجين عملت
3 بيضات
1 خمارة
6 معالق : زيت حليب طحين
3 معالق سنيدة
هذه المقادير كنت خديتهم من المنتدى وضوبلتهم لان اللاطه كبيرة بزاف
نفس الطريقة خدمت ابيض البيض وحده
وطربت اصفر البيض مع باقي المقادير
من بعد اضفت الابيض وخلطته بالملعقة الخشبية وفنفس الاتجاه
متحاوليش تكسريه كله خليه بحال هكا باش تجي خفيفة
دهنت اللاطة بالزبدة والطحين ودرت فيها الخليط
سمحولي شي خطوات ملقيتش التصاور ديالهم حيت هادشي درتو من قبل رمضان ومعرفت فين مشاولي
المهم عملت عجين السكر بالمارشملو وكنت خديتها من المنتدى
واخدت صورة ميكي من النت وخرجتها بالطابعة
حطيت الصورة في الجنب ديال الكيك ورشمتها بالسكين
الى جاتك صعبة رشمي الاطار الخارجي فقط وقطعي كل قطعه على حذه ووضعيها ورشميها
ذوبت الشكلاط الاسود ورسمت على الرشمة باستعمال جيب حلواني
من بعد اخدت كريم شنتيي وقسمته ولونته بالالوان ديال ميكي
الابيض
الاحمر
الاصفر
الاسود عملتو بالشكلاط
وكتبت في الجانب الاخر من الكيك بالشكلاط الاسود
وجاتبي فكرة نعمل sucette للاطفال
اخدت كاطو ديال ok او اي كاطو مدور
وذوبت الشكلاط وعملت دوائر صغيرة بزاف لي غادي تمثل اذني ميكي ههههه
مين يبسو لصقتهم بشكلاط دايب على الكاطو
ثم لصقت عويدات فالكاطو بالشكلاط
وغرستهم فالكيك
شاطولي 3 ملقيت فين نحطهم وخفتهم يدوبو رميتهم وسط الكيك هههه
المهم ماكان حد غريب غير مالين الدار
ولد اختي شققها و لحس منها مع الحطة هههههه
اتمنى ييكونو عجبوكم واكيد كاين حادكات لي ممكن تبدع فيهم وتعمل افضل
القاكن على خير
;d; la princesse , hovn mickey mouse
سمحولي نسيت ما كتبت بالنسبة لكيك ميكي ماوس مين خرجتها من الفرن وهي سخونة سقيتها بنصف لتر حليب بارد وخليها على جنب حتى تبرد عاد خرجيها من المول
فضلت نسقيها احسن من اني نعمرها بالكريم لانها مغطية بعجين السكر باش متجيش حلوة بزاف
بالصحة والراحة الله يبارك فيكن