اليوم جيت نويركم واحد مولاتي الكيكة لقيتها فالنت و طرت نجربها و فعلا طلعات روعة و الصور خديتها غير فالنت ولكين راه كيفها كيف الي خرجتلي غير للمشكيل انا مبغاوش الصور دياولي يطلعو
المهم طولت عليكم ههههه ندوزو للمقادير
2بيضات
كاس زيت
كاس سنيدة
كاس حليب
فاني
كاس دقيق
كاس سميدة رقيقة
2تفاحات كبار
2خمارات حمرين
نطربوا البيض و السنيدة و الزيت كيفما موالفين نديرو فجميع الكيكات من بعد نضيفو الحليب و الفاني نخلطو الكل نزيدو
السميدة شوية بالشوية فالأخير نزيدو عليهم الدقيق و الخمارات
نعملوها فالمول ديالنا ليكون سبق لينا دهناه بشوية ديال الزبدة و رشيناه بالدقيق و نكبو الخليط ديال الكيكة
و نزينوها بالتفيفيحات لكيكون سبقلنا قشرناهم و قطعناهم بحال الشكل لي فالصورة
أدناه و نرقدوهم فشوية ديال الحامض باش ميكحالوش
و هاهيا مولاتي الكيكة كيف خرجات من الفران دهنوها ب confiture او لا السيرو لكيتحضر فالدار كلنا كنعرفو نصيبوه راها صورة طبق الاصل كيف خرجات ليا و صدوقي غادي تعجبكم بزاف فاللول كان
يسحابلي غادة تكون مدقصة مي خرجت زوينة و بنينة فعلا نتمنا تعجبكم و تجربوها وردوا عليا الخبار
و هدا طريف ليكم مني مع أرقي تحيـــــــــــــــــات
من غزل البنــــــــــات
😉
;d;JJJJJJJJjd fhgjthp , hgsld]m hgg]d]m lvpfJJJJJJJJJJJJh fd;l h[d, ]r,iJJJJJJJJJh hgHp]dm
المشاركة الأصلية كتبت بواسطة omox 
الله يبارك فيك أختـــــــي شكرا على اقتراح لمرة جاية نشاء الله نطبقو