السلام عليكم
ايوا هاني جيت، ما خفاكمش آ الحباب حنا الناس الكسالى، لما كان عملو شي حاجة و كتصدق، ماكاتقدنا فرحة
ختكم كاتدخل للمطبخ في الاعياد الدينية و الوطنية، ودرت واحد الكيك و فرحانة براسي بزززاف، ماخليت لمن قلتها، ماكرهتش نخرجها في الجريدة
المهم، هو كيك لديد، عطاتو لي صاحبتي شامية
2كيسان تمر، كترقديهم فكاس ديال الماء سخون يلا كان التمر قاصح، ودافئ يلا كان لين، ضيفي عليهم نصف معلقة قرنفل مطحون، معلقة كبيرة حبة الهيل(قعقلة)، معلقة صغيرة قرفة، نصف معلقة كركم(خرقوم بلدي)
2خمارات، 1ڢانيلا، 4 بيضات، 3/4 كوب زيت، 1كوب سكر سنيدة، 2كيسان طحين (على حسب جودة الدقيق)
كتخدمي البيض، الزيت، السكر، الڢانيلا
ضيفي الدقيق و الخميرة، ثم التمربالماء ديالو ماتصفيهش
دهني المول، عمليه فالفرن بدون ماتسخنيه، من 30 حتى 40 دقيقة
كايجي رائع، و بالصحة و الراحة
ماتنساوش تشجعوني، و تقيموني، راه لاول مرة كاندخل لمنتدى الحلويات (الزحام و صافي)
ممكن الناس للي عندهم مشكل سكر يستغناو على السكر الابيض لان التمر حلو:
NB
;d; fhgjlv lksl l,sl
ماتنساوش تجربوه راه كيجي غزال
احسن تقييم من عندي
نجربوه على ضمانتك :")