بسم الله الرحمان الرحيم اليوم بغيت نقدم ليكم هاد الكيك كيجي رائع اقل مايقال عنها هائل
نتمنا تجربوه المهم نبدا على بركة الله
مقادير الكيك :
4 بيضات + 1 دانون فاني + 1 صاشي فاني + 1 كاس سنيدة + 1 كاس زيت + 2 كيسان دقيق
( العبار بكاس دانون ) + 2 خمارات
نخلط الكل مزيان الا الدقيق والخميرة ونغربلهم ونكبهم على الكيك ونخلط الكل ونكبوه
فمول مدهون ومرشوش بالدقيق هادا هو شكل المول
نكبو فالمول وندخلوه للفرن مني اطيب نقلبوه فطبسيل غدي تلاحدو كينا طقبلة لوسط غارقة شوية
حضرو كريم باتسيير المعتمدة عندكم انا كنستعمل فيها 3 معالق بودر كريم باتسيير +
2 معالق سنيدة + نصف لتر حليب نحرك حتا يعقاد وكبيتو وسط الكيك
من بعد خليت الكريمة حتا تشد فراسها وبديت فالتزيين درت خطوط فوق الكريمة بدانيت شكلاط
ودرت الوسط فرمسيل شكلتو على شطل دائري ودهنت الجناب بدانيت ودردرت الفرمسيل
والشكل الثاني نفس مقادير الكيك فالكريمة درت كريم باتسيير وفوقو كاناش 100 غ الشكلاط ومعلقة زيت و3 معالق
حليب او كريم فريش نذوبو الكل ونخليوه حتا يبرد شوي ونكبوه فوقو ونشيطو شوية الكريمة نطربوها مزيان
ونكبوها فالوسط ونديرو خطوط بالموس وفالجناب نديرو خطوط بالكاناش ويقدم بارد وبالصحة والراحة نتمنا
يعجبوكم في الصراحة كيجيو بنان وكحمرو الوجه قدام الضياف يقدم بارد .
;d; fhgl,g hgu[df fa;gdk lojgtdk ,ulhvm lojgtm vhhhhhhhhhhzu
الله يحفضك
عن طريق : samsung – GT-S6310
الله يحفضك
