بالنسبة للكيك عملت 2 واحدة بيضة بالفاني و التانية بالشكلاط
لكل كيكة نحتاجو
4 البيضات
كاس كبير سنيده
كاس كبير ماء مغلى طاااااااااايب
2 كيسان دقيق
2 خمارات
للكيك الابيض نضيفو كيس فاني
و للكيك الاسود مقصو من الدقيق كمية 2 معالق كبار و نضيفوهم شكلاط بودرة مر
الطريقة تطربو البيض و سنيده مزيااااااااااااااااااااااااااان حتى ايبياض الخليط و يصير كريمي و رخو تم نضيفو الماء الطايب شوية بشوية مع التطراب المستمر
تم نضيو باقي العناصر و نديروها في طاوة و ندخلوها للفرن
ملي نخرجوها نسقيوها
احسن حاجة تسقيو بيها هي المشرةبات الغازية تاتجي الكيك شارب مزيان و الذ
بالنسبة للرسمة انحتاجو الفوندون
و هده المقادير مضبوطة 100/100
لكل 250غ سكر كلاصي انحتاج بياض بيضة و نص حامضة
الطريقة كالتالي
تنطربو في الاول العصير الحامضة مع بياض بيضة و نبداو نضيفو السكر شوية بشوية و احتا تنطربو حتى اتجانس العناصر
بالنسبة لوازم الرسمة انحتاجو
الفوندون الي صاوبنا طبعا
ملونات غدائية
شكلاط دايب
ابرة
الرسمة المرغوب عملها
و البلاستيك الي تنحفضو فيه الاوراق
اول شيء بالشكلاط نرسمو الرسمة
تم نلونوالفوندون و ملاء بيه داخل الرسمة
لازم تبقى الرسمة في حرارة المطبخ على الاقل 24ساعة حتى تجف مزيان و تسهال تحيد لينا من فوق البلاستيك
و لضمان انها متكسرش و تعطي طعم ملي نبغيو نحيدو الرسمة من فوق البلاستيك ندهنوها بطبقة من الشكلاط دايب و نخليوه حتى اجمد الرسمة اتحيد بكل سهولة
يتبع
;d; ben 10 fhgt,k],k
لتر من الحليب
8 ملاعق سكر سنيده
4 معالق كريم باتسيير بودرة
ملعقتين كبيرتين قهوة
دوبت السكرو القهوة في الحليب و ضفت الكريم و درتها على النار حتى عقدات حيدتها و زدت عليها ملعقة زبده و خلطها مع الكريمة خليتها حتى بردات و درتها وسط الكيك
بالنسبة لفوق الكيك عملت موس ديال الشكلاط
كيس مع ربع لتر حليب بااارد طربتهوم مزيان و عملاهم فوق الحلوى
اما الكتابة فخديتها من الورد طباتها و درت التحت اطول باش قدرت نغرسها في الحلوى
من بعد حيدت الرسمة من البلاستيك و حطيتها فوق الكيك التحت ديال الريسمة ايولي هو الوجه
هنا سليييت اي استفسار لا تترددو
و النتيجة جد مرضية
