كيك بالأناناس والكاراميل مع الصور

كيدايرين الأنيقات الغزالات؟ نتمنى تكونو بألف خير و عافية إن شاء الله

تفضلو المقادير:

1 بواط ديال الأناناس مقطع دوائر
4 بيضات
200غ دقيق
150غ سكر مطحون + 3 معالق كبار لتحضيرالكراميل
100غ زبدة رطبة
1 خمارة حمرة
1 ڤانية

الطريقة :

باش نوجدوالكراميل ،نوضعو 3 معالق ديال السكرالمطحون مع ملعقة ماء (أو عصير الحامض) في كاسرونة على نار مهيلة حتى يذوب السكر و يرجع بنى اللون.
نعجنوبالأصابع الزبدة مع السكرحتى يرجعو بحال الپوماد، و نضيفولهم البيض، الدقيق، الخمارة ثم الڤانية مع التضراب حتى ينساجمو مزيان.
نكبو الكراميل فالمول ونستفو فوقها الأناناس ونكبو فوقهم الخليط وإلى الفرن لمدة 30 دقيقة تقريبا على نار متوسطة حتى يتحمر الكيك ديالنا.
نخليكم مع الصور. و بالصحة والراحة