كيك بالكاكاو

السلام عليكم و رحمة الله تعالى و بركاته، كيف حالكم أخواتي الأنيقات
اليوم جبت ليكم كيكة، كانت ذقتها عند واحد الشيف إيطالي وعطاني المقادير و جربتها جات كتحمق ولي داقها كيسول على المقادير ديالها و قلت ضروري منقولها للأنيققات لغزالات و أكيد مع صور تجربتي. نبداو بسم الله مع المقادير

دانون (أنا هنا ستعملت دانون بنكهة لفريز لأن كيعجبني و كيتمشا مع مذاق الشكلاط)
كاس كاكاو (ماتستعمليش كاوبيل لأن كينفخ الكيك بزاف و واكيعطيش اللون لي حنا راغبين فيه)
كاس سنيدة
كاس زيت
2 بيضات
1 خميرة الحلوى
الفورص (إنتي عينك ميزانك)
دابا الطريقة :

كانخدو الكاكاو والسنيدة، دانون والزيت نخلطوهم في الخلاط الكهربائي حتى يتجانسو وتدوب حبيبات السنيدة،

الخليط كيكون عاقد بزاف (يمكن ليك تزيدي ليه ربع كاس حليب باش يخفف شوية)،

ملي يتجانس الخليط غادي تنقصي منو هوالي 3/4 كاس وتحتافضي بيه لأن هو لي غادي نزينو بيه الكيك ملي طيب.

كناخدو خليط السنيدة و الزيت ودانون والكاكاو و نزيدو عليه البيض و نطربوه ثم نظيفو الخميرة و الفورص حتى تحصلي على عجين خفيف ( تقريبا 4 حتى 5 معالق كبار من الفورص) يمكن تحتاجي لأكثر على حسب نوعية الفورص المستعمل.
تعملي الخليط في القالب من بعد مدهنيه بالزبدة و ترشيه بالطحين و تدخليه لفران على حرارة 180° لمدة 20دقيقة.

و هنا بعد ماطبت أنا كنت عملت مقادير مدوبلة باش نصايب 2

ملي تبدر الكيك غادي نكبو عليها الخليط لي حتفظنا بيه

و نزوقها بلي موجود عندنا فواكه (فريز، موز لأنهم كيمشيو بزاف مع الشكلاط) أو فواكه جافة (جوز أو لوز، ….)

أنا هنا زوقتها باللوز مهرمش كان بقالي من حلوى ديال المشوك.
ويمكن كذلك متستعملي حتى حاجة من غير خليط
الكاكاو[IMG]IMG]

بالصحة و الراحة.
متبخلوش عليا بأراءكم

;d; fhg;h;h,