كيكة مولود جديد بعجينة السكر

السلام عليكن حبيباتي
اليوم بغيت نوريكم تطبيق ط¬ط¯ظٹط¯ لعجينة ط§ظ„ط³ظƒط± واخا عدباتني حيت مفيهاس الجيلاتين تتقطع بسرعة

نتمنى تعجبكم

عجينة السكر
1 بياض بيضة نطربوه جيدا مع ملعقة كبيرة كليكوز دائبة فحمام مريم ثم نضيف عليه 625 غ سكر صقيل ونجمع باليدين حتى تصبح عجينة متماسكة نغطيها بالسلوفان قسمتها ونلونو كل قسم بلون واحد نخليوه ابيض بالنسبة للون الجلد انا خلطت البني مع البرتقالي ولكن حيت غبرة مندمجوش مزيان ممكن تستخدمي الملون السائل بنكهة الخوخ كيجي رائع غير هو كيجري العجينة شوية خاص تزيدي السكر

الجنواز
200 غ سنيدة نطربوها بالباتور مع 4 بيضات و 1 فاني ثم نضيف 200 غ فورص مخلط معاه قبصة ملح وخمارة حلوى نخلطو مزيان ونديروه فمول مدهون ومغبر بالدقيق وندخلوه الفرن على درجة حرارة 175 بعد إخراجه نزيله من المول ونتركه يبرد ليلة كاملة
نقسموه من النصف على 2 ندهنو بأي كريمة عندك انا استعملت شانتيي وندهنو من الفوق والجناب مزيان وندخلوها الثلاجة تشد رأسها
بالنسبة لمؤخرة البيبي انا درت كيك عادي طيبتو فزلافة كبيرة شوية بحال سلاضيي فبان ماري وحتى هو قسمتو من النصف بالعرض وندهنو بالكريمة ثم نرجعو النصف ونقطعوه من الجناب بحال التحت ديال طرطاقة وندهنوه بالكريمة وندخلوه للثلاجة من بعد نغلفوه هو والجنواز العجينة البيضاء كل واحد بوحدو ونحطو الكيك على الجنواز في الجنب
نأخذ عجينة ط§ظ„ط³ظƒط± اللي بلون الجلد ونشكلو منها الفخيدات والسيقان ديال البيبي والرجيلات والصبيعات نلصقو بقليل جدا من الماء ونقلبو الرجيلات باش يبان بحال باطن الرجل من التحت
ثم نطلقو العجين العوز ونديروه فحال المانطة ونحاولو نغطيو بيه مجسم المؤخرة والقدام ديال الرجلين وممكن نزوقوها كيفما بغينا انا كنت مزروبة وتقطعت ليا العجينة فقساتني مفينيتهاش مزيان
أي استفسار انا في الخدمة

---

;d;m l,g,] []d] fu[dkm hgs;v

تبارك الله عليك اختي درتي مجهود و باينة فنانة
و لكن محملتها ما قبلتها بسبب داك المنضر ديال دم و رجيلات وااااع
سمحيلي مقصدش نجرحك هدا مجرد راي ال ما عجبك نمسحو

تبارك الله الله يرزقك الصحة

عن طريق : samsung – GT-I9100G

لا لا اختي رأيك يحترم غير هو هاداك ماشي دم غير الملون مندمجش مزيان وانا كنت مزروبة مفينيتوش مزيان
ضحكتيني تفكرت راجلي مبغاش يأكل قالك جاب ليه الله بحال كيال فكوشا موسخا او فبيبي بصح
كل واحد ورأيه ولولا اختلاف الأدواق لبارت السلع

امين الله يبارك فيك ويرزقنا جميعا الصحة ويرزقنا انا واخواتي المتأخرات الذرية الصالحة عما قريب

السلام عليكم ورحمة الله
تبارك الله عليك اختي ، ولكن متبقايش ديري أشكال اللي فيهم أرواح ، حيث حرام ، ديري أشكال من الطبيعة راه عطى الله الخير يمكن لك تتفنني كيف حبيتي .
تقبلي رأيي ومروري

هههههههههههه هذا مالو مْكَوْز علينا ههههههههه
تبارك الله عليك الله يعطيك الصحة

تباركالله عليك ولاكن معجباتنيش لحمي بورش ملي شفتها

أن شاء الله أختي غير انا درتو بحساب ازدياد مولود عند لوسي هدا علاش

هههه ضحكتيني الله يبارك فيك اختي