كيك لذيذ بالشكلاط والڭرڭاع بالصور

عواشر مباركة الله يدخلها عليكن بالمغفرة و الصحة والسلامة إن شاء الله
اليوم جبت لكن وصفة ساهلة ولذيذة ونتمنى تعجبكن

المقادير:

3 بيضات
كأس (عنبة) زيت
كأس سكر مطحون
كأس ماء
غ 150 من مسحوق الكاكاو
1 ڤاني
2 خمارات حمراء
الدقيق حسب الخليط (بحال أي كيك)
الڭرڭاع مهرمش
و شكلاط أبيض محكوك للتزيين

الطريقة:

نخلطو جيدا بالخلاط الكهربائي (أو اليدوي) الزيت + الماء + السكر + مسحوق الكاكاو، ونحتافظو جانبا بكأس من هذا الخليط.
و نضيفو المقادير المتبقية : البيض + الڤاني + الخمارات + الڭرڭاع و الدقيق
نكبو الخليط في مول مذهون بالزبدة والدقيق و إلى الفرن.
بعد ما يطيب الكيك نقلبوه في طبق التقديم و نذهنوه بكأس الخليط اللي حتافظنا بيه سابقا ونزينوه ط¨ط§ظ„ط´ظƒظ„ط§ط· وندخلوه الثلاجة ليقدم بــــارد. وبالصحة والراحة