13/05/2019
اليوم جبت ليكم طبق رائع ويستاهل انكم تجربوه حيث ماغاتبقاوش تستغناو عليه انا كانقدمو كا ديسير بلا مانطول عليكم ندوز مباشرة للمقادير:
حليب مركز محلى 305 مليليتر
حليب نفس عبار الحليب المركز (انا عبرت بالكاس د الحليب المركز)
3 البيضات
200غرام الكوك
الكاراميل (الى بغيتو تعدلوه فدار عملو 100غرام سكر سنيدة مع نصف كاس صغير د الماء وعملوهم فوق العافية حتى يتحول الخليط ل كاراميل)
اول حاجة نعملو الكاراميل في القاع د المول
من بعد نخلطو الحليب المركز المحلى مع الحليب والبيض
ونزيدو عليهم الكوك مع الاستمرار في التخلاط
غانحصلو على هاد الخليط
نخليوه يرتاح مدة 15 دقيقة باش الكوك يشرب الخليط وهادا سر نجاح الوصفة
من بعد مادوز 15 دقيقة نعملوه في المول
هنا غايبان ليكم الحبيبات د الكوك ولاو باينين
ودابا ندوزو للطهي الكيك ديالنا غادي يطيب في بان ماري في الفران مسخن على درجة حرارة 180° هنا ضروري مانسخنو الفران عاد ندخلو الكيك يطيب والمدة د الطياب هيا 40 دقيقة باش تعرفو الكيك واش طاب شكوه بالموس خاص الموس يكون ناشف ديك ساعا تكون طايبا
هاهيا فاش خرجتها
ونخليوها تا تبرد مزيان عاد نقلبوها في طبسيل
ودخلوها للثلاجة تزيد تبرد وتتقدم بالصحة والراحة
;d; ;hvhldgd.d fhg;,;
ه
المشاركة الأصلية كتبت بواسطة omorayan10 
ه
صافي قلعتيني انا من بلجيكا نيت هههههه ماكاتخايلي ماوالو كينين جوج طبقات مني كنخليو الكوك يشرب كيتنفخ ومني كنعملوه ف مول كيطلع لفوق ولتحت كايبقا لخليط د الحليب والبيض و…. لتحت مني كيطيب كيولي بحال فلان هادا ماكان
المشاركة الأصلية كتبت بواسطة ام الياس وايناس الله يبارك فيك
المشاركة الأصلية كتبت بواسطة جنات17 بالصحة والراحة الزين