كيك hello kitty بعجينة السكر

بسم الله الرحمن الرحيم

هد الكيك عملتها لبنتي سارة بمناسبة الدخول المدرسي الاول ديالها كتشجيع وخا شبعات بكا ههههه

للكيك عملت جوج كيك الاسفنجي واحدة بالفاني والاخرى بالشكلاط
بالنسبة للمقادير الكيك
3بيضات يكون فدرجة حرارة المطبخ
90غ دقيق مغربل مرات باش يدخل ليه الهوا مزيان وملي نكونو تنغربلوه نعليو يدنا شوية باش يدخل الهوا لدقيق هد العملية تتساعد عل ان خليط الكيك يجي مهويوالكيك تجي اسفنجية
90غ سكر
نكهة الفاني

وبالنسبة لكيك الشكلاط نفس المقاديرماعدا نقصة20غ دقيق وعوضت ب20غ كاكاو مر
والطريقة كالاتي
نطربو البيض مع ط§ظ„ط³ظƒط± مدة10د حتي يتضاعف حجم الخليط وولي بحال كريم
تم نضيفو الدقيق بشوية ونحركو بملعقة ديما من التحت للفوق باش نحافضو ما امكن عل الهو لي داخل الخليط ومايهبطش لينا

تم نديروه
فالمول ديالنا ونخليوها طيب والاكيد متحلوش الفرن كل شوية باش متفش وكدا الا كانت الكوزينة باردة متخرجوش الكيك ملي يطيب مباشرة خليو باب الفران محلول تاتبرد
ونفس العملية مع الكيك الثاني غير نغربلو الكاكاو مع الدقيق
وها الخليط تيكون مهوي وبحال كريم

تنخليوالكيك ديالنا يبردو مزيان
خديت رسم دhello kitty لي طبعتو ورسمتو فورق مقوى وقطع الكيك على الشكل ديالها

نقطعوهوم لثلات قطع ونسقيوهوم بسيرو انا عملت الما لي فعلبة الاناناس المعلب

بالنسبة للحشو الطبقة الاولى
كريم سائل مطرب
واناناس معلب

تم ندير الطبقة التانية انا خديت القطعة للكيك ب وخالفتهوم ونسقيوها

بالنسبة الحشوة تانيا
كناش الشكلاط مطرب
200م كريم سائل
200م شكلاط
طريقة نعملو الكريم يسخن ونطفيو عليه ثم نضيف الشكلاط ونخلطو حتى يذوب

وندخلوه للثلاجة يبرد مزيااااااااااااان عاد نطربوه وراه تياخد وقت و نحطو الطبقة الاخيرة وغلفوها كاملة بكناش الشكلاط المتبقي وندخلوها الثلاجة

تم نمرولتحضير عجينة السكر
نحتاجو
8غ جلاتين نباتي agar agar
125م كليكوز

60 م ماء
كيلوسكر الصقيل مغربل

طريقة
ناخدو الجلاتين ونضيفو لو الماء شوية بشوية باش ميتحببش ثم نملوه يخلي مدة دقيقة حيت هد الجيلاتين متيعطيش المفعول الا بعد ميغلي مدة دقيقة ماشي بحال الجيلاتين الحيواني ثم نضيف الكليكوز ونحركو ونطفيو عليه
ناخدو نصف كمية ط§ظ„ط³ظƒط± ونضيفو ليها خليط الجلاتين بعدما برد شوية ونخلطو مزيان ونبداو نضيفو باقي ط§ظ„ط³ظƒط± حتى الحصول على عجينة متماسكة ونخطيوها مزياااااااااااااان بفيلم اليمومتيغ باش متنشفش ونديروها فالثلاجة ليلة كاملة

بعدما وجدات العجينة ديالنا وكدا الملونات الغذائية انا درت الاحمر الاصفر الابيض الاسود

خديت العجينة قسمتها لاربع واضفت الملونات وكل متنسلي من وحدة تنغطيها ببلاستيك ملي تيوجدو تناخد العجينة ونسرحوها مع رش ط§ظ„ط³ظƒط± الصقيل

ونبداو بتغليف الكيك

وبالنسبة لشارب دهيلو كيتي خديت هد الحلوى وقطعتها على جوج ثم لثلاث قطع متساوية

ثم خديت الشكلاط الابيض وكتبت اسماء بناتي

نتمنى نكون وفقت فالشرح ها الحلوى وجدات خاص غير لي يقرا هههههههه

وكل شكري وامتناني لشيف ام هداية

;d; hello kitty fu[dkm hgs;v